Heilsuvernd - 01.06.1953, Qupperneq 21

HEILSUVERND
49
var gerð á mýsnar f jarri tjörublettinum, eða þær brenndar
lítið eitt, og jafnframt var hætt að smyrja tilraunadýrið
með tjöru, alllöngu áður en krabbamein næði að myndast
á tjörustaðnum. Brá þá svo við, að í flestum tilraunadýrun-
um myndaðist eftir stuttan txma krabbameinsæxli i sárinu,
jafnvel eftir að það var gróið.“
f 3. h. 1949 segir ennfremur:
,,I framlhaldi af tjörutilraun á músum, sem sagt var frá
í siðasta hefti, verður að geta um enn eitt afbrigði af til-
rauninni. I stað þess að bera tjöru alltaf á sama staðinn,
var hún borin á marga mismunandi staði á likama mús-
anna, en aðeins í fáein skipti á hvern stað. Tilraunadýrin
fengu þá ekki krabbamein í húðina, en í stað þess fengu 60
til 78% þeirra lungnakrabba“.
1 sama hefti er greint frá tjöruinnihaldi tóbaks og leidd
rök að því, að tóbakið eigi mikla sök á krabbameini í vör-
um, munni, hálsi og lungum.
HVENÆR Á ÁRINU ER BEZT AÐ FÆÐAST?
Mannfrœðingar hafa gert ýmsar athuganir á sambandinu milli
fæðingardags manna og hæfileika þeirra. Þessar athuganir sýna
fyrst og fremst, að í tempruðu beltum jarðar eru fæðingar flestar
að vetrinum. Annað hámark, mun minna, er að sumrinu. Þótt
kynlegt kunni að þykja, reynast börn fædd að vetrinum hraustari
en þau, sem fædd eru á öðrum árstimum. í Bandarikjunum eru
miklu fleiri aflraunamenn fæddir í ágúst og september en i öðrum
mánuðum. Sama er að segja um ýmsa athafnamenn, svo sem iðn-
hölda, hershöfðingja og stjórnmálamenn. Hinsvegar er veturinn
öðrum árst'íðum fremur fæðingartími andans manna, svo sem
vísindamanna, heimspekinga og rithöfunda.
Langlifi manna virðist einnig vera háð fæðingarmánuðinum.
Meðalaldur þeirra, sem fæddir eru i fe'brúar, telst þannig G9,7
ár (i Bandarikjunum), en manna fæddra í júní 67,8 ár. Athugun
i Frakklandi hefir sýnt, að af 4500 manns, sem létust á aldrinum
70—80 ára, voru flestir fæddir í janúar og febrúar, og þar á eftir
komu mánuðirnir júií og ágúst.
(Engum getum skal að þvi leitt, hvort svipuð lögmál bilda hér
á íslandi). (Vie et santé).