Fréttablaðið - 22.12.2021, Blaðsíða 44

Álfarnir Cherry og Oddur
búa heima hjá Þórdísi Björgu
Halldórsdóttur og fjölskyldu
hennar, en börnin á heimil-
inu eru á aldrinum tveggja til
níu ára.
svavamarin@frettabladid.is
„Það er mikil tilhlökkun á hverjum
morgni eftir því að leita að álfunum
og sjá hvaða prakkarastrik þeir hafa
gert þann morguninn,“ segir Þórdís.
Uppruni álfanna
The Elf on the Shelf, eða Álfurinn á
hillunni er bandarísk hefð sprottin
upp úr barnabók frá árinu 2005.
Bókin er eftir bandarísku mæðg-
urnar Carol Aebersold og Chanda
Bell.
Bókin inniheldur jólasögur í
bundnu máli og þar er útskýrt
hvernig jólasveinninn veit hver er
óþekkur eða stilltur.
Álfarnir heimsækja börn frá
því á þakkargjörðarhátíðinni til
aðfangadags og snúa þá aftur til
Norðurpólsins fram að næstu jólum
í Bandaríkjunum.
Á Íslandi birtast þeir á mismun-
andi tímum í mislangan tíma. Litlu
vinunum hefur fjölgað mikið frá
síðustu jólum. „Mér finnst alveg
sprenging í álfaheimsóknum síðan
í fyrra,“ segir Þórdís og segir mikla
eftirvæntingu meðal margra barna
um að álfar birtist á þeirra heimili.
„Þetta byrjaði þannig hjá okkur
að álfarnir Oddur og Cherry birtast
Púki hleypur í
hressa jólaálfa
Álfarnir heima hjá Þórdísi nota sykur í margvíslegt glens. MYND/AÐSEND
Bókin um álfinn
Bókin um
álfinn á hill­
unni, The Elf
on the Shelf:
A Christmas
Tradition,
eftir þær Car­
ol Aebersold og Chanda Bell,
með myndskreytingum Coë
Steinwart, kom út 2005.
Mæðgurnar segja bókina
sprottna af fjölskylduhefð
sem Carol byrjaði með fyrir
dætur sínar, Chanda og tví­
burasystur hennar Christa
Pitts.
Þrjú grundvallaratriði
n Kaupið álf.
n Lesið bókina eða horfið á
myndina til þess að skilja
betur hugmyndafræðina
að baki álfunum.
n Gefið álfinum ykkar nafn.
Reglur álfaleiksins:
n Ekki koma við álfinn, þá
missir hann töfra sína.
n Álfarnir tala ekki en eru
góðir hlustendur þannig að
krakkarnir geta sagt þeim
hvað sem er.
n Álfarnir verða alltaf að snúa
aftur heim til jólasveinanna
til þess að hjálpa þeim að
undirbúa næstu jól.
heima hjá okkur frá 1. desember
til aðfangadags,“ upplýsir Þórdís
og bætir við að aðrir komi þegar
bandaríska þakkargjörðarhátíðin
byrjar og enn aðrir komi með
íslensku jólasveinunum til byggða.
„Okkar álfar eru svolitlir púkar,
þeir gera alls kyns prakkarastrik á
hverri nóttu sem börnin geta ekki
beðið með sjá þegar þau vakna. Þau
fara að leita að þeim áður en þau
opna jóladagatalið og eiginlega líka
skóinn,“ segir hún.
Mega ekki skapa stress og
kvíða
Hlutverk álfanna er að
fylgjast með hvort
allir séu að hegða
sér vel í aðdrag-
anda jólanna,
þar sem þeir eru
s e n d i s v e i n a r
jólasveinanna.
„Við verðum
samt að gæta þess
að það ýti ekki undir
stress og kvíða hjá
börnum, né foreldrum, þó
svo að þessi hefð sé komin til að
vera hjá mörgum,“ leggur Þórdís
áherslu á og vill koma því að að
hún sé heimavinnandi svo hún
hefur ágætis tíma aflögu.
„Það ber einnig að gæta að sam-
anburði á milli álfanna. Þeir eru
eins misjafnir og þeir eru margir,
eins birtast þeir ekki á öllum heim-
ilum,“ segir hún.
Netvænir álfar
Á l f a r n i r er u mjög
sn iðu g i r og me ð
einstak lega mik la
a ð l ö g u n a r h æ f n i .
„Þeir sækja sér alls
k y ns hug my ndir
af netinu, líkt og á
Facebook og Pinter-
est. Sem dæmi nota
þeir sykurpúða mikið
í prakkarastrikin og
leikföngin úr barna-
herbergjunum. Þeir
nota einnig oftast
eitthvað sem er til á
heimilinu. Þetta þarf
alls ekki að vera f lókið,“
segir Þórdís. n
Almennar umgengnisreglur þvælast
ekki fyrir álfunum. MYND/AÐSEND
Uppátækin eru
ýmisleg og ekki
öll jafn dönnuð.
MYND/AÐSEND
Þórdís Björg
Halldórsdóttir

Kim
Kardashian er
álfamamma.
odduraevar@frettabladid.is
Skjólstæðingar SÁÁ sem eru í með-
ferð um jólin fá ævisögu Guðmundar
Felix Grétarssonar, 11.000 volt, í jóla-
gjöf. Einar Hermannsson, formaður
SÁÁ, segir ótrúlega baráttusögu
Guðmundar upplagða jólagjöf frá
samtökunum.
„Við gefum þeim sem eru hjá
okkur alltaf bókagjöf um jólin og
okkur fannst þetta tilvalið,“ segir
Einar en Guðmundur kemur ein-
mitt inn á baráttu sína við áfengis-
djöfulinn.
Í bókinni rekur blaðamaðurinn
Erla Hlynsdóttir ævisögu Guð-
mundar þar til hann fékk loksins
langþráða handaágræðslu. Einar
segir sögu Guðmundar frábæra fyrir
alla, vistfólk á Vogi sem og aðra.
„Þessi drifkraftur, þessi áræðni
og jákvæðni er frábær og vonandi
verða allir ánægðir með þetta.“ Allir
sem eru á Vogi og í eftirmeðferð á Vík
fá bókina.
„Þannig að þetta eru um 130 pakk-
ar. Þetta er saga hins jákvæða manns,
ótrúlega falleg saga og hvetjandi. Að
vera handalaus og sigrast á því, og
svo hefur hann háð sína baráttu við
fíknina og í mínum huga er hann
sigurvegari.“ n
Allt fólkið á Vogi
fær 11.000 volt
Einar Hermanns­
son, formaður
SÁÁ
Erla Hlynsdóttir rekur sögu Guð­
mundar Felix í bókinni 11.000 volt.
odduraevar@frettabladid.is
Akam, ég og Annika, er fyrsta skáld-
saga sjúkraþjálfarans Þórunnar
Rakelar Gylfadóttur sem segir hana
í raun vera fyrir alla aldurshópa
þótt hún hafi verið skrifuð fyrir
unglinga og bendir á að skjólstæð-
ingar hennar hafi hrifist af bókinni
og verði tíðrætt um hana.
Þá hefur bókin hlotið tilnefn-
ingar til Fjöruverðlaunanna og
Íslensku bókmenntaverðlaunanna
en Þórunn Rakel hafði aldrei skrif-
að bók áður en hún settist niður til
að skrifa Akam, ég og Annika.
„Þetta er bara búið að vera ævin-
týri,“ segir Þórunn sem hefur verið
sjúkraþjálfari alla sína starfsævi.
„Þetta er unglingasaga en ég er ekki
síst þakklát fyrir það að lesendur
allt frá tíu ára og upp í 100 eru að
lesa söguna og mér finnst þetta
eiginlega bara vera fjölskyldusaga.“
Þórunn segir alla geta samsamað
sig sögunni sem fjallar um hina
fjórtán ára gömlu Hrafnhildi sem
neyðist til að f lytja til Þýskalands
með fjölskyldu sinni. Nýi skólinn
er mjög strangur og það er erfitt
að vera nýja stelpan í bekknum
en þrátt fyrir það virðist vera til
verra hlutskipti, eins og því er lýst
á bókarkápunni.
„Kveikjuna að söguþræðinum
fékk ég frá mágkonu minni sem bjó
í Þýskalandi. Hún sagði mér litla
sögu af dóttur sinni, frænku minni,
og sú örsaga heltók mig og ég vissi
um leið og ég heyrði þá sögðu að ég
myndi búa til skáldsögu í kringum
það atvik,“ segir Þórunn.
„Það var svona atvik þar sem
unglingsstúlka stóð frammi fyrir
því vali að verja aðra eða standa
atkvæðalaus hjá. Og hún lét til sín
taka,“ útskýrir rithöfundurinn.
„Þetta heltók mig og það kemur
fram í bókinni í annarri mynd
og svo varð til allt önnur saga í
kringum það. Þessu bara vatt fram
í huga mér þar til ég varð hreinlega
að setjast niður og skrifa söguna.
Þetta var eins og lítill snjóbolti sem
varð að stórri snjókúlu í huga mér,“
segir Þórunn.
„Ég fer mikið á milli skjólstæðinga
á hjóli, ég geng mikið á fjöll og alltaf
þegar ég hreyfði mig þá fór sagan af
stað. Þetta var svolítið mikið bundið
við hreyfingu hjá mér og svo á end-
anum þurfti ég bara að setjast niður
og koma henni áleiðis.“
Þórunn segist ekki áður hafa lent
í því að fá yfir sig slíka andagift. „Ég
var alveg staðráðin í að skrifa þetta.
Svo er líka gaman að segja frá því að
ég skrifa söguna úti á Kanaríeyjum, í
Suður-Ameríku og á Kúbu því ég var
á ferðalagi og svo skrifaði ég hana
líka á Íslandi svo hún er skrifuð víða
um heim þessi saga.“ n
Íslensk unglingabók skrifuð í ferðalagi á fjarlægum slóðum
Þórunn Rakel skrifaði sína fyrstu skáldsögu á hreyfingu. FRÉTTABLAÐIÐ/ERNIR
32 Lífið 22. desember 2021 MIÐVIKUDAGURFRÉTTABLAÐIÐLÍFIÐ FRÉTTABLAÐIÐ 22. desember 2021 MIÐVIKUDAGUR