Morgunblaðið - Sunnudagur - 28.11.2021, Blaðsíða 3

Opið bréf til skólastjórnenda, heilbrigðisstétta,
foreldra og aðstandenda allra barna á Íslandi
Eftirfarandi línur eru ritaðar til skólastjórnenda, starfsmanna heilbrigðisstofnana og
forráðamanna barna vegna þess sem telja má uggvænlegar aðgerðir gagnvart
börnum og ungmennum í nafni sóttvarna.
Með hliðsjón af þeim miklu almannahagsmunum sem í húfi eru væntum við þess að
þeir sem á komandi dögum og vikum fá fyrirspurnir varðandi þessi mál víki sér ekki
undan því að bregðast umsvifalaust við með skýrum svörum.
Við væntum þess að svörin verði studd tilvísunum til vísindalegra rannsókna og
þeirra gagna sem skólastjórnendur og heilbrigðisstarfsmenn styðjast við í
ákvörðunum um þátttöku í þessum aðgerðum.
Virðingarfyllst,
SAMTÖKIN FRELSI OG ÁBYRGÐ
www.frelsiogabyrgd.is
VIÐVILJUM SVÖR
Skólastjórnendum og heilbrigðisstarfsmönnum sem
taka þátt í aðgerðum stjórnvalda ber, líkt og
stjórnvöldum, að leggja heildarmat á þær aðgerðir
sem þau taka þátt í og standa fyrir, þ.m.t. áhættu,
kostnað og ábata. Á þessum forsendum eru allir
hlutaðeigandi starfsmenn hvattir til að íhuga ábyrgð
sína og varast þátttöku í aðgerðum sem geta skaðað
þá sem aðgerðirnar beinast að. Starfsfólk hefur rétt
til að standa gegn hvers kyns þrýstingi um að láta
sprauta sig eða sprauta aðra án upplýsts samþykkis.
Einnig er þess krafist að skólastjórnendur og
viðkomandi heilbrigðisstarfsmenn veiti skilmerkileg
svör við spurningum sem foreldrar og aðrir kunna
að hafa varðandi þessar aðgerðir.
Hér er dæmi um bréf frá einum af skólum landsins
sem sýnir glöggt ósanngjarnan þrýsting sem
nemendur eru beittir. Þetta er aðeins eitt af
fjölmörgum álíka bréfum, sem send hafa verið beint
til nemenda: „Þetta ástand undirstrikar mikilvægi
þess að gæta að einstaklingsbundnum sóttvörnum.
Við skorum á nemendur að vera alltaf með grímu
og gæta að sóttvörnum allar stundir. Enn fremur
skorum við á þá sem hafa ekki fengið bólusetningu
að gera það sem fyrst og nýta sér viðbótarsprautu ef
það er í boði.“
Dánartíðni barna af völdum SARS-COV 2 er afar
lág og sjaldgæft er að börn veikist af SARS-COV 2
eða þurfi sjúkrahúsvist. Hins vegar hafa nú þegar
verið tilkynnt fjölmörg dæmi um alvarlegar
aukaverkanir, m.a. um hjartavandamál sem er vel
þekkt afleiðing af þessum sprautum og að minnsta
kosti 8 tilfelli um lömun eða skerta hreyfigetu.
Hvernig er hægt að hvetja foreldra til að senda börn
sín í slíka sprautu og hvers vegna er fullyrt að
ávinningur af sprautunum sé meiri en áhættan
þegar rannsóknir benda til annars?
Vissir þú af þessum afleiðingum?
Munt þú, heilbrigðisstofnunin, leikskólinn eða
skólinn sem þú vinnur hjá eða veitir forstöðu taka
ábyrgð á veikindum og skaðlegum eftirköstum ef
foreldrar svara hvatningu þinni um að mæta með
börnin í sprautu? Þekkirðu Nürnberg-sáttmálann?
Þar kemur meðal annars fram að það telst ekki
málsvörn að hafa fylgt fyrirmælum og firrir engan
ábyrgð. Í því samhengi er ljóst að menn geta ekki
vikið sér undan ábyrgð með skírskotun til þess að
slíkt hafi verið „fyrirskipað“. Siðferðilegir valkostir
framkalla siðferðilega ábyrgð. Við skorum á þig að
horfast í augu við þá ábyrgð og axla hana.
Börnin eiga að njóta vafans.