Morgunblaðið - Sunnudagur - 28.11.2021, Side 15

28.11. 2021 MORGUNBLAÐIÐ SUNNUDAGUR 15
en þannig vildi hún hafa heima hjá sér. Í miðju bókaveggsins eru
aðeins lægri hillur og þar fyrir ofan er stór spegill í ramma. Sá
spegill er í takt við aðra spegla í íbúðinni sem komið er fyrir á
mismunandi stöðum til að búa til meiri dýpt. Fyrir gluggunum
eru ljósar þykkar gardínur en þegar þær eru dregnar frá er
hægt að opna stóra glugga upp á gátt. Á milli glugganna er stór
spegill og fyrir framan hann borð og lampi ásamt skrautmunum.
Í stofunni eru einnig nokkur borð sem eru þakin af smáhlutum
sem gaman er að skoða. Í stofunni eru líka kínversk skilrúm sem
eru í stíl við veggklæðningar sem eru í öðrum herbergjum.
Við hliðina á aðalstofunni á hægri hönd er önnur stofa. Hún er
með svipuðum klæðningum og forstofan og þar er einnig arinn,
stór bókahilla og ljónastytta sem oft sést í einhverri mynd í hönn-
un Chanel. Veggirnir eru listaverk og því þarf ekki mikið magn
af húsgögnum til að fylla út í rýmið. Hvítur þriggja sæta antík-
sófi prýðir þessa stofu og þar er einnig stór kristalsljósakróna en
saman býr þetta til sterka og notalega heild.
Í íbúðinni er borðstofa með borðstofuborði í miðju herbergi.
Þar geta sex manneskjur setið til borðs. Þótt Chanel fengi gesti
var hún ekki hrifin af of stórum boðum og vildi geta einbeitt sér
að gestunum. Þetta með að koma svona fáum fyrir við borðið var
útpælt. Í borstofunni fá gulir veggir að njóta sín. Fyrir utan
kristalsljósakrónu sem hangir í miðju herbergi eru stóru út-
skornu speglarnir í gullrömmunum sem setja mestan svip á
borðstofuna. Fyrir neðan þau eru stór borð með marmaraplötu. Í
miðjunni fyrir ofan arininn er svo myndarleg stytta sem hrífur
fólk með sér.
Gestalistinn á 31 rue Cambon var fjölbreyttur en vinir Coco
Chanel voru allt frá Salvador Dalí yfir í Elizabeth Taylor. Íbúðin
er þrungin af minningum, sögu og menningu sem sjaldséð er
hérlendis. Það er kannski þess vegna sem heimsókn í þessa íbúð
var jafnmikil upplifun og hún var.
Hér er horft úr hliðarstofunni
inn í aðalstofuna. Veggklæðn-
ingin var sett þannig á vegginn
að munstrið yrði ekki van-
skapað ef hurðin væri opnuð.
Í forstofunni eru kínverskar veggklæðningar á veggjunum. Í miðj-
unni er spegill með afar fallegu gylltu borði. Hvíti antik-stóllinn
sem Chanel var mynduð í á sínum tíma sést í speglinum. Það var
Karl Lagerfeld heitinn sem fann þennan stól á uppboði á níunda
áratugnum og þá var honum komið fyrir í íbúðinni.
Ein af kristalskúlunum á borðinu hékk einu
sinni í ljósakrónunni. Þegar hún datt niður
var henni komið fyrir á borðinu ásamt
öðru skrauti sem býr yfir sögu fyrri tíma.