Morgunblaðið - 20.05.2021, Qupperneq 44

44 MINNINGAR
MORGUNBLAÐIÐ FIMMTUDAGUR 20. MAÍ 2021
Vesturhlíð 2 | Fossvogi | s. 551 1266 | utfor@utfor.is | utfor.is
VIÐ ÞJÓNUM ALLAN SÓLARHRINGINN
Útfararþjónusta
í yfir 70 ár
Sigurður Bjarni Jónsson útfararstjóriMagnús Sævar Magnússon útfararstjóri
Guðmundur Baldvinsson útfararstjóriJón G. Bjarnason útfararstjóri
✝
Hrafnkell
Gunnarsson
fæddist í Reykjavík
þann 12. nóvember
árið 1957. Hann
varð bráðkvaddur á
heimili sínu í
Reykjavík þann 11.
maí 2021. Foreldrar
hans voru hjónin
Gunnar Óli Ferdin-
andsson eldsmiður,
f. 24.11. 1922, d.
30.8.2001, og Hrefna Guðbrands-
dóttir, f. 30.11. 1921, d. 27.4.
2014. Systur Hrafnkels eru
Magnea Gunnarsdóttir, f.
31.7.1945, og Birna Gunn-
arsdóttir, f. 16.6.1950.
Hrafnkell kvæntist þann 10.3.
Margrét Lilja, f. 27.8. 1982, maki
Jón Eiríkur Jóhannsson, f.
12.6.1975, börn þeirra eru
Hrafnhildur Líf, f. 27.8. 2002,
Aron Daði, f. 3.6. 2008, og Bjarni
Þór, f. 22.11. 2009. 4) Hrafnkell
Óli, f. 24.7. 1991, maki Berglind
Sunna Bragadóttir, f. 21.10.
1992, börn hans eru Svanhildur
Ósk, f. 4.2. 2013, og Elías Máni, f.
19.2. 2014.
Hrafnkell var lengst af fram-
kvæmdastjóri hjá bifreiða-
umboðinu Heklu. Hann starfaði
við rekstur á eigin félagi, Skaftá,
til dánardags. Hrafnkell lauk
rekstrar- og viðskiptanámi frá
Háskóla Íslands og MBA-námi
frá sama skóla. Útför hans fer
fram frá Fríkirkjunni í Reykja-
vík í dag 20. maí 2021 og hefst
athöfnin kl. 15, vegna fjöldatak-
markana verður athöfninni
streymt:
https://tinyurl.com/3sdm3cdh
Streymishlekk má nálgast á:
https://www.mbl.is/andlat
1979, Kristínu Þor-
björgu Jónsdóttur,
f. 30.11. 1957. Börn
þeirra eru 1) Sigríð-
ur Hrefna, f. 18.5.
1977, maki Eyjólfur
Eyjólfsson, f. 8.2.
1969, dætur hennar
eru Sara Lind, f.
2.2. 2001, og Sandra
Ýr, f. 16.1. 2008,
börn hans eru Gísli
Þór, f. 20.3. 1992,
Katrín, f. 21.1. 2002, og Ásgeir, f.
21.7. 2003. 2) Kristján Páll, f.
31.5. 1981, maki Heiðdís Helga
Antonsdóttir, f. 14.4. 1980, börn
þeirra eru Karen Harpa, f. 23.11.
2001, Gunnar Páll, f. 25.5. 2008,
og Sölvi Dan, f. 13.8. 2010, 3)
Elsku pabbi, ég veit ekki hvar
ég á eiginlega að byrja annars
staðar en að segja takk fyrir að
vera alltaf til staðar fyrir mig.
Takk fyrir að hvetja mig enda-
laust áfram og styðja mig í öllu
því sem ég hef tekið mér fyrir
hendur. Takk fyrir að hlusta og
fyrir að vera alltaf tilbúinn að
leiðbeina og veita mér bestu ráð
sem til eru. Takk fyrir að vera
pabbi minn.
Það eru svo mikil forréttindi
að hafa fengið að alast upp með
jafn sterka fyrirmynd og þig. Þú
kenndir mér vinnusemi og þau
góðu gildi að klára verkin strax,
ekki láta þau bíða. Þú kenndir
mér líka mikilvægi þess að
hlusta og bera virðingu fyrir
manneskjunni alveg eins og hún
er. En mikilvægast af öllu var þó
sjálfstæðið sem þú ólst upp í mér
og gleymi ég því seint þegar ég
fékk að fylgja þér 16 ára í vinnu-
ferð til London þar sem mér var
treyst til að valsa um Oxford-
stræti og versla, draumur sér-
hverrar stelpu. En þar fékk ég
líka að upplifa þá virðingu og að-
dáun sem allir sem með þér
störfuðu höfðu á þér.
Nú þegar ég horfi til baka og
hugsa með þakklæti til alls þess
sem þú hefur kennt mér þá verð
ég líka svo sorgmædd og leið yfir
því að þú skyldir vera tekinn
svona snemma frá okkur. Ég á
eftir að sakna þess svo mikið að
heyra í þér. Að geta hringt í þig
eða skutlast yfir í kaffi og spjall.
Þú varst mín stoð og stytta og
alltaf boðinn og búinn að hjálpa
og taka þátt í öllu því sem ég var
að gera. Þegar ég ætlaði að vera
ægilega sjálfstæð og mála vegg-
inn í stofunni þá varstu mættur
algerlega óumbeðinn með allt
sem til þurfti, málninguna líka.
Þú varst svo nákvæmur og vand-
virkur og allt lék einhvern veg-
inn í höndunum á þér. En það
var líka svo gaman að geta deilt
öllu með þér. Stoltið og hvatn-
ingin þín ýtti mér alltaf lengra til
að ná enn meiri árangri.
Ég er svo óendanlega þakklát
fyrir hvað við vorum náin og
samrýnd. Hvernig þú og mamma
stóðuð sem klettar við bakið á
mér og stelpunum á erfiðum
tíma við skilnað, hélduð utan um
okkur og styrktuð. Það er það
tímabil í mínu lífi sem ég hef
þakkað hvað mest fyrir að eiga
jafn frábæra foreldra og ykkur.
Við eigum svo mikið af dásam-
legum minningum. Golfvikan
okkar síðasta sumar þegar við
tókum okkur sumarfrí til að spila
golf í dásamlegu veðri og gera
vel við okkur í smurbrauði í
Hveragerði á milli hringja er
eitthvað sem mun lifa með mér
alla tíð. Þú hafðir svo mikla þol-
inmæði til að leiðbeina mér á
vellinum og þú varst stoltastur
yfir því að ég skyldi loksins fá
golfdelluna. Öll ferðalögin okkar
saman hvort sem var hér heima
eða úti, siglingar eða útilegur.
Þú kenndir okkur öllum að njóta
já og að fara eftir draumunum og
vera í núinu. Stelpurnar mínar
eru svo heppnar að hafa fengið
þann allra besta afa sem til er.
Afa með endalausa þolinmæði og
hlýju. Afa sem var alltaf til stað-
ar.
Elsku pabbi ég kveð þig með
svo miklu þakklæti í hjarta fyrir
allt sem þú varst og hefur gefið
mér. Ég er svo endalaust þakk-
lát fyrir að hafa fengið að vera
dóttir þín.
Sigríður Hrefna.
Elsku pabbi, ég átti ekki von á
að vera að skrifa þér þessi orð
nú, hélt við ættum eftir að eiga
þau mörg árin saman í viðbót.
Nú leita ég til þess æðruleysis
sem þú hafðir og hugsa til þeirra
stunda sem við áttum saman en
þær eru margar og góðar.
Alveg frá því að ég man fyrst
eftir mér varst þú alltaf tilbúinn
að taka mig með í hvað það sem
þú tókst þér fyrir hendur og
kenndir mér svo ótal margt. Ófá-
ar ferðirnar fór ég með þér niður
í Heklu þar sem þú starfaðir
lengst af og man ég vel hvað ég
leit mikið upp til þín. Stoltur
vildi ég feta í sömu spor og fékk
síðan tækifæri til að starfa með
þér í nokkur ár, sem styrkti sam-
band okkar enn frekar.
Framkvæmdasemi bjóstu yfir
og um átta ára aldur fékk ég að
hjálpa til við fyrstu byggingu
þína, þegar við byggðum sum-
arbústað fyrir fjölskylduna á
Laugarvatni. Dugnaður þinn var
slíkur að stundum ofbauð manni
að fylgja þér eftir, eftirminnilegt
er þegar ég var dauðþreyttur í
lok eins vinnudags og fékk mér
smálúr inni í einum af steypu-
hólkunum meðan þú leitaðir mín
um allt. Síðar fékk ég að taka
virkan þátt í þeim þremur ein-
býlishúsum sem þú reistir fyrir
fjölskylduna. Drifkrafturinn
þinn var einstakur og flestum
finnst nóg um að reisa sér eitt
hús um ævina en ekki þér.
Ferðalög okkar voru mörg
innanlands og utan. Mér er
minnisstæð ferð okkar tveggja
um hálendið þar sem við vorum
að prufa einn af þeim Mitsubishi-
jeppum sem þú áttir og fórum
um og sköpuðum eftirminnilegar
minningar. Saman byrjuðum við
að spila golf og nutum við þess
alla tíð.
Alltaf varstu tilbúinn að taka
virkan þátt í hverju því sem ég
tók mér fyrir hendur og þegar ég
tók mín fyrstu skref í skotveiði
þá tókst þú fullan þátt í þeim æv-
intýrum, smá þolinmæði þurfti
sem ég gat sótt til þín og skilaði
hún okkur veiði nokkrum ferðum
síðar.
Elsku pabbi, ég kveð þig að
lokum með þakklæti fyrir allt
það góða sem þú hefur gefið mér
og börnum mínum, mun minnast
þín uns við sameinumst á ný.
Kveðja, þinn
Páll (Palli).
Elsku pabbi minn, ég á erfitt
með að ná áttum á þessari
stundu og ná að skilja að þú ert
ekki lengur hér. Þú varst klett-
urinn í lífi okkar, alltaf klár í að
gera allt fyrir okkur, sama hvað
það var þá varst þú tilbúinn að
koma og redda málunum. Betri
fyrirmynd er ekki hægt að finna,
að alast upp horfandi á það
hversu mikið þú lagðir á þig fyrir
okkur svo við gætum notið er
aðdáunarvert. Vinnusemin og
elja þín mótaði mig í þann ein-
stakling sem ég er í dag. Þú hef-
ur kennt mér að ég get gert allt
sem mig langar til að gera, það
eina sem þarf er viljinn og láta
vaða. Eðli þitt var að gera allt
sem þig langaði til og í stað þess
að velta þér upp úr hlutunum þá
bara dreifstu þig í að fram-
kvæma þá. Þú varst alltaf að, það
mátti aldrei neitt bíða. Við erum
þér ævinlega þakklát fyrir allar
samverustundirnar en þið
mamma voruð mjög dugleg að
halda stóra hópnum ykkar ná-
lægt ykkur. Allar minningar af
ferðalögunum og samverustund-
um ylja á þessum erfiðu stund-
um. Minningarnar eiga allar það
sameiginlegt að þú gerðir allt til
þess að gleðja og láta okkur líða
vel. Ég hefði bara viljað fá mun
lengri tíma með þér þar sem við
áttum eftir að gera og upplifa
svo margt saman. Hvíldu í friði,
elsku pabbi minn, en ég veit að
leiðir okkar munu liggja aftur
saman síðar.
Þín
Lilja.
Sólríkir dagar undanfarið
hafa gefið fyrirheit um að fram-
undan sé tími þar sem minningar
verði skapaðar á ferðalögum og
samverustundum. Náttúran
vaknar til lífsins og fuglar syngja
inn daginn. Að vakna á svo fal-
legum degi við þær fregnir að þú
hafir kvatt, er okkur óskiljan-
legt. Þú sem hefur alltaf verið til
taks og boðinn og búinn að veita
ráð eða rétta hjálparhönd. Sá
sem var alltaf til í að skapa minn-
ingar og gera þær ógleymanleg-
ar, hvort sem það var að fara í
ferðalag, í golf eða taka til hend-
inni, þú varst einfaldlega til. Allt
sem þú tókst þér fyrir hendur
var gert upp á 10, snyrti-
mennska og útsjónarsemi var
einkenni þitt eins og heimili ykk-
ar Kristínar ber merki um. Þú
varst stoltur af fjölskyldunni
þinni og vildir allt fyrir hana
gera. Nú sækjum við í minninga-
bankann sem þú hefur verið svo
duglegur að leggja inn á hjá okk-
ur. Þar er af mörgu að taka, ferð-
ir hér heima og erlendis og sam-
verustundir sem við höfum átt
saman eru okkur ómetanlegur
auður í dag. Elsku tengdapabbi,
þú varst Afi barnabarnanna með
stóru A-i, því munu þau aldrei
gleyma og minning þín verður
sveipuð dýrðarljóma um einstak-
an mann sem lifir með okkur öll-
um.
Nú legg ég augun aftur,
ó, Guð, þinn náðarkraftur
mín veri vörn í nótt.
Æ, virst mig að þér taka,
mér yfir láttu vaka
þinn engil, svo ég sofi rótt.
(Sveinbjörn Egilsson)
Jón Eiríkur.
Ég elskaði að fara með þér og
ömmu út á sólbekk í Flórída að
tana enda virkilega öflugir sól-
bekkjarfélagar! Afi var ekki að
halda sig í skugganum eins og
pabbi gerði, heldur sagði hann
við mig að bera bara nóg af olíu
á! Enda hataði ég ekki að fá lit.
Þú og amma voruð alltaf svo
dugleg að kíkja yfir til okkar, ný-
komin úr „stuttum“ hjólatúrum
eða göngutúrum sem voru ekki
nema margir kílómetrar. Það má
segja að vantaði alls ekki upp á
hreyfinguna hjá ykkur ömmu.
Því ef það voru ekki hjólatúrarn-
ir, þá voru það göngutúrarnir
eða ræktin niðri og ekki var það
verra ef þú gast fengið ömmu í
smá kapp eins og ferskur ung-
lingur. Ég man alltaf eftir þér
sem svakalega virkum alltaf að
brasa eitthvað eða dunda ef þið
amma voruð ekki að undirbúa
næsta ferðalag. Þú beiðst ekki
með það að gera það sem þú vild-
ir og það viðhorf ætla ég að
reyna að tileinka mér í lífinu. Ég
þekki engan afa sem var jafn
hress og þú og saman mynduðuð
þið amma frábært teymi (nema í
bíl) sem við barnabörnin elskuð-
um að vera nálægt enda var
hvergi dásamlegra að vera en
með þér og ömmu. Ég vona svo
innilega að þegar ég verð gömul
verði ég jafn hress og þú varst en
aldrei man ég eftir því að hafa
séð þig öðruvísi en með bros á
vör. Ég mun aldrei gleyma þér,
afi, sakna þín og elska þig. Þang-
að til næst. Kveðja
Karen Harpa.
Afi, þú varst virkilega góður
maður, þú varst alltaf í góðu
skapi, þú varst þolinmóður, ham-
ingjusamur og alltaf tilbúinn til
þess að gera hvað sem er fyrir
okkur krakkana. Það var alltaf
hægt að koma til þín og það var
ekkert sem þú gast ekki hjálpað
manni með eða sagt manni til
um. Þú ert dýrlingur og fyrir-
mynd okkar, þú beiðst aldrei
með að gera hlutina og lifðir al-
gjörlega í núinu. Það er svo
margt sem þú kenndir okkur og
það er sárt að hugsa um það að
það sé ekki hægt að læra meira
af þér. Takk fyrir allt sem þú
kenndir mér, elsku afi minn, og
hvíldu í friði þangað til við
sjáumst næst.
Hrafnhildur Líf Jónsdóttir.
Mig langar til þess að segja
nokkur orð til minningar um ást-
kæran afa minn. Hann afi er einn
hugljúfasti maður sem ég hef
kynnst. Það sem afi minn gaf
mér af hlýju og ástúð var engu
öðru líkt, svo yndislegur og
skilningsríkur var hann. Hann
leitaði ávallt að því besta í fari
allra.
Ég gat alltaf stólað á hann afa
sama hvað, hann sótti mig og
skutlaði mér á æfingar í gegnum
minn tíu ára tennisferil. Hann
átti svo stóran þátt í tennisferl-
inum mínum, hafði alltaf óbilandi
trú á mér og fagnaði sérhverjum
sigrinum með mér. Ég gleymi
því aldrei hvernig það var að
koma heim til afa og ömmu, þar
sem þau voru með tilbúinn mat
fyrir mig eftir langa og erfiða
leiki. Ég og afi áttum það sam-
eiginlegt að við elskuðum bæði
tvö sushi, það var ein af mörgum
gæðastundum þegar við tókum
okkur saman rúnt í Glæsibæ og
komum svo heim með fullar
hendur af sushi til ömmu. Það
sem ég mun sakna þessara
stunda með þér, elsku afi minn.
Allar þær utanlandsferðir
sem við höfum farið í fjölskyld-
an, við eigum óendalega verð-
mætar minningar úr þeim ferð-
um. Við ferðuðumst svo víða,
elsku afi minn, en skemmtileg-
ustu minningarnar af ferðalög-
unum eru úr siglingunum sem
við fórum í. Mín allra fyrsta ut-
anlandsferð með þér var þegar
ég var aðeins fjögurra mánaða
gömul.
Afi minn var sólargeislinn í lífi
mínu. Það sem ég er þakklát fyr-
ir ykkur afi og amma, og allt það
sem þið hafið gefið mér. Þið stóð-
uð þétt við bakið á okkur mæðg-
um í gegnum erfiða tíma, og
varðveittuð okkur og styrktuð.
Ég gat alltaf leitað til þín afi ef
mig vantaði hjálp og ef ég bara
þurfti smá að spjalla. Þegar ég
fékk þær fréttir að þú hefðir yf-
irgefið þennan heim, vildi ég
ekki trúa því. Að hann afi minn
væri farinn og ég fengi ekki að
faðma þig aftur, svo hlýr og full-
ur af ást og umhyggju. Mér
fannst hjartað í brjósti mér ætla
springa. Hann afi minn kenndi
mér margt í gegnum lífið svo
sem að ávallt hugsa og sýna
skynsemi áður en ég framkvæmi
nokkurn hlut. Hann var svo
vandvirkur, algjör dugnaðar-
forkur og hreint út sagt fyrir-
mynd í lífinu.
Elsku afi minn, þú varst tek-
inn allt of fljótt í burtu frá okkur.
Ég mun að eilífu varðveita góðu
stundirnar okkar í hjarta mínu.
Ég kveð þig með þakklæti og
fyrir allt sem þú stóðst fyrir. Ég
er svo þakklát fyrir að hafa verið
afastelpan þín.
Þín
Sara Lind.
Elsku afi, mér finnst ótrúlegt
að þú sért farinn frá okkur. Þú
varst besti afi sem ég gæti óskað
mér. Þú gerðir allt fyrir mig. Það
sem ég elska þig mikið. Ég vildi
óska þess svo heitt að þú værir
ennþá hér og ég gæti bara komið
í heimsókn og fengið venjulega
afaknúsið frá þér, fengið mér
oreo og mjólk og spjallað við þig
í sófanum um allt og við hlegið af
okkur hausinn. Ég man það svo
vel þegar við vorum síðast í Flór-
ída, þegar ég var að reyna að
fleygja þér af kútnum í sund-
lauginni, hvað við gátum skemmt
okkur mikið. Afi, þú varst ynd-
islegasti, fyndnasti og skemmti-
legasti maður sem ég veit um.
Þetta eru erfiðir tímar en ég veit
að þú ert hjá mér og verður alltaf
til í hjarta mínu og passar alltaf
upp á mig og alla sem þú elsk-
aðir.
Þín afastelpa,
Sandra Ýr.
Síst af öllu hefði það hvarflað
að mér að að þurfa að kveðja þig
minn elsku bróðir. Ég var engan
veginn tilbúin að sætta mig við
þá staðreynd, enda varst þú á
besta aldri, alltaf glaðvær og til
staðar fyrir mig og fjölskyldu
mína. Við vorum alla tíð sam-
rýnd systkini og áttum margar
góðar stundir á Langholtsvegin-
um þar sem við ólumst upp.
Við fórum oft í gönguferðir, á
skíði eða skauta. Við horfðum
saman á fótboltaleiki og þurfti
móðir okkar oft að yfirgefa
heimilið meðan leikurinn stóð yf-
ir vegna hávaða í okkur. Þú lést
ekki þitt eftir liggja í góðlegum
hrekkjum þegar þú varst krakki
og varst alltaf til í sprell og
spaug.
Þegar þú kynntist Kristínu,
stóru ástinni þinni, hefðir þú
vart getað fundið betri lífsföru-
naut. Ykkar búskapur hófst á
Langholtsveginum. Mér er
minnisstætt þegar ég kom heim
af fæðingardeildinni og þið tókuð
á móti mér með blómum og kök-
um.
Strax á unga aldri varst þú
áræðinn og fylginn sjálfum þér.
Þér gekk vel í öllu sem þú tókst
þér fyrir hendur og þú lést ekk-
ert stöðva þig.
Þú varst alltaf til staðar fyrir
fjölskylduna þína og varst ein-
stakur pabbi og afi enda máttu
börnin þín og afabörnin vart sjá
af þér.
Þú varst aðaldrifkrafturinn í
ferðum okkar erlendis og eru
þær ferðir ógleymanlegar.
Ég á margar góðar minningar
um þig minn yndislegi bróðir, þú
sem varst mér svo kær.
Ég kveð þig með miklum
söknuði.
Birna Gunnarsdóttir.
Yndislegur maður er genginn!
Í dag kveðjum við kæran mág og
svila, Rabba hennar Kiddýjar
systur.
Margar góðar minningar
koma upp í hugann. Ef minnst
var á Kiddý þá var alltaf sagt
Kiddý og Rabbi, þið voruð svo
samrýnd og gerðuð allt saman.
Búin að vera saman síðan þið
voruð 16 ára.
Oft komuð þið í sveitina og þá
fannst þér gott að setjast upp í
traktor og komast í heyskap, fínt
að kúpla sig út úr öllu borgar-
stressinu. Minningarnar geyma
líka fyrstu utanlandsferð okkar
hjóna með ykkur Kiddý til Amst-
erdam, yndisleg og skemmtileg
ferð. Og svo komum við oft til
ykkar í sumarbústaðinn á Laug-
arvatni og margar, margar fleiri
minningar eru svo dýrmætar og
geymast. Þið voruð órjúfanlegt
kombó, samstiga í öllu sem þið
tókuð ykkur fyrir hendur. Fjöl-
skyldan var alltaf í fyrirrúmi og
þar varstu alltaf sterkur klettur.
Elsku Kiddý systir mín, þetta
er svo hryllilega óréttlátt og
mikil sorg, ég vildi svo geta tekið
allt og látið hverfa. Missir þinn
er svo mikill en ég vil trúa að
þegar þið hittist síðar þá verðið
þið aftur eins og þið voruð,
Kiddý og Rabbi að eilífu.
Guð geymi ykkur elsku systir
mín og fjölskylda.
Kveðja,
Jónína og Gestur,
Arnarstöðum.
Hrafnkell
Gunnarsson
- Fleiri minningargreinar
um Hrafnkel Gunnars-
son bíða birtingar og munu
birtast í blaðinu næstu daga.