Morgunblaðið - 23.09.2021, Blaðsíða 26

26 FRÉTTIR
Innlent
MORGUNBLAÐIÐ FIMMTUDAGUR 23. SEPTEMBER 2021
LKINUGEFÐU
DAGAMUN
Suðurlandsbraut 30 | 577 5600 | info@oskaskrin.is | oskaskrin.is
Gæsir af þremur tegundum bera nú
tæki sem skrá ferðir þeirra og senda
upplýsingarnar með SMS. Arnór
Þórir Sigfússon, dýravistfræðingur
hjá Verkís, hefur sinnt slíkum merk-
ingum á grágæsum og helsingjum.
Hann hefur merkt alls 25 grágæsir
með staðsetningartækjum og nú eru
tíu grágæsir með virka senda. Skosk
umhverfisstofnun (NatureScot)
lagði fram 33 senda til grágæsa-
merkinga í sumar og hafa Arnór,
Náttúrufræðistofnun Íslands og
Náttúrustofa Austurlands þegar
merkt 22 gæsir með þeim.
Tæki voru sett á fimm helsingja í
fyrra og fjóra í sumar. Tveir voru
merktir á Breiðamerkursandi og
fengu nöfnin Guðrún eldri og Hálf-
dán eftir systkinunum frá Kvískerj-
um. Kvískerjasjóður styrkti verk-
efnið. Guðrún eldri var skotin um
síðustu helgi og líklega drap tófa
helsingja sem fékk tæki í fyrra.
Tækin er hægt að nota áfram.
Tveir helsingjar voru merktir með
staðsetningartækjum á Álftavers-
afrétti. Skaftárhreppur styrkti kaup
á öðrum sendinum og fékk fuglinn
nafnið Laki. Einstaklingur styrkti
hinn sendinn og er sá fugl kallaður
Hallmundur í höfuðið á gefandanum.
Þá hafa Bretar sett staðsetningar-
tæki á heiðagæsir sem verpa hér.
Staðsetningartækin hafa gefið at-
hyglisverðar upplýsingar.
Grágæsirnar eru heimakærar og
fara flestar stutt frá sínum stað. Á
vetrarstöðvunum halda þær sig á til-
tölulega litlu svæði. Heiðagæsir eru
miklu víðförlari bæði hér og á vetr-
arstöðvunum. Þær lenda nyrst í
Skotlandi og fikra sig sunnar eftir
því sem líður á vetur. Þegar nálgast
vor þokast þær aftur norður á bóg-
inn áður en þær fljúga heim.
Helsingjarnir flakka talsvert um
láglendi Skaftafellssýslna en halda
sig á tiltölulega litlum bletti á vetr-
arstöðvunum. gudni@mbl.is
Ljósmynd/Arnór Þ. Sigfússon
Merktur Helsinginn Laki sést hér í miðjum hópnum og þekkist af staðsetningartækinu sem hann ber um hálsinn.
Skaftárhreppur styrkir hálsmerki Laka. Myndin var tekin í gæsarétt þar sem helsingjunum var smalað saman.
Ljósmynd/Arnór Þ. Sigfússon
Guðrún eldri Sæmundur Helgason og Kristín Hermannsdóttir, for-
stöðumaður Náttúrustofu Suðausturlands, með helsingjann Guðrúnu eldri.
Gæsategundir sýna ólíka hegðun
- Grágæsir eru yfirleitt heimakærar - Heiðagæsir eru víðförlari - Helsingjar fara víða yfir sum-
arið en halda sig á sama stað yfir veturinn - Tæki senda staðsetningu gæsa með smáskilaboðum
Skjáskot
Ferðaglaðir Myndin sýnir ferðir níu helsingja með staðsetningartæki í Skaftafellssýslum frá 15. maí til 15. sept-
ember 2021. Staðsetningarmerkin gefa miklar upplýsingar um hegðun fuglanna, ferðir þeirra og landnotkun.
Ágreiningur var nýlega í borgarráði
þegar tekin var til afgreiðslu beiðni
umhverfis- og skipulagssviðs um
leyfi til að bjóða út framkvæmdir við
gerð nýrrar aðkomu að lóðinni
Furugerði 23.
Í borgarráði var beiðnin sam-
þykkt með fjórum atkvæðum borg-
arráðsfulltrúa Samfylkingarinnar,
Viðreisnar, Pírata og Vinstri-
grænna gegn þremur atkvæðum
borgarráðsfulltrúa Sjálfstæðis-
flokksins. Vegna ágreinings fer mál-
ið næst til endanlegrar afgreiðslu
borgarstjórnar.
Fram kemur í greinargerð að ný
aðkoma að lóðinni Furugerði 23
verði annars vegar frá Furugerði og
hins vegar frá Espigerði. Kostnaðar-
áætlun er 30 milljónir króna. Ekki er
gert ráð fyrir að loka þurfi götum
vegna framkvæmda og minni háttar
truflun verði á umferð í nágrenninu.
Á lóðinni Furugerði 23 stóðu áður
gróðurhús og byggingar sem til-
heyrðu gróðrarstöðinni Grænuhlíð.
Búið er að rífa þessi mannvirki.
Íbúar við Furugerði og nágrenni
hafa frá upphafi mótmælt því að
uppbygging á lóðinni yrði jafn um-
fangsmikil og raun varð á. Í sumar
heimilaði Reykjavíkurborg að byggð
yrðu þar tvö 10 íbúða fjölbýlishús á
tveimur hæðum og 10 íbúða raðhús á
tveimur hæðum með sameiginlegan
bílakjallara á lóðinni. Hinar nýju
byggingar verða samtals rúmlega
4.700 fermetrar. sisi@mbl.is
Morgunblaðið/Árni Sæberg
Furugerði Búið er að rífa gróðurhús Grænuhlíðar. Íbúðarhús munu rísa þar.
Deilt um innkeyrslu
að lóð í Furugerði