Rit Landbúnaðardeildar : A-flokkur - 01.05.1955, Side 28

26
fyrir, að tvílembdu ærnar í A-flokki liafi skilað hlutfallslega jafnmiklu
meira verðmæti í mör og gæru. Þessar niðurstöður benda til þess,
að ekki sé ráðlegt að gefa ánni mikið yfir 50 g af síldarmjöli á dag,
nema nokkurn veginn sé víst, að svo til allar ærnar séu tvílembdar.
Einnig benda þessar niðurstöður til þess, að ærnar, sem fá 100 g af
síldarmjöli á dag, séu betur undir það búnar að mjólka tveimur
lömbum, þó að viðbótargjöfin virðist ekki bæta þrif þeirra yfir vet-
urinn, sjá töflur 19, 20 og 21. Eru þetta hliðstæðar niðurstöður og
fengust í tilrauninni, sem sagt er frá í kafla III hér að framan.
Samandregið yfirlit.
1. Tilraunin var gerð með mismunandi magn af síldarmjöli handa
ám með beit. Hún hófst 14. desember, og henni lauk 15. maí. í til-
rauninni voru 84 ær, sem skipt var í tvo jafna flokka, A- og B-flokk.
Ánum í A-flokki var gefið 100 g, en ánum í B-flokki 50 g af síldar-
mjöli á dag að meðaltali hverri á. Að öðru leyti fengu ærnar í báð-
um flokkum sama fóður og jafna beit.
2. Ærnar voru vegnar þrisvar sinnum á tilraunaskeiðinu og einnig
haustið eftir. Lömb þeirra voru öll vegin á fæti 21. september, og
fall vegið sér af hverju sláturlambi 24. september.
3. Lagt var stærðfræðilegt mat á árangur tilraunarinnar.
4. Tilraunin sýndi, að viðbótargjöfin af síldarmjölinu hafði ekki
áhrif á þrif ánna á tilraunaskeiðinu. Tvílemburnar í A-flokki gáfu
meiri afurðir, 1.49 kg af kjöti, en tvílemburnar í B-flokki. Einnig
gáfu einlemburnar í A-flokki örlítið meiri afurðir. Sá afurðamunur
var þó langt frá því að vera raunhæfur.