Morgunblaðið - 17.08.2021, Blaðsíða 27

TÓKÝÓ 2021
Gunnar Egill Daníelsson
gunnaregill@mbl.is
Sundmaðurinn Már Gunnarsson úr
Íþróttabandalagi Reykjanesbæjar
tekur þátt á sínu fyrsta Ólympíumóti
fatlaðra þegar hann keppir í fjórum
greinum; 50 metra skriðsundi, 100
metra baksundi, 100 metra flug-
sundi og 200 metra fjórsundi, í S11-
flokki alblindra í Tókýó. Már er öfl-
ugur sundmaður sem vann meðal
annars bronsverðlaun á Heims-
meistaramóti fatlaðra í Lundúnum
árið 2019 og setti nýtt heimsmet í
200 metra baksundi í apríl á þessu
ári.
„Þetta leggst mjög vel í mig en
þetta er pínu ótrúlegt líka. Þetta er
búið að vera stóra markmiðið í rosa-
lega langan tíma. Þetta hefur verið
eitt stærsta markmiðið í mínu lífi, að
komast á þetta mót, síðustu undan-
farin ár. Síðan var þessu frestað í
fyrra um annað ár, sem maður sá
svo sem fyrir. En það var bara eitt-
hvað sem maður þurfti að horfast í
augu við og stefna þá á Ólympíu-
mótið 2021, sem er núna,“ sagði Már
í samtali við Morgunblaðið um þátt-
töku sína á mótinu.
Undirbúningur hefur gengið vel
hjá honum. „Þessi tími er búinn að
líða ótrúlega hratt þrátt fyrir að Co-
vid hafi verið í kringum okkur. Ég er
búinn að æfa 40 prósent meira en ég
hef nokkurn tímann gert núna í
sumar þannig að þetta er bara búið
að vera flott. Ég er búinn að æfa
u.þ.b. 18 til 20 tíma í viku í allt sumar
og við erum að keyra þetta niður
núna til þess að ég verði orðinn vel
hvíldur fyrir Ólympíumótið.“
Faraldurinn snert við mér
Már sagði kórónuveirufaraldurinn
þó hafa haft ýmis áhrif á undirbún-
inginn. „Já ég myndi alveg segja
það. Ég ákvað að fara ekki í æfinga-
búðirnar hjá Íþróttasambandinu
[fatlaðra] núna í sumar, sem voru á
Mallorca. Ég ákvað að vera heima
frekar og vera bara í mínu örugga
umhverfi. Öll ferðalög eru lágmörk-
uð. Það er hundleiðinlegt að ferðast
með grímu og vera með grímu á
sundlaugarbakkanum.
Svo hef ég þurft að aflýsa alls kon-
ar tónleikum og viðburðum sem
tengjast náttúrlega ekkert sundinu.
Tónleikar sem ég átti að vera með í
Póllandi til dæmis, þeir voru færðir
til, frestað og svo hætt við þá. Þann-
ig að þetta hefur alveg snert við mér
en aftur á móti hef ég samt ákveðið
að fara í gegnum þennan faraldur á
jafnaðargeðinu, sem mér finnst bara
fínt,“ sagði hann, en Már er afar fær
tónlistarmaður auk þess að vera af-
reksíþróttamaður.
Get orðið ólympíumeistari
Spurður um hver markmið hans á
Ólympíumótinu í Tókýó væru sagði
Már: „Markmið mín eru í rauninni
bara að fara þarna út og vera ég
sjálfur, hafa gaman af þessu. Ég
ætla ekki að gera þau algengu mis-
tök að fara að setja mér einhver
markmið eða fara að ákveða fyrir
fram eitthvað sem ég ætla að gera.
Þetta er þannig íþrótt að maður veit
í fyrsta lagi ekki hvernig dagsformi
maður er í og í öðru lagi veit maður
ekkert hvað hinir gera.“
Hann sagðist þó vera fær um að
ná mjög langt á mótinu gangi allt
upp, sér í lagi í sérgrein sinni, bak-
sundi. „Maður hefur átt það til, ég
hef alveg gert þau mistök sjálfur, að
horfa á einhverja keppni og ætlað að
ákveða fyrir fram hvað maður ætli
að gera. Ég veit að ef ég á góðan dag
og syndi frábært sund þá er ég mjög
líklegur að verða ólympíumeistari í
100 metra baksundi.
Aftur á móti veit ég líka að ég get
staðið mig frábærlega og bætt mig
en um leið bætir einhver annar sig
þá bara meira. Eða þá að ég verð
óheppinn og syndi hægt. Það getur
allt gerst þannig að ég ætla bara að
fara þarna út og njóta þess að hafa
náð þeim merka áfanga sem er að
komast á Ólympíumót,“ sagði Már
að lokum í samtali við Morgunblaðið.
„Búið að vera eitt
stærsta mark-
miðið í lífi mínu“
Morgunblaðið/Unnur Karen
4 Már Gunnarsson keppir í 50 metra skriðsundi, 100 metra baksundi, 100
metra flugsundi og 200 metra fjórsundi á Óympíumóti fatlaðra í Tókýó.
- Sundmaðurinn Már Gunnarsson er
á leið á sitt fyrsta Ólympíumót
ÍÞRÓTTIR 27
MORGUNBLAÐIÐ ÞRIÐJUDAGUR 17. ÁGÚST 2021
Atvinnukylfingurinn Guðrún Brá
Björgvinsdóttir bætti eigið vallar-
met á Nesvellinum á Coca Cola-
mótinu sem fram fór á Seltjarnar-
nesi um síðustu helgi. Hún lék
hringinn á 64 höggum, átta högg-
um undir pari, og bar sigur úr být-
um. Hún bætti eigið vallarmet frá
síðasta ári um tvö högg.
Kjartan Óskar Guðmundsson og
Ólafur Marel Árnason urðu jafnir í
öðru og þriðja sæti á 69 höggum.
Coca Cola-mótið er elsta opna
golfmót Íslands en það var fyrst
haldið árið 1961.
Bætti eigið
vallarmet
Ljósmynd/GSÍ
Methafi Guðrún Brá bætti eigið
vallarmet um tvö högg á Nesvelli.
Andri Már Rúnarsson er genginn til
liðs við þýska handknattleiks-
félagið Stuttgart. Andri, sem er
átján ára gamall, skrifaði undir
fjögurra ára samning við þýska fé-
lagið en hann kemur til Stuttgart
frá Fram þar sem hann lék á síð-
ustu leiktíð. Andri Már hefur einnig
leikið með Fram hér á landi en
hann verður annar Íslendingurinn í
herbúðum félagsins. Landsliðsmað-
urinn Viggó Kristjánsson er samn-
ingsbundinn Stuttgart sem hafnaði
í fjórtánda sæti þýsku 1. deild-
arinnar á síðustu leiktíð.
Morgunblaðið/Kristinn Magnúss.
Þýskaland Andri Már samdi við
Stuttgart til næstu fjögurra ára.
Frá Fram til
Stuttgart
lenska liðsins í opnum leik þegar
tæpar sex mínútur voru eftir af
leiknum.
Úr urðu æsispennandi lokamín-
útur sem er ekki sérlega heppi-
legt fyrir íslenska landsliðið sem
oft hefur átt erfitt með að landa
sigri í jöfnum leikjum síðustu ár-
in þótt frá því hafi verið undan-
tekningar í Laugardalshöllinni
gegn Finnum, Tékkum og Sviss-
lendingum.
Ævintýraleg sigurkarfa
Ísland fór í sókn þegar innan
við hálf mínúta var eftir í stöð-
unni 80:80. Elvar reyndi fremur
erfitt skot og hitti ekki. Leik-
menn Svartfjallalands brunuðu
fram og Igor Drobnjak tókst að
koma boltanum ofan í af stuttu
færi um það bil þegar leiktíminn
rann út. Sigurskotið var raunar
svo dramatískt að dómararnir
ákváðu að skoða atvikið á vídeó
áður en þá skáru endanlega úr
um málið.
Íslenska liðið hitti mjög vel
lengi vel í leiknum og leikurinn
skilur eftir sig mun fleiri jákvæð
atriði heldur en neikvæð.
Tryggvi Snær Hlinason átti stór-
leik og skoraði 21 stig auk þess
að taka 10 fráköst. Ægir var
einnig frábær bæði í vörn og
sókn en hann skoraði 15 stig, gaf
4 stoðsendingar og stal boltanum
tvívegis. Kári Jónsson hitti úr
fjórum af sex þriggja stiga skot-
um sínum. Íslendingar mæta Dön-
um í dag í síðasta leik sínum í
riðlinum. Danir þurfa á sigri að
halda til að eiga möguleika á að
komast áfram í undankeppni HM
á kostnað Íslendinga. Svartfjalla-
land er komið áfram.
Vinna þarf Dani eftir súrt tap í gær
Ljósmynd/Fiba Europe
Drjúgur Tryggvi Snær var atkvæðamestur í íslenska liðinu með 21 stig.
FORKEPPNI HM
Kristján Jónsson
kris@mbl.is
Lukkudísirnar voru á bandi
Svartfellinga þegar Svartfjalla-
land vann Ísland 82:80 í for-
keppni HM karla í körfuknattleik
í Podgorica í Svartfjallalandi í
gær. En hver er sinnar gæfu
smiður í þessu eins og öðru.
Svartfellingar spiluðu hörkuvörn
í síðasta leikhlutanum og sóttu
sigurinn þótt þeir hafi verið fjór-
tán stigum undir um tíma í þriðja
leikhlutanum.
Svo virðist sem lið Svartfjalla-
lands geti gersamlega lokað á ís-
lenska liðið í vörninni þegar það
tekur sig til. Alla vega eins og
liðin eru skipuð í leikjunum í for-
keppni HM. Það gerðist í fyrsta
leikhlutanum í viðureign liðanna
í síðustu viku. Þá skoraði Ísland
ekki körfu í opnum leik í sjö mín-
útur. Í gær skoraði Ægir Þór
Steinarsson síðustu körfu ís-
Knattspyrnan hefur verið
undirrituðum ómissandi áhuga-
mál um áratugaskeið. Á yngri ár-
um spriklaði ég eitthvað sjálfur á
miðjum vellinum en með árunum
varð mín besta staða uppi í
stúku, eða sófanum. Besta mál,
það er sennilega ekkert
skemmtilegra en að horfa á leik-
inn spilaðan. Ég hef átt í lauslegu
ástarsambandi við fótboltann
síðan ég man eftir mér.
Ástæðan fyrir þessari hrifn-
ingu minni er einföld. Fótbolti er
besta íþrótt í heimi. Og sú
skemmtilegasta, bæði til iðkunar
og áhorfs. Mér finnst það og öðr-
um á að finnast það líka. En mér
til undrunar virðast ekki allir
hafa meðtekið hinn eina sann-
leika í þessum efnum. Það var
bara síðast í gær að vinkona
gekk upp að mér og fullyrti að
þetta væri tóm þvæla. „Blak er
skemmtilegasta íþróttin!“ æpti
hún nánast.
„Fótbolti er hundleiðinlegt
sjónvarpsefni,“ hrópaði hún upp
yfir sig. „Ég myndi fyrr horfa á
handbolta, eða körfubolta!“
bætti hún við. Þetta var auðvitað
hámark vitleysunnar. Ekki bara
hafði hún rangt fyrir sér, hún
sýndi óvefengjanlegri skoðun
minni enga virðingu. Ekki
nokkra. Og það til að upphefja
eitthvert hundleiðinlegt sport
sem á ekki roð í uppáhalds-
íþróttina mína.
Ósvífnin í sumum er auðvitað
algjör. Og hvar er umburð-
arlyndið? Getur fólk ekki bara
borið virðingu fyrir skoðunum
annarra og sætt sig við að við er-
um jafn fjölbreytt og við erum
mörg. Ofangreind vinkona, sem
ekki vill láta nafns síns getið og
verður því hér kölluð Laufey, fékk
ærlegar skammir frá undirrit-
uðum og réttilega svo. Þetta var
auðvitað ekki annað en hámark
vitleysunnar.
BAKVÖRÐUR
Kristófer
Kristjánsson
kristoferk@mbl.is
Vegna óvissu um samkomutakmark-
anir og aðra þætti í tengslum við kór-
ónuveiruna hefur KSÍ, Knattspyrnu-
samband Íslands, enn ekki staðfest
fyrirkomulag varðandi miðasölu á A-
landsleiki karla og kvenna í haust. Ís-
lenska karlalandsliðið leikur við
Rúmeníu, Norður-Makedóníu og
Þýskaland í undankeppni HM 2022 á
Laugardalsvelli í byrjun september.
Kvennalandsliðið leikur við Hol-
land í undankeppni HM 2023 í sept-
ember og gegn Tékklandi og Kýpur í
október en allir þrír leikirnir fara
fram á Laugardalsvelli.
„Vegna fjölda fyrirspurna vill KSÍ
upplýsa að vegna óvissu um sam-
komutakmarkanir og aðra þætti
vegna Covid-19 getur KSÍ enn sem
komið er ekki staðfest fyrirkomulag
miðasölu á A-landsleiki haustsins
(kvenna og karla), og þá sér í lagi
hvort mögulegt verði að bjóða upp á
mótsmiða- og/eða haustmiðapakka,“
segir í yfirlýsingu KSÍ.
„KSÍ mun bíða með ákvörðun um
miðasölu þar til skýrist hvaða reglur
muni gilda í september (yfir leikja-
daga landsliða) og mun upplýsa miða-
kaupendur um framhaldið við fyrsta
mögulega tækifæri.
Rétt er að taka fram að sem fyrr
verða þeir hópar sem keypt hafa árs-
miða og haustmiða í forgangi þegar
miðasala verður opnuð,“ segir enn-
fremur í tilkynningunni.
Óvissa
í kringum
landsliðin