Morgunblaðið - Sunnudagur - 17.10.2021, Qupperneq 2

Hvað ertu að sýsla þessa dagana?
Ég er á yfirsnúningi að undirbúa tónleikana sem verða
á föstudaginn í Hörpu. Við erum búin að æfa í mánuð.
Þetta er í fyrsta skipti sem ég held stórtónleika! Ég er
rosalega spennt, en ég held samt að tilfinningarnar komi eft-
ir á, eða uppi á sviði.
Er mikil vinna að undirbúa svona stórtónleika?
Já, sérstaklega af því að þetta verður stórt „show“; þetta eru
ekki hefðbundnir tónleikar. Þetta líkist frekar leikhúsi og er
kannski líkara leikriti en tónleikum.
Ég má ekki segja of mikið því þetta á að koma á óvart og
vera upplifun. Fólk má til dæmis ekki taka upp á símann
sinn á þessari sýningu. Það á að vera 100% á staðnum að
njóta.
Af hverju viltu hafa tónleikana frekar eins
og leikhús?
Mér finnst svo gaman að sjá töfrana sem eru á leiksviði;
og ég vil hafa sýninguna líka mikið fyrir augað.
Nú hefurðu verið að leika í Rómeó og Júl-
íu, hvernig hefur það verið?
Rosalega gaman. Tónlistarheimurinn og leiklistar-
heimurinn er svolítið líkur en það er meiri agi og
stress í leikhúsi og meiri skuldbinding. Ég hef mik-
inn áhuga á að fara meira út í leiklist í framtíðinni.
Ætlarðu að spila ný lög á tónleik-
unum?
Já, það ætla ég að gera.
Morgunblaðið/Eggert
BRÍET ELFAR
SITUR FYRIR SVÖRUM
Upplifun
Bríetar
Í FÓKUS
2 MORGUNBLAÐIÐ SUNNUDAGUR 17.10. 2021
Smiðjuvegur 68, Kópavogi | S. 587 1350 | bifreidaverkstaedi.is
Höfum sérhæft okkur í Toyota viðgerðum síðan 1995
Fljót, örugg og persónuleg þjónusta
Allar almennar bílaviðgerðir
Verið velkomin
í sjónmælingu
Hamraborg 10, Kópavogi, sími 554 3200
Opið virka daga 9.30–18, laugardaga 11-14
25
ára
1996-2021
Þ
ar sem flestir lesendur Sunnudagsblaðsins eru komnir af léttasta
skeiði, geri ég ráð fyrir, eru margir sem tengja við raunir þeirra sem
miðaldra eru. Þið sem ekki gerið það þurfið ekki að lesa áfram.
Ég hef lengi barist á móti því að vera miðaldra en held ég verði að játa mig
sigraða og reyna frekar að fagna þessu lífsskeiði. Við miðaldra fólkið erum
kannski ekki alltaf með nýjustu tæknina á okkar valdi, vitum ekki hver er
heitasti rapparinn en við vitum okkar
viti. Ef þú ert í vafa um hvort þú fallir í
flokkinn, lestu áfram. Ég get svo sem
bara séð þetta frá sjónarhóli kvenna,
en svona veistu að þú ert miðaldra
(kona) samkvæmt minni reynslu:
Þú manst eftir því þegar það var
ekkert sjónvarp á fimmtudögum.
Þegar þú dvaldir sumarlangt í sveit
var þar sveitasími, og já, það var hler-
að.
Þú manst eftir Húsinu á sléttunni
og Dallas.
Þú lærðir á tölvu eftir tvítugt.
Þú áttir símboða.
Þú lærðir á myndavél með filmu.
Vinnufélagar þínir margir gætu hæglega verið börnin þín.
Á föstudögum geturðu ekki beðið eftir að koma heim og horfa á sjónvarpið
undir sæng.
Þú vaknar hálfsjö um helgar þótt þú vildir sofa út.
Þú sofnar yfir bíómyndum. Líka stundum í bíó.
Roger Moore er þinn Bond.
Eitt helsta tilhlökkunarefni lífsins er kaffibollinn að morgni dags.
Þú skilur ekkert hvernig Twitter virkar.
Þú ert nýlega búin að uppgötva nýjan takka á símanum. Að slökkva.
Eftir bíó eða leikhús eru allir liðir stirðir.
„Íþróttameiðsl“ gera vart við sig við minnstu áreynslu í ræktinni.
Undarleg aukakíló laumast á líkamann, þrátt fyrir puðið í ræktinni.
Þú færð sjokk þegar þú sérð mynd af þér því þú hélst þú værir miklu
grennri.
Það eru hár farin að vaxa út úr hökunni, enninu og nefinu.
Þú skilur ekki alveg starfsheitið „áhrifavaldur“.
Einu mennirnir á Tinder sem læka þig eru nánast komnir á elliheimili.
Þér er alveg sama þótt öðrum finnst þú púkó.
Þú notar orð eins og púkó, hosiló, sjarmerandi og lekker.
Unglingarnir þínir rúlla reglulega augunum í návist þinni.
Svona veistu að
þú ert miðaldra
Pistill
Ásdís
Ásgeirsdóttir
asdis@mbl.is
’
Undarleg aukakíló
laumast á líkamann.
Þú færð sjokk þegar þú
sérð mynd af þér því þú
hélst þú værir miklu
grennri.
Edda Björgvinsdóttir
Nei, og sé ekki fram á það einfald-
lega vegna ofvinnu og ég er ekki
komin með neina útþrá.
SPURNING
DAGSINS
Ertu
á leiðinni
til útlanda?
Hjörtur Sigbjörnsson
Já, ég fer til Portúgals í janúar.
Eyrún Sævarsdóttir
Nei, ekki á næstunni. Ég er nýkom-
in heim frá Spáni.
Hrafnkell Þór Þórisson
Nei. Það er ekki á döfinni vegna
tímaleysis, vinnu og peningaleysis.
Ritstjóri
Davíð Oddsson
Ritstjóri og
framkvæmdastjóri
Haraldur Johannessen
Aðstoðarritstjóri
og umsjón
Karl Blöndal kbl@mbl.is
Prentun
Landsprent ehf.
Hádegismóum 2,
110 Reykjavík.
Sími 5691100
Útgáfufélag
Árvakur hf.,
Reykjavík.
Forsíðumyndina tók
Ásdís Ásgeirsdóttir
Tónleikar Bríetar verða föstudaginn 22. október klukkan
20.00 og 22.30 í Hörpu. Á sviðinu með Bríeti verða
Rubin Pollock, Þorleifur Gaukur, Magnús Jóhann, Magn-
ús Tryggvason og fleiri góðir gestir. Miðar fást á tix.is.