Heilsuvernd - 01.06.1953, Qupperneq 27

HEILSUVERND
55
úrgangsefni, sem myndast í líkama fastandi manns, m. a.
frá vöðvaeggjahvítu, sem líkaminn brýtur niður sér til
viðhalds.
Verði menn mjög máttfarnir, má leysa dálítið af þrúgu-
sykri upp í drykkjarvatninu. Þrúgusykur þarf ekki að
meltast, heldur gengur hann viðstöðulaust inn í blóðið og
færir líkamanum aukna orku innan 10—15 mínútna. Hann
flytur heldur engin úrgangsefni með sér, og tefur því ekki
hreinsunarstarfið. Nauðsynlegt er að skola ristilinn ræki-
lega með stólpipu dag hvern, meðan fastað er.
Vilji menn fasta sér til hressingar, kemur tveggja daga
fasta að góðum notum. En til lækninga langvinnra sjúk-
dóma nægir ekki minna en tvær, þrjár vikur eða meira.
Svo langar föstur ætti enginn að leggja út í öðru vísi en
undir eftirliti læknis, sem getur fylgzt með líðan sjúklings-
ins og fyrst og fremst með starfi hjartans. Og helzt af öllu
þarf iæknirinn að hafa reynslu í þessum efnum.
GOSDRYKKIR VALDA TANNSKEMMDUM.
Hvergi í heimi mun vera drukkið eins mikið af gosdrykkjum
og í Ameríku, og eru kóladrykkir þar efst á blaði. Þótt ýmsir
læknar og næringarfræðingar hafi varað við neyzlu þessara
drykkja, megnar það lítt gegn voldugum áróðri framleiðenda og
gosdrykkjasala. Ög kólaplágan breiðist út um öll lönd jarðar.
Nýleg'a hefir dr. G. Blumer skýrt frá niðurstöðum tilrauna með
áhrif gosdrykkja á heilsuna. Birtist frásögn hans í Annals of
Western Medicine and Surgery. Niðurstöður rannsóknanna eru
þær, að í flestum þessum drykkjum eru skaðleg eiturefni, þar á
meðal krabbameinsmyndandi tjörulitir. Þessir drykkir eru því
mjög heilsuspillandi, ekki sízt fyrir börn og unglinga, eiga m. a.
þátt í tannskemimdum. Alverstir eru kóladrykkirnir. Auk fleiri
skaðlegra efna er í þeim koffeín, og m. a. af þeirri ástæðu ættu
þessir drykkir að vera bannaðir börnum með öllu.
Vísindamaður sá, er fengizt hefir við þessar rannsóknir, heitir
dr. Cl. Mc Cay. Hefir uppgötvunum lians verið tekið fálega, eink-
um af gosdrykkjaframleiðendum, sem telja þær varhugaverðar,
þar sem þær stefna að því að leggja í rústir billjónafyrirtæki. En
dr. Mc Cay telur, að setja beri heilsu barna ofar velmegun gos-
drykkjaiðnaðarins.