Múlaþing: byggðasögurit Austurlands - 01.01.2002, Side 163

Halli og Lísa
með vor í hjarta
Út er komin skáldsagan Halli og
Lísa - með vor í hjarta- eftir Braga
Björgvinsson frá Víðilæk í Skriðdal.
Bókin er ætluð börnum og segir frá
hversdagsævintýrum systkina sem
alast upp í sveit á fyrrihluta nýlið-
innar aldar. Halli og Lísa eru prúð
og skynsöm börn eins og börn vilja
oft verða í bókum þar sem fullorðnir
líta um öxl til bernskunnar.
Hversdagslegir viðburðir verða að
ævintýrum í sólskini æskuáranna þar
sem ekkert illt fær þrifist og vanda-
málin annað hvort eru ekki til staðar
eða leysast sársaukalaust fyrir tilstilli
skilningsríkra foreldra eða góðra afla
af ýmsu tagi. Bókin er full af
fróðleik um fyrri tíma og vangaveltum krakka sem eru að uppgötva lífið og
tilveruna í kringum sig.
Sérstaklega er það Lísa sem
margs spyr í bókinni og er Halli,
stóri bróðir, og faðir þeirra
óþreytandi að leysa úr
spurningum hennar.
Bókin er prýdd sérkennilegum og
fallegum myndum eftir sveitunga
bókarhöfundar, Katrínu Osk
Sigurbjörnsdóttur frá Þingmúla en
hún hefur vakið athygli fyrir ríka
hæfileika á sviði myndlistar.
Bókin er 112 blaðsíður, höfundur
gefur sjálfur út.