Bjarmi - 01.12.2016, Page 51

JÓN ÓMAR GUNNARSSON
• •
Or<kíii«liriiaiv allu'imurinii.
lifid — og Guð
ÚTER KOMIN BÓKIN
ÖREINDIRNAR, ALHEIMURINN,
LÍFIÐ OG GUÐ EFTIR
BJARNA E. GUÐLEIFSSON,
NÁTTÚRUFRÆÐING OG
PRÓFESSOR. BÓKIN ER GEFIN
ÚT AF BÓKAÚTGÁFUNNI
HÓLUM OG FÆST í
ÖLLUM BÓKABÚÐUM OG
BASARNUM, NYTJAMARKAÐI
KRISTNIBOÐSSAMBANDSINS í
AUSTURVERI.
í bókinni fjallar Bjarni um alheiminn, lífið og
Guð. Hann býður lesendum að slást i för
mér sér og íhuga þetta risavaxna málefni
sem sköpunin og Guð eru. Bjarni fjallar í
bókinni um skilning manna á alheiminum í
aldanna rás og þann hafsjó af fróðleik sem
nútímarannsóknir vísindanna hafa leitt í Ijós
um uppruna alheims, lífs og efnið sjálft.
Niðurstöður pælinga Bjarna eru
lærdómsríkar og mikilvægar þeim sem vilja
tala af viti um þetta efni. Bókin er aðgengileg
lærðum og leikum og því mikilvægt framlag
til umræðunnar! Bjarni ræddi við fulltrúa
Bjarma um bókina.
Hvernig bók er þetta?
Bókin fæst við atriði sem snerta frumefnin,
alheiminn og lífið. Tekist er á við þrjár
grundvallarspurningar mannkyns: Hver eru
byggingarefni alheims? Hvernig myndaðist
alheimur? Hvernig varð lífið til? Náttúruvísindin
og guðfræðin hafa löngum glímt við að
svara þessum spurningum og þessar tvær
fræðigreinar hafa gefið mismunandi svör
sem eru oft talin stangast á. ( bókinni reyni
ég að brjóta þessar spurningar til mergjar á
alþýðumáli.
Hvernig varð bókin til og hvers vegna?
Ég hef lengi starfað við náttúrurannsóknir
en einnig verið virkur í KFUM og
Gídeonfélaginu. Ég hef reynt að trúa og
treysta Guði, en áttaði mig snemma á
því misræmi sem er á sýn vísindanna
á alheiminn og lífið annars vegar og
kristinnar trúar hins vegar. Á táningsaldri
tók ég ákvörðun um að reyna að blanda
ekki saman þessum tveimur sviðum, trú
og vísindum. Hélt ég þeim aðgreindum
hvoru í sínu hólfi hugans. Gekk það vel og
olli mér ekki vandræðum. Á síðari árum
langaði mig þó að reyna að skilja grundvöll
efnis, alheims og lífs. Ég viðaði því að
mér ýmsum heimildum um alheiminn og
lífið og sökkti mér ofan í þessi flóknu og
umfangsmiklu vísindi. Bókin lýsir glímu
minni við að átta mig á og skilja þessi
fræði, sem ég er reyndar ekki sérfróður í.
Til hverra á bókin erindi?
Bókin á að vera léttlesin og ég reyni að
gera efnið auðskilið og aðgengilegt. Hún á
í raun erindi við allt hugsandi fólk og ekki
síst trúað fólk. ( bókinni reyni ég að finna
samsvörun á milli raunvísinda og trúarinnar
á Guð og að leita svara við spurningunum
þremur sem nefndar eru hér að framan.
Hver er niðurstaða hugleiðinganna?
Alheimur er gerður af ótæmandi magni
mismunandi öreinda sem svífa um í rúmi
og tómi. Alheimur varð til í miklahvelli fyrir
um 13,8 milljörðum ára og þá mynduðust
sólkerfi og vetrarbrautir sem líka sveima
um í rúmi og tómi. Ferlin um og eftir
miklahvell eru að mestu þekkt og útskýrð
af raunvísindunum. Líklega var það Guð
sem kom miklahvelli af stað, en síðan hafi
náttúrulögmálin ráðið ferðinni í alheimi sem
er í stöðugri útþenslu. Vegna þess hve lífið
er flókið er ólíklegt að líf myndist sjálfkrafa
í heitri efnasúpu eins og raunvísindin
telja. Hér er hins vegar talið að Guð hafi
skapað fyrsta lífið fyrir um 3,7 milljörðum
ára, en það hefur síðan þróast í æðri
lífverur. Bæði kenningin um miklahvell
og þróunarkenningin eru vísindalegar
kenningar sem lúta náttúrulögmálunum
og standast skoðun. Bæði Guð og
náttúrulögmálin eiga þátt í sköpun þess
heims sem við lifum í.
bjarmi | desembci 20i6 | 51