Heilsuvernd - 01.06.1972, Side 7

hverju verkefnið væri fólgið: Að rækta upp landið án aðkeyptra
áburðarefna, því að íbúarnir hefðu ekki ráð á að leggja í þann
kostnað. Þeir hefðu ekki heldur efni á að koma upp vatnsleiðslum,
þannig að þeim yrði að duga það vatn, sem veðurguðirnir legðu
þeim til með úrkomu. Úr umsækjendum valdi dr. Stott svo inn-
fæddan negra, Mazibuko að nafni, sem þóttist fær um að leysa
þetta verk af hendi. Og hann tók þegar til starfa.
Hann byrjaði á því að láta grafa gryfjur, um tveggja metra
breiðar og einn metra á dýpt, og lengd eftir aðstæðum. Saman
við uppmoksturinn blandaði hann svo grasi, sem slegið var í
grenndinni, og mokaði öllu niður í gryfjurnar á ný. Úr þessu
varð einskonar safnhaugur og hin bezta gróðurmold, sem hélt vel
í sér vatni og þorrnaði því ekki um of. Síðan sáði hann í þetta
hampjurt, til þess eins að róta henni ofan í jarðveginn sem frekari
áburðarauka. Og þá var komið að því að sá grænmetisfræi og fræi
annarra nytjajurta, með sáðskiptum. Eftir árið voru þegar komnir
þarna blómlegir maísreitir og matjurtagarðar. Kornmyllu var
komið upp, þar sem maísinn var malaður, og á fyrstu sjö árunum
fimmfaldaðist maísmagnið, sem malað var, úr 5 í 25 tonn.
Sumarið er aðalregntími ársins. Til þess að hafa vatn árið um
kring lét Mazibuko hlaða fyrirstöður, safna vatni í tjarnir og
stunda þar fiskirækt. Ennfremur var komið upp alifuglarækt, og
á þann hátt fékkst dýrmætur áburður.
Þessi starfsemi hófst fyrir tuttugu árum, og nú eru í hérðaðinu
yfir 600 maísakrar og matjurtagarðar og framleiðslan alltaf vax-
andi. Jafnframt þessu hefir öll heilbrigðisþjónusta tekið miklum
breytingum til bóta, og íbúarnir hagnýta sér hana í vaxandi mæli.
Á þessum tuttugu árum hefir verið að vaxa upp ný kynslóð
í héraðinu, sem er orðið að frjósömu landi með skilyrðum til að
geta séð íbúunum fyrir heilnæmri fæðu og tryggt þeim líkamlega
heilbrigði. Hér er um að ræða einstæða tilraun, lærdómsríka og til
eftirbreytni, ekki aðeins fyrir þjóðir hinna svonefndu þróunar-
landa, heldur ekki síður fyrir hinar háþróuðu menningarþjóðir,
sem standa nú á barmi tortímingar vegna mengunar á flestum
sviðum mannlífsins.
HEILSUVERND
71