Heilsuvernd - 01.06.1972, Page 20

ÁRNI ÁSBJARNARSON, FORSTJÓRI
Nýtt hlutdeildapskuldabpéfalán -
LandshappdPaetti NLFf
Á þeim árum, sem bygging heilsuhælis NLFÍ stóð yfir og mest
þörf var fyrir lánsfé til þeirra framkvæmda, voru nokrum sinnum
gefin út af stjórn félagsins hlutdeildarskuldabréf. Bréf þessi voru
keypt af stofnunum og einstaklingum, sem áhuga höfðu á starf-
semi NLFÍ, og má fullyrða, að það fjármagn, sem þannig fékkst,
hafi mjög stuðlað að því, að byggingarframkvæmdir gengu svo
vel sem raun varð á. Nú eru þessi skuldabréfalán að fullu greidd,
nema hvað nokkrir handhafar þeirra hafa ekki framvísað bréfum
sínum.
Nú þegar framundan er bygging á nýju hæli, ákvað stjórn
NLFl að gefa út á ný hlutdeildarskuldabréf. Þessi bréf verða
dregin út árlega á næstu 10 árum, einn tíundi hvert ár. Þau bera
9V2% vexti og eru tryggð með veði í heilsuhælisbyggingunum.
Nú sem fyrr veltur á miklu um það, hversu fljótt gengur með
byggingu nýja hælisins, að áhugafólk um starfsemi Náttúru-
lækningafélagsins bregðist vel við og kaupi þessi bréf.
Þá hafa stjórnir Náttúrulækningafélags íslands og Náttúru-
lækningafélags Akureyrar hrundið af stað landshappdrætti til
ágóða fyrir byggingu heilsuhælis á Norðurlandi. Aðalumboð happ-
drættisins er í Hafnarstræti 101 á Akureyri (Amarohúsinu) í
umsjá formanns Náttúrulækningafélags Akureyrar, frú Laufeyjar
Tryggvadóttur. Formaður happdrættisnefndar er Haraldur Sigur-
geirsson, Spítalavegi 15, Akureyri.
Er heitið á alla að aðstoða við sölu þessara happdrættismiða og
leggja á þann hátt lið góðu málefni. Hjálpum þeim sem sjúkir
eða þreyttir eru orðnir, til að öðlast heilsu og starfskrafta á ný.
Að lokum vil ég benda á, að á öðrum stað í þessu hefti eru
auglýsingar varðandi skuldabréfin og happdrættið.
84
HEILSUVERND