Morgunblaðið - Sunnudagur - 28.11.2021, Qupperneq 28

London. AFP. | Ný sýning var opnuð
í vikunni í London þar sem farið er
ofan í feril söngkonunnar Amy
Winehouse, sem lést fyrir áratug
úr áfengiseitrun aðeins 27 ára að
aldri. Sýningin er í hönnunarsafn-
inu Design Museum og nefnist
„Amy: Beyond the Stage“. Þar er
upphaf ferils hennar rakið í gegn-
um upptökur söngkonunnar og
dagbækur frá unglingsárunum
gefa innsýn í sköpunargáfu henn-
ar.
Maria McLintock aðstoðarsýn-
ingarstjóri sagði að Winehouse
hefði skilið eftir sig mikla og fjöl-
breytta arfleifð í tónlist og tísku.
„Við reynum að segja sögu
hennar sem skapandi einstaklings,
en einnig sem ótrúlegs tónlistar-
manns og tískufyrirmyndar. Við
stillum einnig upp fágætum mun-
um sem aðdáendur hennar kunna
að hafa heyrt um, en hafa ekki séð
áður,“ sagði hún.
Á sýningunni eru handskrifaðir
textar frá óútgefnum prufuupp-
tökum og fyrsti gítarinn sem hún
keypti þegar hún var unglingur.
Winehouse skar sig úr á margan
hátt. Hún var alsett húðflúri, hárið
eins og býkúpa á höfði hennar og
rám röddin eins og hún bærist úr
reykfylltu herbergi. Frægð hennar
var innsigluð með plötunni „Back
to Black“, sem kom út árið 2006 og
seldist í bílförmum á Bretlandi
2007. Á henni var eitt frægasta lag
Óður til
Winehouse
Söngkonan Amy Winehouse er heiðruð með
sýningu í London þar sem rakin er saga hennar
og sjá má fágæta muni frá ferlinum á borð við
handskrifuð textablöð og fyrsta gítarinn.
Sýningin gefur tækifæri til að leggja mat á gildi Winehouse og áhrif á tónlistar-
heiminn tíu árum eftir sviplegt andlát söngkonunnar.
Ljósmyndir af Winehouse eftir Jake Chessum, Karen Robinson and Phil Knott.
28 MORGUNBLAÐIÐ SUNNUDAGUR 28.11. 2021
LESBÓK
Í DAGSLJÓSIÐ Platan „Toy“ með David Bowie lá óhreyfð uppi í
hillu í tvo áratugi vegna deilu milli hans og útgefandans Virgin,
en í þessari viku lítur hún loks dagsljósið. Hörðustu aðdáendur
hafa vitað af plötunni, sem var tekin upp árið 2000 eftir að hann hélt
annálaða tónleika á tónlistarhátíðinni í Glastonbury á Bretlandi.
Á plötunni greip Bowie til laga sem hann samdi áður en lagið
Space Oddity skaut honum upp á stjörnuhimininn, og setti þau
í nýjan búning. Bowie fékk hugmyndina eftir að hann prófaði
að spila lagið „Can’t Help Thinking About Me“ með hljóm-
sveit sinni. Hann var ekki ánægður með textann („Verstu
línur sem ég hef nokkru sinni skrifað“) en lagið var
honum að skapi. Platan er hluti af kassa með verk-
um Bowies milli 1992 og 2001 og kemur út í auk-
inni sérútgáfu á nýju ári. Bowie lést 2016.
Leður-
klæddur
Bowie á
sviði.
AFP
GRAMMY Justin Bieber, Billie Eilish og
Olivia Rodrigo voru meðal gamalla brýna og
nýstirna, sem tilnefnd voru til Grammy-
verðlauna í vikunni, en flestar tilnefningar,
11 alls, fékk Jon Batiste, R&B- og djass-
tónlistarmaður með meiru. Batiste fékk Ósk-
arsverðlaun fyrir tónlist sína við teikni-
myndina „Sál“. Bieber er tilnefndur til átta
verðlauna og Eilish til sjö líkt og Rodrigo,
sem varð þekkt fyrir að leika í efni á Disney-
rásinni og sló í gegn á árinu með laginu „Dri-
vers License“. Þá hlaut Ólafur Arnalds tvær
tilnefningar. Grammy-verðlaunahátíðin
verður haldin í Los Angeles 13. janúar.
Djassari fær flestar tilnefningar
Líkur eru á að Jon Batiste hreppi Grammy-verðlaun.
AFP
Hús Mandelas er mikið breytt.
Heimili Man-
delas nú hótel
ÞJÓÐHETJA Heimili Nelsons
Mandelas, sem átti snaran þátt í að
aðskilnaðarstefnan var afnumin í
Suður-Afríku og var fyrsti svarti
forseti landsins, hefur verið breytt í
hótel þar sem eftirlætismaturinn
hans er meðal rétta á matseðlinum.
Mandela flutti inn í húsið í Jó-
hannesarborg skömmu eftir að
hann var látinn laus úr fangelsi og
bjó þar í átta ár. Þegar hann flutti
inn bauð hann nágrönnunum í
drykki og snittur til að kynna sig.
Hermt er að nágranni af kínversk-
um uppruna hafi skellt á hann er
hann bankaði upp á. Þegar hann
áttaði sig á hver var á ferð hefði
honum verið brugðið og skömmu
síðar hefði hann flutt svo lítið bar á.
Gefa út týndu plötuna „Toy“