Heilsuvernd - 01.09.1952, Blaðsíða 31
HEILSUVERND
91
þörfunum jafnvel og jurtafæða ásamt mjólk, á slíkt viður-
væri fyllsta rétt á sér, og það er meira en lítill skortur á
frjálslyndi að amast við því.
Ef læknir bannar magaveikum manni að drekka kaffi,
borða sætar kökur, kjöt eða fisk, þá er það talinn sjálf-
sagður hlutur. En hinn sem forðast þessi matvæli til að
koma í veg fyrir, að hann verði magaveikur, er kallaður
sérvitringur eða ofstækismaður. Betur að slíkum „ofstæk-
ismönnum“ færi fjölgandi í landinu.
Að lokum þetta: Það er því miður alltof algengt, að menn
hafi ekki kjark til að fylgja sannfæringu sinni í daglegum
háttum, af ótta við að vekja á sér eftirtekt eða verða að
athlægi. Þannig veigra margir sér við jafnsjálfsögðum hlut
og að biðja um heitt vatn í stað kaffis. Og enn óbærilegra
finnst sumum að þurfa að láta á því bera, að þeir borði ekki
allan venjulegan mat, svo sem kjöt eða fisk. Sami óttinn
knýr margan unglinginn til að reykja fyrstu sígarettuna
og drekka fyrsta vínglasið.
B. L. J.
EKKI TÍMABÆRT AÐ VINNA GEGN REYKINGUM.
í júlímánuði þessa árs var í Belgíu haldin alþjóðaráðstefna
sérfræðinga og vísindamanna, sem vinna að rannsóknum á krabba-
meini í lungum. Það kom fram á ráðstefnunni, að þessi sjúk-
dómur hefir færzt mjög i vöxt á undanförnum árum, og þóttu
böndin berast mjög að sígarettureykingum sem meginorsök þeirrar
aukningar. Á ráðstefnunni kom fram tillaga um, að hafin yrði
allsherjarbarátta gegn óhóflegum reykingum. Tillagan náði ekki
fram að ganga. Meirihluta fundarmanna þótti ekki tímabært að
hefja áróður gegn óhóflegum reykingum. Hinsvegar var samþykkt
að halda áfram rannsóknum og skýrslusöfnun.
Heilsuvernd hefir ekki tengið frumheimildir fyrir frétt þessari,
sem er tekin úr islenzku dagblaði. En ekki er ástæða til að ætla
annað en að rétt sé með farið, og þessi afstaða ráðstefnunnar er
ijóst dæmi þess, sem þvi miður er alliof algengt hjá vísindamönn-
um, sem fást við læknisfræðilegar rannsóknir: að þeir slitni úr
tengslum við lifið sjálft og sjái ekki annað en þær ltöldu tölur
og tákn, sem skýrslur, efnarannsóknir eða smásjáin sýna þeim.
Það er vísindaleg staðreynd, að miklar reykingar skaða líkamann