Bjarmi - 01.12.2016, Síða 18

Guð er ekki iláinn
BÓKIN GUÐ ER EKKI DÁINN GEFIN ÚT Á ÍSLENSKU - KYNNING
ÁGÚST VALGARÐ ÓLAFSSON
Daglegt líf gengur best þegar viö vitum
hvernig hlutirnir virka í raun og veru. Fólk
sem er í hjónabandi er ánægðast þegar
það sem sagt er skilst rétt og hjónin leitast
við að mæta hvort annars þörfum. Bíllinn
virkar best ef honum er ekið eins og hann
er hannaður til og viðhaldi sinnt reglulega.
Að sama skapi fer illa þegar við gerum
eitthvað af vanþekkingu, t.d. ef við notum
spjaidtölvu sem skurðarbretti eða bensín til
að slökkva eld. í stuttu máli sagt: Þekking
er m.a. getan til að vinna með hluti á
grundvelli þess hvernig þeir eru í raun og
veru.
Kristin trú er ein leið til að skilja lífið
og tilveruna. Ef kristin trú er rétt og sönn
þá endurspeglar kristin heimssýn hvernig
hlutirnir virka í raun og veru og skiptir því
miklu máli fyrir líf okkar, alveg eins og það
skiptir máli að slökkva eld með vatni en
ekki bensíni.
Bókin Guð er ekki dáinn eftir Dr. Rice
Broocks er komin út í íslenskri þýðingu.
Þessa bók má skilgreina sem trúvarnarrit.
Trúvörn er ekki orð sem þarf að óttast.
Ég skal útskýra þetta. Á grísku (tungumáli
Nýja Testamentisins) er apologia orðið yfir
trúvörn. Þetta orð var notað af bæði Plató
og Aristótelesi yfir það að rökstyðja gjörðir
og skoðanir. Kristin trúvörn felst í því að
rökstyðja kristna trú.
í Nýja testamentinu ertrúvörn skilgreind
sem þjónusta þar sem rökhugsun, eftir
leiðsögn Heilags anda, er notuð til að
aðstoða einlæga leitendur í því að vinna
úr vantrú og vantrausti á Guði og tilgangi
hans með mannkynið.
Trúvörn erekki keppni í neinum skilningi
þess orðs þar sem einhver vinnur en aðrir
tapa. Nei, trúvörn er kærleiksrík þjónusta.1
Trúvörn snýst um að mæta þörfum
þeirra sem vilja skilja hvað kristin trú er og
vinna úr efa á heilbrigðan hátt með samtali
af gagnkvæmri virðingu.
f þessari bók er því haldið fram að séu
staðreyndirnar rýndar á heiðarlegan hátt
þá rökstyðji þær tilvist Guðs. Sá sem af
einlægni vill vita hvernig hlutirnir virka í raun
og veru mun sækjast eftir því að skoða
fyrirliggjandi staðreyndir eins hlutlaust og
mögulegt er. ( kjölfarið er svo tekin afstaða
til staðreyndanna eða eins og í tilfelli
þessarar bókar: Að sannfærast um það
að Guð sé til eða ekki. Trú er einfaldlega
að hafa sannfærst um eitthvað nægilega
mikið til að breyta eftir því þegar við á.
Tíðarandinn kennir okkur að álíta
þá sem efast klárari en þá sem trúa. Ég
segi því við fólk: „Ef þú ætlar að vera
efasemdarmanneskja þarft þú að trúa því
sem þú trúir og efast um efa þinn, rétt eins
og þú efast um það sem þú trúir og trúir því
sem þú efast um.“ Svona eykst þekking.
Við höldum þessu ferli áfram í samtölum
við aðra, hlustum á góða ræðumenn,
leitum svara og lesum bækur um það sem
þarf að vita. Þetta getur tekið talsverðan
tíma svo við gerum þetta í samfélagi með
öðrum og deilum hvert með öðru því sem
við erum að læra. Þess vegna er svo
mikilvægt að samfélag okkar sé opið og
að fólk, sérstaklega ungt fólk, sé hvatt til
18 | bjarmi | desembei 20i6