Morgunblaðið - 09.09.2021, Blaðsíða 32

32 FRÉTTIR
Erlent
MORGUNBLAÐIÐ FIMMTUDAGUR 9. SEPTEMBER 2021
Stefán Gunnar Sveinsson
sgs@mbl.is
Bráðabirgðastjórn talíbana tilkynnti í
gær að öll mótmæli í landinu væru nú
bönnuð. Hyggjast þeir leyfa mótmæli
síðar, en einungis þau sem fengið hafa
sérstakt leyfi dómsmálaráðuneytis-
ins, en nokkuð hefur verið um mót-
mæli gegn yfirráðum þeirra í helstu
borgum landsins síðustu daga. Sagði
einnig í yfirlýsingu þeirra að tekið
yrði hart á þeim sem mótmæltu án
slíks leyfis.
Hafa konur verið sérstaklega áber-
andi í mótmælum í Kabúl í gær og í
fyrradag, en þær hafa meðal annars
mótmælt afskiptum Pakistana af afg-
önskum stjórnmálum, sem og því að
engar konur er að finna í hinni nýju
bráðabirgðastjórn. Voru mótmælin í
gær leyst upp af vígamönnum talíb-
ana líkt og hin fyrri.
Einnig bárust fregnir af mótmæl-
um í borginni Faizabad í norðaustur-
hluta landsins, og á þriðjudaginn mót-
mælti mikill fjöldi í borginni Herat.
Voru tveir mótmælendur þar sagðir
hafa fallið þegar mótmælin voru leyst
upp með kúlnahríð.
Stjórnin standist ekki loforð
Antony Blinken, utanríkisráðherra
Bandaríkjanna, sagði að ríkisstjórn
talíbana yrði að vinna sér inn viður-
kenningu alþjóðasamfélagsins, en
hann ávarpaði þá fjarfund utanríkis-
ráðherra tuttugu ríkja, þar sem Afg-
anistan var efst á baugi.
Sagði Blinken ljóst að ríkisstjórnin
sem tilkynnt var í fyrradag stæðist
ekki þau loforð sem talíbanar hefðu
gefið um að hún myndi innihalda ráð-
herra úr ýmsum pólitískum áttum,
auk þess sem það ylli sér áhyggjum
að sumir ráðherranna hefðu tengsl
við öfgaöfl sem hefðu staðið að árás-
um á bandaríska hermenn. Vísaði
Blinken þar líklega til Sirajuddin
Haqqani, sem nú er innanríkisráð-
herra, en hann er sagður hafa sterk
tengsl við al-Qaeda
Wang Wenbin, talsmaður kín-
verska utanríkisráðuneytisins, sagði
hins vegar að Kínverjar fögnuðu því
að þriggja vikna stjórnleysisástand
væri nú á enda runnið.
Sagði Wang að Kínverjar vonuðust
til að talíbanar myndu viðhafa hóf-
sama og stöðuga utanríkis- og innan-
ríkisstefnu og leggjast hart gegn
hryðjuverkahópum innan Afganist-
ans.
Wang Yi, utanríkisráðherra Kína,
hét í gær 31 milljón bandaríkjadala í
mataraðstoð og vetrarbirgðir, auk
þess sem Kínverjar ætla að senda
þrjár milljónir skammta af bóluefnum
gegn kórónuveirunni til Afganistans.
AFP
Mótmæli Afganskar konur mótmæla við sendiráð Pakistans í fyrradag.
Talíbanar banna öll mótmæli
- Mótmælt annan daginn í röð í Kabúl - Konur standa framarlega í röð mótmælenda - Blinken segir
talíbana þurfa að vinna sér inn viðurkenningu - Kínverjar heita talíbönum mikilli fjárhagsaðstoð
Réttarhöld hófust í gær yfir Salah
Abdeslam, þeim síðasta af hryðju-
verkamönnunum sem drápu 130
manns í Parísarborg árið 2015 sem
enn er á lífi. Sagði hann við upphaf
réttarhaldanna, að komið hefði verið
fram við sig og aðra sakborninga
málsins „eins og hunda“.
Tuttugu manns eru á sakabekk
vegna hryðjuverkanna, en ráðist var
samtímis á átta mismunandi staði í
París, en Ríki íslams gekkst við
ábyrgðinni á ódæðinu. Abdeslam var
með sjálfsvígssprengjubelti, en lét
ekki til skarar skríða. Hann hefur
setið í varðhaldi frá apríl 2016, og
verið mestan þann tíma í einangrun.
Abdeslam er sá eini sem tók þátt í
árásunum sem er nú fyrir rétti, en
hinir 19 eru sakaðir um að hafa að-
stoðað þá sem frömdu verknaðinn
við skipulagningu hryðjuverkanna.
Sex af sakborningum eru ekki við-
staddir réttarhöldin, en lífstíðar-
fangelsi liggur við brotum þeirra.
Áætlað er að réttarhöldin muni
vara í níu mánuði, og er gert ráð fyr-
ir 140 dögum af vitnaleiðslum, þar
sem um 300 manns, eftirlifendur og
aðstandendur fórnarlamba, munu
bera vitni.
Meðal vitna er Francois Hollande,
þáverandi Frakklandsforseti, en
hann sagði í gær að réttarhöldin
væru mikilvæg stund í lífi fórnar-
lambanna. Sagði Hollande jafnframt
að árásirnar hefðu verið „stríðsyfir-
lýsing“.
Meðal skotmarka hryðjuverka-
mannanna 13. nóvember 2015 voru
Bataclan-tónleikahöllin, Stade de
France-leikvangurinn, sem og
nokkrir barir og veitingahús í mið-
borg Parísar.
Kvartaði undan
illri meðferð
- Réttarhöld hafin yfir Abdeslam
AFP
Réttarhöld Salah Abdeslam, sést
hér á teikningu úr dómsalnum.
Leiðtogar ríkjanna í vesturhluta
Afríku héldu í gær neyðarfund
vegna valdaránsins í Gíneu um
helgina. Fundurinn var undir
merkjum ECOWAS, efnahags-
bandalags Vestur-Afríkuríkja, og
sögðu leiðtogarnir valdaránið
brjóta gegn reglum þess um góða
stjórnarhætti.
Ofurstinn Mamady Doumbouya,
leiðtogi valdaránsins, hefur heitið
því að færa aftur völdin til borg-
aralegra afla, en ekki hefur enn
fengist staðfest hvenær það yrði.
GÍNEA
AFP
Gínea Mamady Doumbouya, leiðtogi
valdaránsins, heilsar almenningi.
Leiðtogar ECOWAS
funda um valdarán
Styttan af Robert E. Lee, fremsta
hershöfðingja Suðurríkjanna í
bandaríska borgarastríðinu, var
tekin niður í Richmond, höfuðborg
Virginíuríkis, í gær.
Styttan var reist árið 1890, en
Lee stýrði Her Norður-Virginíu í
borgarastríðinu, sem stóð frá 1861-
1865. Réðst hann meðal annars
tvisvar sinnum í Norðurríkin, en
seinni innrás hans var hrundið við
Gettysburg í júlí 1863.
Styttan var sögð táknmynd
þrælahalds, og hét Ralph Northam,
ríkisstjóri Virginíu, því í fyrra að
hún yrði tekin niður í kjölfar
George Floyd-mótmælanna síðasta
sumar. Var það loforð efnt í gær við
mikinn fögnuð um hundrað manns,
sem viðstaddir voru athöfnina.
Ekki er vitað hvar styttan verður
framvegis geymd.
Robert E.
Lee felldur
af stalli
AFP
GÆÐI – ÞEKKING – ÞJÓNUSTAHáaleitisbraut 58–60 • haaleiti@bjorg.is • Sími: 553 1380
Hreinsum allar yfirhafnir,
trefla, húfur og fylgihluti