Morgunblaðið - 06.12.2021, Síða 10

10 FRÉTTIR
Innlent
MORGUNBLAÐIÐ MÁNUDAGUR 6. DESEMBER 2021
pinnamatur
Næst þegar þið þurfið pinnamat, smurt brauð eða tertur
fyrir útskriftina eða annan mannfagnað, hafðu þá
samband og fáðu tilboð í sal okkar og veitingarnar þínar.
Pinna- og tapasréttir eru afgreiddir á
einnota fötum, tilbúið fyrir veisluborðið
Fagnaðir
Hólshraun 3 · 220 Hafnarfjörður · Símar: 555-1810, 565-1810 · Netfang: veislulist@veislulist.is · www.veislulist.is
Veislur eru
okkar list!
Bjóðum uppá fjölda tegundapinnamats og tapasrétta
Sjá verð og verðdæmi
á heimasíðu okkar
www.veislulist.is
Ágúst Ingi Jónsson
aij@mbl.is
Snjótittlingur er afar útbreiddur
nyrst á hnettinum. Hér verpir þessi
litli spörfugl víða og er tiltölulega
algengur varpfugl, einkum á há-
lendinu og á annesjum. Hann er út-
breiddasti mófugl landsins, en á
heimasíðu Náttúrufræðistofnunar
segir í samantekt um snjótittling að
þótt litlar tölulegar upplýsingar
liggi fyrir sé ekki vafa undirorpið að
snjótittlingum hafi víða fækkað hér
á landi. Greinileg fækkun hafi orðið
í lágsveitum eftir aldamótin, t.d.
suðvestanlands.
Jafnvel í þúsundatali
Á árum áður voru snjótittlingar
algengir á höfuðborgarsvæðinu og
mátti sjá þá í tuga-, hundraða og
jafnvel í þúsundatali á opnum svæð-
um og í görðum. Fólk gaf þessum
myndarlegu hópum kornmat af
ýmsu tagi þegar harðnaði á dalnum.
Glöggur lesandi hafði orð á því að
slík sjón hefði orðið sjaldgæfari síð-
ustu ár og segir Guðmundur A.
Guðmundsson, dýravistfræðingur á
Náttúrufræðistofnun, að greinileg
breyting hafi orðið á.
Hann segir að snjótittlingi virðist
vera að fækka sem varpfuglum,
a.m.k. við ströndina. Snjóalög og
jarðbönn hafi verið algengari áður,
en slíkt veðurfar hafi hrakið þá í
korn og brauðgjafir í þéttbýli. Loks
nefnir Guðmundur að kornrækt hafi
aukist, en snjótittlingar sæki í slíka
akra. Hann segir að stærsti snjótitt-
lingshópur sem hann hafi séð hafi
verið í kornakri við Eiríksbakka
undir Vörðufelli í Bláskógabyggð
miðsvetrar í byrjun aldar. Trúlega
hafi verið þar um tólf þúsund fuglar.
Víða horfnir sem varpfuglar
Á vef NÍ eru nefnd dæmi um
fækkun snjótittlings í Flatey á
Breiðafirði og í Veiðivötnum. Þar
segir einnig að snjótittlingar séu
horfnir víða sem varpfuglar á Suð-
vesturlandi, svo sem í sjávar-
klettum á Innnesjum, og Guð-
mundur nefnir sem dæmi að í Viðey
sé lítið eða ekkert orðið um varp
snjótittlings.
Vísitölur vetrarfuglatalninga
Náttúrufræðistofnunar sýna miklar
sveiflur en nokkuð samfellda fækk-
un frá aldamótum. Guðmundur
áætlaði 2017 að þá hefðu verið 136
þúsund varppör í stofninum, en
gæti hafa fækkað síðan. Vetrar-
stofninn gæti samkvæmt því talið
um 400 þúsund fugla, unga og full-
orðna fugla. Auk íslenskra varp-
fugla er líklegt að grænlenskir snjó-
tittlingar hafi hér vetursetu og eins
fara þeir hér um á leið sinni til og
frá vetrarstöðvum á Bretlands-
eyjum og umhverfis Norðursjóinn.
Í Morgunblaðinu í vikunni var
sagt frá snjótittlingi sem merktur
var við Víkingavatn í Kelduhverfi í
vor og skaut upp kollinum á þýskri
eyju í Vaðlahafi í lok nóvember. Þar
kom fram að snjótittlingur, eða
sóskríkja, sé að nokkru farfugl og
að hluti stofnsins hafi vetursetu í
Skotlandi. Spurður hvort far snjó-
tittlinga hafi aukist á milli landa síð-
ustu ár segist Guðmundur telja það
ólíklegt.
Sjást sjaldnar í stórum hópum
- Snjótittlingum hefur fækkað í lágsveitum á síðustu árum - Breyting á tíðarfari og búskaparháttum
Morgunblaðið/Ómar
Matargjöf Áður mátti oft sjá herskara snjótittlinga flögra á milli garða til að ná sér í korn þegar harðindi voru fyrir smáfuglana.