Morgunblaðið - 23.09.2021, Side 60

60 DÆGRADVÖL
MORGUNBLAÐIÐ FIMMTUDAGUR 23. SEPTEMBER 2021
Sími 557 8866 | www.kjotsmidjan.is | Fossháls 27, 110 Reykjavík
Opnunartími
8.00-16.30
Hakk,
gúllas,
bjúgu,
kótilettur
og bara
nefndu það
Kjötbúð Kjötsmiðjunnar – Ekki bara steikur
40 ÁRA Árni Már Sturluson ólst upp í Garðabæ að mestu en er búsettur í
Kópavogi. Hann er flugmaður hjá Icelandair.
„Ég byrjaði að læra atvinnuflug 10. september 2001, daginn fyrir hryðju-
verkin.“ Hann hóf störf hjá Icelandair 2005 og var flugstjóri til 2020 en er
núna flugmaður út af Covid-ástandinu. „Ég vann líka við að fljúga í Suður-
Kóreu 2010-2015, flúði hrunið hérna á Íslandi, og kynntist konunni minni
þar.“
Áhugamál Árna Más síðustu misserin hefur verið langhlaup. „Það hélt
manni réttu megin við núllið að hlaupa meðan á þessu kórónuástandi stóð.“
Hann vann Hengil Ultra í júní síðastliðnum, en það er 106 km hlaup. „Það
var óvæntur sigur og sá eini hingað til, en ég hafði einbeitt mér að lang-
hlaupum eftir að ég missti vinnuna. Svo fékk ég aftur starf hjá Icelandair
föstudaginn eftir hlaupið svo það var góður endir á þessum kórónuvetri.“
FJÖLSKYLDA Eiginkona Árna Más er Ah Leum Kwon, f. 1989, nemi í
hjúkrunarfræði. Dóttir þeirra er Anna Kwon Árnadóttir, f. 2019. Foreldrar
Árna Más eru Sólrún Einarsdóttir, f. 1948, hjúkrunarfræðingur, búsett í
Garðabæ, og Sturla Jónssson, f. 1948, smiður, búsettur í Nittedal rétt fyrir
utan Ósló.
Árni Már Sturluson
Stjörnuspá
21. mars - 19. apríl ,
Hrútur Samræður þínar við vini þína og
kunningja verða líflegar og uppörvandi. Fólk
er ekki að reyna að ergja þig þó að það geri
mistök.
20. apríl - 20. maí +
Naut Það getur skapast eitthvert tómarúm
á vinnustað þínum, sem eðlilegt er að þú
fyllir upp í. Gerðu þér far um að umgangast
fólk.
21. maí - 20. júní 6
Tvíburar Á vissum augnablikum getur verið
rétt að aðhafast ekkert því ef reynt er að
hreyfa málum þá rekur allt í strand. Gefðu
þér tíma til að gaumgæfa allar hliðar mál-
anna.
21. júní - 22. júlí 4
Krabbi Það hefur ekkert upp á sig að ætla
að leysa viðkvæmt mál í einu vetfangi.
Sýndu tillitssemi og virtu tilfinningar ann-
arra.
23. júlí - 22. ágúst Z
Ljón Þú ættir að halda skoðunum þínum og
tilfinningum hjá þér þar sem það getur
stundum reynst tvíbent að tala hreint út.
Flýttu þér ekki um of.
23. ágúst - 22. sept. l
Meyja Vertu ekki móðgaður yfir tilboði sem
þér var gert í fullri einlægni. Hristu af þér
slenið, brettu upp ermarnar og gakktu djarf-
ur á vit nýrra ævintýra.
23. sept. - 22. okt. k
Vog Atburðarásin mun taka öll völd úr hönd-
um þér ef þú ekki stingur við fótum og nærð
stjórn á hlutunum. Ekki gera úlfalda úr mý-
flugu.
23. okt. - 21. nóv. j
Sporðdreki Það er í góðu lagi að gera áætl-
anir og vera stórhuga, ef þú bara gætir þess
að hafa báðar fætur á jörðunni.
22. nóv. - 21. des. h
Bogmaður Vinnusemi þín fer ekki fram hjá
öðrum og þú munt hljóta umbun erfiðis
þíns. Rökhugsun þín og vilji til þess að hjálpa
verða þess valdandi að aðrir virða þig.
22. des. - 19. janúar @
Steingeit Þú ert úthaldsgóður og það kem-
ur sér vel núna þegar þú ert beðinn um að
taka að þér hin ýmsu verkefni. Reddingar
geta dregið langan hala á eftir sér.
20. jan. - 18. febr. ?
Vatnsberi Það vantar ekki mikið upp á að
þér takist að klára það verkefni sem þér hef-
ur verið falið.
19. feb. - 20. mars =
Fiskar Þú fyllist andúð í garð einhvers og
finnst að gerðar séu meiri kröfur til þín en
annarra.
gamlar flíkur í og saumaði upp úr
þeim til að endar næðu saman.“
Barðist fyrir löggildingu
Eftir Hússtjórnarskólann fór
Eygló í nám á snyrtistofu Ástu Hall-
dórs, í snyrtifræði og fótaaðgerð.
Þessar greinar höfðu ekki fengið ís-
lenskt starfsheiti né viðurkenningu
innan íslenskt menntakerfis. „Með-
ferð á veikum fótum, svo sem inn-
grónum nöglum, sprungnum hælum,
sveppum og fleira var allt skilgreint
sem fótsnyrting sem jafngilti hand-
snyrtingu til fegrunar. Þessar grein-
ar hafa blessunarlega farið í góðan
farveg og erum við nú orðin aðilar að
alþjóðasamtökum í öllum þessum
greinum. Þessi mál eru mér hug-
leikin þar sem ég stóð ásamt öðrum í
þessum bardaga.“
Eygló var svo samhliða í nudd-
námi á vegum Birgittu Engilberts
og áfram á nuddstofu Vesturbæjar
og nuddstofunni á Hótel Sögu og
starfaði þar um árabil. Hún vann svo
við nudd í Heilsulindinni Hverf-
isgötu 50 nokkur ár. „Alla þessa
þjónustu vantaði úti á landi og fór ég
oft ásamt öðrum starfsfélögum víða
um land til að uppfylla þá þörf. Fé-
Staðarfell í Dölum í hússtjórn-
arskóla sem hét í þá daga hús-
mæðraskóli. „Þetta var einn vetur
og gaf manni góða undirstöðu á
margan hátt. Vinda tuskur og malla
graut. Þar saumuðum við flestar
skírnarkjóla sem hafa komið að góð-
um notum í gegnum lífið og flest mín
barnabörn hafa verið skírð í. Eftir
það saumaði maður allar flíkur bæði
á sig og síðar börnin. Rakti upp
G
uðbjörg Eygló Þorgeirs-
dóttir fæddist 23. sept-
ember 1951 á Landspít-
alanum en ólst upp á
Möðruvöllum í Kjós hjá
foreldrum sínum.
Barnæskan í Kjósinni
„Langafi keypti Möðruvellina
1890 og var þar með einbýli til ævi-
loka 1914, ásamt langömmu. Árið
1915 tóku synir þeirra, Jón afi og
Sigurður afabróðir, við jörðinni og
skiptu henni bróðurlega á milli sín.
Synir afa, pabbi og Jónmundur,
ásamt Guðmundi, syni Sigurðar afa-
bróður, voru svo síðustu bændurnir
þar. Foreldrar mínir brugðu búi í
janúar 1995 og fluttu þá á hjúkr-
unarheimilið Grund.“
Möðruvellir liggja innarlega í
sveitinni og var oft ill- eða ófært á
veturna enda miklu snjóþyngra en
nú til dags. Því þurfti að keyra á
dráttarvélum eða hestasleðum norð-
ur fyrir Laxá til að komast í bílfæri
með mjólkurbrúsa eða til að komast
í skólann að vetri til. Barnaskólinn
var í Ásgarði þar sem nú er sveit-
arstjórnarskrifstofan og byrjaði
hann aldrei fyrr en eftir fyrstu rétt-
ir. Níu ára hófst skólaganga okkar í
Kjósinni og bjuggum við þá í heima-
vist. Foreldrar mínir voru ekki á bíl
svo það var happa og glappa hvernig
maður komst heim um helgar. Gist-
um eina nótt heima og vorum oftast
komin í skólann aftur á sunnudags-
kvöldi. Þannig liðu tvær vikur svo
vorum við börnin heima í tvær vikur,
þannig koll af kolli.“
Eftir grunnskóla fóru flest börnin
í Brúarlandsskóla í Mosfellssveit og
Kjósarbörnin voru í heimavist í
Reykjadal í Mosfellsdal. Eygló lauk
svo gagnfræðaskólanámi í Reykja-
nesi við Ísafjarðardjúp. „Það var
yndislegur staður og myndaðist
mikið tengslanet þar sem endist enn,
enda var skólinn mjög einangraður,
eingöngu hægt að komast þangað
sjóleiðis. Á þessum árum voru hér-
aðsskólar mjög vinsælir og kapp-
hlaup að komast að. Skógaskóli og
Reykjanesskóli komu helst til greina
hjá okkur systrum.“
Eftir gagnfræðaskóla fór Eygló á
lag íslenskra nuddara var svo stofn-
að 1974 og var ég þar í stjórn ásamt
fleirum. Ólafur Jónsson var þar
fyrsti formaður og börðumst við þar
fyrir réttindum okkar og auknu
námi. Við fengum lækna úr mismun-
andi fagstéttum til að vera með
kennslu í þeim greinum sem kennd-
ar voru erlendis. Þessi reynsla var
mér mikilvæg þegar kom að barátt-
unni við réttindi fótaaðgerðafræð-
inga.“
Árið 1983 setti Eygló upp stofu í
Sólheimum 1 og var þar tæp þrjú ár.
Hún flutti þaðan 1986 á Langholts-
veg 17 þar sem hún rak Eygló
heilsulind í tæp 30 ár. Hún stóð fyrir
stofnun Félags fótaaðgerðafræð-
inga, FFF, 11.10. 1989 og var for-
maður þess. „Samfara því stofn-
uðum við skóla í bóklegum fræðum
og fengum til okkar fjölda fræði-
manna innan heilbrigðisstétta og
studdist námið við nám í sambæri-
legum viðurkenndum erlendum
skólum. Eftir að löggildingin hafði
átt sér stað 1991, og þau tvö félög
sem voru til staðar í landinu samein-
uðust, breyttist nafn félagsins í Fé-
lag íslenskra fótaaðgerðafræðinga,
FÍF.“
Samfara störfum sínum á stofunni
Eygló heilsulind hóf Eygló nám í
austurlenskum fræðum í nokkurs
konar fjarnámi eftir að hún hætti í
stjórn fótaaðgerðafræðinga 1996.
„Þá fór ég til London í 6 til 10 daga í
hverjum mánuði, fékk með mér
verkefni heim sem var skilað í næstu
lotu. Þetta er shiatsu sem er alda-
gömul heimspeki og meðferð sem
byggist á orkubrautum líkamans.
Ég útskrifaðist úr British School of
Shiatsu-Do í London 1999. Hér á
landi voru tvær stúlkur sem höfðu
lært shiatsu í öðrum skólum. Við
stofnuðum Shiatsu-félag 8. apríl
2005 og gerðumst meðlimir í BIG,
Bandalagi íslenskra græðara, þar
sem ég var í stjórn um árabil.“
Eftir shiatsu-námið fór Eygló í
nálastungunám hjá AcuMedic í
Camden Town í London. „Þetta kom
til af því að ég frétti að kennari minn
úr shiatsu-skólanum var að hefja
nám þar í „acupunture“. Það nám
var byggt upp með svipuðu sniði og
Eygló Þorgeirsdóttir, fótaaðgerða-, nudd- og snyrtifræðingur – 70 ára
Fjölskyldan Stödd í Laugardalnum í tilefni af gullbrúðkaupi Eyglóar og
Reynis 26. júní sl. Á myndina vantar Bergdísi Líf Eyjólfsdóttur.
Margfróð um mannslíkamann
Hjónin Eygló og Reynir.
Til hamingju með daginn