Fréttablaðið - 28.12.2021, Blaðsíða 28

Þá er ný
kynslóð
samfélags-
miðla að
ryðja sér til
rúms en
BeReal-
smáforritið
nýtur
vaxandi
vinsælda
meðal
yngri
notenda.
Árið á Instagram
Ferðagrömm
Ísland rataði í heimspressuna vegna
eldgossins í Geldingadölum sem hófst
í mars. Ferða-grammarar hérlendis sem
gerðu út á íslenska náttúru sópuðu að
sér fylgjendum í kjölfar ferða-
mannavæna eldgossins. Tónlist-
arfólk flutti tónlist og ástfangin
pör trúlofuðust og giftu sig fyrir
framan eldsumbrotin.
Átta áhrifavaldar í
LXS hópnum
Um er að ræða vinkvennahóp sem
heldur úti vinsælum reikningum sem
eiga það sameiginlegt að gera út á útlit
og tísku. Áhrifavaldarnir fengu sér sam-
stæð tattú með stöfunum LXS og héldu
viðburði sem miðlað var á Instagram, þar
sem söluvarningur var kynntur.
Íslenskir áhrifavaldar hakkaðir
Reikningar áhrifavaldanna Birg-
ittu Lífar, Sunnevu Eirar og Krist-
ínar Péturs voru meðal þeirra
fjölmörgu reikninga íslenskra
áhrifavalda sem voru hakkaðir í
sumar. Hakkarinn hafði sömuleiðis
í hótunum við fleiri áhrifavalda um að
gera slíkt hið sama.
Árið á Twitter
Var þetta skjálfti?
Jarðskjálftahrina á Reykjanesskaga 2021
hófst 24. febrúar og náði hápunkti með
eldgosi í Geldingadölum nokkrum vikum
seinna. Tístarar fóru jafnan
fyrst á Twitter til að staðfesta
að um skjálfta hefði verið að
ræða.
Bassi Maraj og Bjarni Ben
Samfélagsmiðlastjarnan Bassi
Maraj sagðist eiga til hugmyndir
fyrir Sjálfstæðisflokkinn og þegar Bjarni
tók vel í hugmyndina sagði Bassi Maraj
skoðanir sínar umbúðalaust og spurði út í
nýja stjórnarskrá, með orðum sem verða
ekki prentuð hér.
#MeToo-bylgjur
Fyrsta stóra bylgja ársins á Twitter hófst
í maí, í kjölfar tveggja kæra á hendur
fjölmiðlamanninum Sölva Tryggvasyni.
Nokkrar smærri #MeToo-bylgjur
fylgdu í kjölfarið, þar sem not-
endur á Twitter deildu sögum af
kynbundnu ofbeldi.
Japanski sendiherrann
Ryotaro Suzuki, sendiherra Japans á
Íslandi, sló í gegn með skemmtilegum
frásögnum af upplifun sinni af landi og
þjóð. Glöggt er gests augað og ljóst að ís-
lenskum tísturum þótti gaman að sjá sitt
eigið land og þjóð með augum einhvers
sem kemur úr ólíkri menningu.
Árið á TikTok
Laufey Eilish
Tónlistarkonan Laufey hélt áfram að
sópa að sér fylgjendum. Hún skipaði sér
hratt í sæti vinsælustu samfélagsmiðla-
stjarna Íslands á síðasta ári þegar banda-
ríska poppstjarnan Billie Eilish
deildi einu af myndböndum
hennar á samfélagsmiðlum.
Laufey er enn að keyra upp
fylgjendafjöldann og ljóst að
djassinn höfðaði sterkt til fólks
á stormasömu ári.
Tik-takk fyrir eldgosið
Líkt og í tilfelli Instagram var
árið gott fyrir TikTok-áhrifavalda sem
gerðu út á náttúru landsins, á borð við
That Icelandic Guy. Embla Wigum hélt
áfram að vera gríðarlega vinsæl. Embla og
Arnar Gauti Arnarson, sem kallar sig Lil
Curly Haha á forritinu, keyrðu
bæði yfir milljón fylgjenda
múrinn.
Daði Freyr heillaði heiminn
Daði og Gagnamagnið tóku
þátt í Júróvísjón í Rotter dam í
maí og festu enn frekar í sessi
vinsældir Daða sem Tiktok-
stjörnu.
Meme-árið
Meme eru stuttar myndir eða orða-
sambönd sem notuð eru sem strigi eða
skapalón fyrir brandara af ýmsum toga.
Sniðmátið hentar vel fyrir ádeilur og
endurspeglar oft hitamál augnabliksins
hverju sinni.
Anakin og Padme í lautarferð
Heimsfaraldrinum lauk ekki í ár, eins og
margir höfðu vonað. Þessi vonbrigði lyftu
Anakin Padme meme-inu, sem varð vin-
sælt á heimsvísu. Þar er rómantísk sena
úr Star Wars-myndinni „Attack of the
Clones“ notuð sem strigi.
Vettlingarnir hans Bernie Sanders
Joe Biden, nýr Bandaríkjaforseti, var
settur í embætti í janúar. Öldungadeildar-
þingmaðurinn Bernie Sanders mætti á
innsetningarathöfnina klæddur vett-
lingum sem vöktu heimsathygli. Bernie
var klipptur út og hann settur í aðstæður
af öllum hugsanlegum toga.
Litla jarðýtan í Suez-skurðinum
Flutningaskipið Ever Given stíflaði Suez-
skurðinn í Egyptalandi í mars, og stöðv-
aði umferð um skurðinn um langa hríð.
Ljósmynd af gröfu, sem virtist ógnarsmá
við hliðina á skipinu, fór á flug á sam-
félagsmiðlum. Ljóst var að málinu yrði
ekki reddað með þessari gröfu og eitt
vinsælasta meme ársins var fætt.
Samfélagsmiðlar hafa aldrei
verið vinsælli og hafa eflst
í samkomutakmörkunum
á heimsvísu. Ætla má að
4,48 milljarðar manna noti
miðlana daglega sem er rúm-
lega 13 prósenta aukning
síðan í fyrra. Samfélagsmiðlar
eru vitaskuld brotakenndur
aldarspegill sem þó segir sína
sögu þar sem þetta bar hæst á
árinu.
ninarichter@frettabladid.is
Þótt þrengt hafi að Facebook í
harðnandi baráttu um athygli not-
enda heldur Facebook enn forystu
sinni á Íslandi og var enn vinsælasti
samfélagsmiðillinn. Messenger, You-
Tube, Instagram, Snap chat, Pinterest
og Twitter fylgja, samkvæmt sam-
félagsmiðlamælingu Gallup í haust,
misöflugir í humátt á eftir. Sautján
prósent landsmanna nota TikTok
og kannski kemur á óvart að aðeins
átta prósent eru á stefnumótafor-
ritinu Tinder. Snap chat-notkun hér
á landi hefur dalað um átta prósent
milli ára.
Þá er ný kynslóð samfélagsmiðla-
forrita að ryðja sér til rúms og þann-
ig nýtur BeReal-smáforritið vaxandi
vinsælda meðal yngri notenda. Þar
eru áherslurnar aðrar en á eldri for-
ritum en sumir telja áherslubreyt-
inguna svar við vaxandi vanlíðan
ungmenna, sem hugsanlega má
rekja til pressu frá veruleikabrengl-
un samfélagsmiðla glamúrsins. Á
BeReal og sambærilegum forritum
eins og NowNow er leitast við að
efla samfélagshlutann með minni
áherslu á söfnun á lækum. BeReal
leitast við að útrýma möguleikan-
um á að fegra veruleikann, eins og
nafnið felur í sér. „Be real“ eða „Verið
sönn“. Samkvæmt sérfræðingum
Vogue Business mun þessi tegund
samfélagsmiðla hugsanlega leysa
hina eldri af hólmi. n
Var þetta jarðskjálfti?
Nánar á frettabladid.is FRÉTTABLAÐIÐ/GETTY
24 Lífið 28. desember 2021 ÞRIÐJUDAGURFRÉTTABLAÐIÐLÍFIÐ SAMFÉLAGMIÐLAANNÁLL 28. desember 2021 ÞRIÐJUDAGUR