Morgunblaðið - Sunnudagur - 28.11.2021, Blaðsíða 32

SUNNUDAGUR 28. NÓVEMBER 2021
Skeifunni 8 | Sími 588 0640 | casa.is
Opið virka daga 10-18, laugardaga 11-15
Sýningarrými Occhio á Íslandi
er í Casa, Skeifunni 8.
LÝSTU UPP
skammdegið með
Íslenska heimildamyndin Hækkum
rána eftir Guðjón Ragnarsson í fram-
leiðslu Sagafilm hefur verið sýnd í tíu
kvikmyndahúsum í Finnlandi und-
anfarið. Glimrandi dómum rignir yfir
myndina þarlendis. Henrik Dettman,
þjálfari karlalandsliðs Finnlands,
hafði séð myndina og hvatti alla
körfuknattleiksáhugamenn að sjá
hana. Myndin gerir það gott víðar, en
hún tók þátt á barnakvikmyndahátíð-
inni Filem‘on í Belgíu þar sem mynd-
in sótti tvenn verðlaun, besta myndin
valin af 8-13 ára dómnefnd og besta
heimildamyndin valin af faglegri
dómnefnd.
Staða stúlkna í íþróttum
„Það er ótrúlega gaman að sjá þessa
mynd fá þá umræðu sem okkur þykir
hún eiga skilið. Í Finnlandi var rætt
um þau þemu sem eru í myndinni,
stöðu stúlkna í íþróttum, aðstöðumun
hjá drengjum og stúlkum innan
íþróttahreyfinga og jafnrétti innan
íþrótta. Stúlkurnar sem höfnuðu
verðlaununum hafa fengið mikið hrós
fyrir hugrekki þar. Myndin opnar á
löngu tímabæra málefnalega umræðu
en ekki persónulega eins og varð
raunin hér á landi. Myndin er á
fleygiferð í dreifingu, vann til verð-
launa í Ástralíu nýverið og opnar í
Bandaríkjunum í desember,“ segir
Margrét Jónasdóttir, framleiðandi
myndarinnar.
Heimildamyndin Hækkum rána er að vekja mikla athygli í
Finnlandi og hefur unnið til tvennra verðlauna í Belgíu.
Ásdís Ásgeirsdóttir asdis@mbl.is
Hækkum rána á fleygiferð
Finnar eru hrifnir af Hækk-
um rána en myndin er að
gera það gott víða um heim.
Landbúnaður framtíðarinnar
var til skoðunar í Morgun-
blaðinu sunnudaginn 24. nóv-
ember og var fjallað um fram-
tíðaráætlun sérfræðinga
Ford-verksmiðjanna þar sem
horft var til ársins 2000. „Hinn
duglegi bóndi framtíðarinnar
verður hámenntaður sérfræð-
ingur sem býr yfir ótrúlegri
þekkingu og hefur yfir stórkost-
legum tækjum að ráða,“ sagði í
niðurstöðum sérfræðinganna.
Sáu þeir fyrir sér traktora,
sem ekki þyrftu stjórnanda,
mjólk yrði búin til úr gulrótum
og baunum, kýr myndu eignast
1.000 afkvæmi og gler- eða
plasthvelfingar þekja fleiri ekrur
ræktarlands. Þá yrðu vélar með
rafeindaaugu notaðar til að
skjóta niður fræjum í jörðina og
þau yrðu húðuð með efna-
blöndu þannig að þau byrjuðu að
vaxa á réttum tíma. Gervihnett-
ir myndu senda skýrslur um
ástand akra.
Hlandi úr dýrum yrði skolað í
sérstakan geymi þar sem það
yrði hreinsað og notað sem
drykkjarvatn fyrir þau.
Dráttarvélar myndu stjórnast
af litlum tölvum og mannlegur
stjórnandi myndi sitja í góðum
hægindastól í loftræstu húsi og
hafa bæði matarhitunaráhöld,
ísskáp og sjónvarp, sagði í þess-
ari djörfu sýn á framtíðina.
GAMLA FRÉTTIN
Djörf sýn á
framtíðina
Þannig sáu sérfræðingar Ford fyrir sér stjórnstöð í traktor árið 2000.
ÞRÍFARAR VIKUNNAR
Lior Raz
ísraelskur leikari
Gylfi Þór Þorsteinsson
forstöðumaður sóttvarnahúsa
Björn Rúnar Lúðvíksson
læknir