Strandapósturinn - 01.06.1977, Page 8

Til lesenda
Þetta hefti Strandapóstsins, sem er 11. árgangur, er heldur
betur seint á ferðinni, því að það kemur nú út ári síðar en til stóð.
Liggja til þessarar seinkunar ýmsar ástæður, sem ekki verða
tíundaðar hér, en ritnefnd Strandapóstsins harmar að svo skuli
hafa farið og vonar að slíkt endurtaki sig ekki.
Af ofansögðum ástæðum verður þetta hefti samferða hefti
þessa árs 1978, 12. árgangi og er það ef til vill nokkur uppbót á
seinaganginum sem ritnefndin vill á engan hátt firra sig ábyrgð
á.
Vonum við svo að ritið verði sem fyrr sem flestum
Strandamönnum heima og heiman til ánægju því að það er og
verður höfuðtilgangur þess.
Ritnefnd Strandapóstsins