Heilsuvernd - 01.12.1979, Síða 18

ur bent á, að fram til 1916 hafi ekki einu sinni verið minnst
á poka í ristli í læknabókum og að botnlangabólga hafi verið
sjaldgæf fyrir 1880. í byrjun 19. aldar veiktist aðeins þrítugasti
hver maður af krabbameini, en nú á tímum veikist fimmti hver
maður af þeim sjúkdómi.
í breska læknablaðinu Lancet birtist árið 1972 grein eftir
vinnuhóp lækna, sem rannsakað höfðu matarvenjur og hægðir
fólks í Austur- og Suður-Afríku. Einn úr þessum hópi, dr. Denn-
is Burhilt, kunnur vísindamaður, hafði lýst þeirri skoðun sinni
að skortur á trefjaefnum í fæðu gæti valdið ýmsum sjúkdómum,
svo sem krabbameini, ristilbólgu, kviðsliti, æðahnútum og hægða-
teppu. Rannsóknir læknanna á hægðum fólks leiddu í ljós:
1. Afríkumenn hafa eðlisþyngri og meiri hægðir en Englend-
ingar og ekki eins daunillar.
2. Þeir melta matinn þrisvar sinnum hraðar en Englendingar.
3. Þeir borða þrisvar sinnum meira trefjaefni.
Rannsóknir á tíðni sjúkdóma leiddu m.a. í ljós:
1. Hjartasjúkdómar eru svo til óþekktir í sveitum Afríku.
2. Krabbamein í ristli og endaþarmi er mjög sjaldgæft meðal
Afríkumanna.
3. Botnlangabólga þekkist þar ekki.
4. Ristilbólga er nærri óþekktur sjúkdómur þar.
5. Æðahnútar eru mjög fátíðir í sveitum Afríku.
6. Offita er svo til óþekkt þar.
Það kom í ljós, að meðal Afríkumanna sem taka upp mataræði
vestrænna þjóða fer brátt að bera á sjúkdómum sem tíðir eru
á Vesturlöndum.
Bantu-negri í Suður-Afríku borðar að meðaltali 25 grömm af
trefjaefni á dag, en Vesturlandabúi aðeins 8 grömm.
Breytt fæðuval á Vesturlöndum
Síðastliðin 50 ár hefur neysla ferskra ávaxta og grænmetis,
sem eru megingjafi vítamína og steinefna, minnkað um helming
í Bandaríkjunum. Á sama tíma hefur neysla á niðursuðuvörum
og öðrum unnum matvælum meira en tvöfaldast. Við niður-
138
HEILSUVERND