Fréttablaðið - 09.02.2022, Blaðsíða 10

magdalena@frettabladid.is
Bolli Héðinsson, formaður Samtaka
sparifjáreigenda, segir að samtökin
kalli eftir eftir því að bankarnir geri
verðmöt sín á fyrirtækjum opinber
þar sem lög heimila það.
„Það væri hið besta mál ef bank-
arnir myndu ákveða að gefa út verð-
möt en auðvitað verða bankarnir
sjálfir að svara fyrir það af hverju
þeir hafa ekki gert það hingað til,“
segir Bolli.
Hann bætir við að það væri æski-
legra ef almenningur hefði greiðara
aðgengi að upplýsingum um skráð
fyrirtæki hér á landi.
„Allir sem vilja taka þátt á hluta-
bréfamarkaði verða að hafa eitthvað
til að byggja á. Auðvitað eru sumir
betur í stakk búnir til að greina
fyrirtækin heldur en aðrir. Það væri
heilbrigðara fyrir markaðinn í heild
ef fleiri væru að opinbera niðurstöð-
ur sínar og færa rök fyrir skoðunum
sínum.“
Bolli segir jafnframt að það geti
falið í sér tækifæri fyrir bankana að
veita aðgang að verðmötum.
„Bankarnir eru að reyna að höfða
til ákveðins hóps af viðskiptavinum
sem er hópur sem þeir mættu sinna
betur. Þetta er að sjálfsögðu þeirra
ákvörðun en þetta gæti verið ákveð-
ið tækifæri fyrir þá að hafa þessar
upplýsingar opinberar.“ ■
Kalla eftir því að bankarnir geri verðmöt opinber
Bolli Héðinsson,
formaður
Samtaka spari-
fjáreigenda
Sveitarfélög brugðust seint við að
opna leik- og grunnskóla á mánu-
dag. Enn og aftur sýndi kerfið hve
svifaseint það er. Athygli vakti að
opinberir starfsmenn sögðu við
fjölmiðil að það væri til að tryggja
fyrirsjáanleika. Það er jú betra að
vita af skólum kyrfilega lokuðum
en að það komi einhverjum á
óvart að þeir hafi verið opnaðir.
Á sunnudag var ljóst að storm-
ur væri í aðsigi. Rauð viðvörun var
gefin út frá klukkan fjögur um
nótt til hálf níu að morgni. Óttast
var að það yrði tímafrekt að ryðja
götur og því voru landsmenn
beðnir um að halda sig heima. Af
þeim sökum var skólahald fellt
niður með tilheyrandi raski fyrir
fjölskyldur og atvinnulíf.
Um morguninn var ljóst að
færð á vegum var ágæt. Þó var ekki
brugðist strax við. Grunnskólar,
til dæmis í Reykjavík, voru ekki
opnaðir en yngstu nemendurnir
fengu að mæta í frístund sem var
opnuð tæplega tvö. Leikskólar-
börn gátu mætt frá klukkan eitt.
Þolinmæði fólks gagnvart til-
efnislausum lokunum, eins og
á mánudag, er á þrotum eftir að
hafa orðið að vera mikið heima
við í Covid-19 heimsfaraldrinum.
Á mánudagsmorgun hefði
fjöldi stjórnmálaskörunga þurft
að bretta upp ermar og berjast
fyrir því að koma starfsemi aftur
í gang sem allra fyrst. En ekki
leggja hönd á plóg við að tryggja
fyrirsjáanleika um skólalokan-
ir. Stjórnmálamenn þurfa að
sýna landsmönnum að þeir vilji
fremur að samfélagið blómstri en
að það sé í híði. ■
Rólegheit á
skrifstofunni
Helgi Vífill
Júlíusson
■ Skoðun
GÍRAR - FÆRIBÖND - RAFMÓTORAR - LEGUR
588 80 40
www.scanver.is
RAFMÓTORAR magdalena@frettabladid.is
Sprotafyrirtækið TVÍK bar sigur úr
býtum í Gullegginu en fyrirtækið
þróar spjallmenni sem leiðir fólk í
gegnum samtöl á íslensku og hjálpar
fólki að læra tungumálið.
„Það var fyrst og fremst ótrúlega
gaman að taka þátt í Gullegginu og
þessi milljón sem við fengum í verð-
launafé mun hjálpa okkur að stíga
fyrstu skrefin í fyrirtækjarekstr-
inum,“ segir Gamithra Marga, einn
stofnenda TVÍK.
„TVÍK er spjallmenni sem leiðir
fólk í gegnum samtöl og hjálpar
því að læra íslensku. Við höfum í
gegnum tíðina séð mörg öpp og
námskeið leggja áherslu á að leggja
hluti á minnið en sem eru ekki með
það að leiðarljósi að hjálpa fólki að
eiga sín fyrstu samtöl og hjálpa því
að þora að tala. Það þarf að leggja
mikla áherslu á það hjá fólki sem er
að læra ný tungumál.“
Gamithra bætir við að spjall-
mennið aðstoði fólk við svör í gegn-
um hljóð og texta og hjálpi einnig til
við framburð.
„Við erum ekki komin með
tæknina enn þá. En okkar markmið
er að selja þessa lausn til fyrirtækja
og lokamarkmið okkar er að allir
erlendir nemendur í grunnskólum
landsins geti nálgast lausnina sér
að kostnaðarlausu.“ ■
Sprotafyrirtækið TVÍK vann Gulleggið í ár
Gamithra Marga, Safa Jemal og Atli
Jasonarson unnu Gulleggið í ár.
Virðist vera sem íbúða-
málin séu aðeins
áherslumál í kringum
kosningar en ekki í
millitíðinni.
Sigurður
Hannesson,
framkvæmda-
stjóri Samtaka
iðnaðarins.
Of lítið framboð þrátt fyrir aðgerðir
Katrín Jakobs-
dóttir, forsætis-
ráðherra
Katrín segir að búið sé að innleiða meirihlutann af þeim tillögum að um-
bótum í húsnæðismálum sem komu fram árið 2019. FRÉTTABLAÐIÐ/VILHELM
Forsætisráðherra segir að
sjaldan hafi verið byggt jafn-
mikið og á undanförnum
tveimur árum en þó þurfi að
leggjast í vinnu til að bæta
stöðuna á húsnæðismarkaði.
Framkvæmdastjóri Samtaka
iðnaðarins segir að svo virðist
sem íbúðamálin séu einungis
áherslumál í aðdraganda
kosninga.
magdalena@frettabladid.is
Átakshópur sem skipaður var árið
2019 til að bregðast við vanda
á húsnæðismarkaði lagði til 40
aðgerðir til að stemma stigu við
vandanum. Búið er að innleiða
meirihlutann af þeim tillögum en
af þessum 40 aðgerðum eru um 15
enn í vinnslu.
Katrín Jakobsdóttir forsætisráð-
herra segir að búið sé að innleiða
meirihlutann af þessum tillögum
þó svo að vinnunni sé hvergi nærri
hætt.
„Þessi hópur sem ég skipaði á
sínum tíma og var með breiðri
aðkomu ýmissa aðila, meðal annars
sveitarfélaga, verkalýðshreyfingar
og atvinnurekenda fyrir utan ríkið,
kom með 40 tillögur að aðgerðum
og af þessum 40 aðgerðum eru 15
enn í vinnslu. Við tókum stöðuna
á þessu um daginn á vegum Þjóð-
hagsráðs,“ segir Katrín og bætir við
að á döfinni sé að setja á fót nýjan
hóp sem verður falið að innleiða
þær tillögur sem eftir eru og koma
með nýjar.
„Það segir sína sögu að það hafi
sjaldan verið byggt jafnmikið og á
undanförnum tveimur árum. En á
móti kemur að eftirspurnin hefur
aukist verulega og það er búið að
endurmeta byggingarþörfina sem
segir okkur að byggja þurfi 3.500
íbúðir en ekki 3.000 íbúðir eins og
áður var talið. Það er uppsöfnuð
þörf á íbúðamarkaði sem á rætur
sínar að rekja til áranna eftir efna-
hagshrunið 2008.“
Sig urður Hannesson, f ram-
kvæmdastjóri Samtaka iðnaðarins,
segir að miklu hafi verið áorkað í
þessum efnum síðan skýrslan kom
út en betur megi ef duga skal. „Ef
maður er sanngjarn þá var mörgum
af þessum aðgerðum fylgt eftir en
það er tvennt sem er ábótavant,“
segir Sigurður og bætir við að það
séu skipulagsmálin og uppbygg-
ing á vegum sveitarfélaga. „Hluti af
þessum 40 aðgerðum sem kynntar
voru var að gera umbætur í skipu-
lagsmálum. Umhverfisráðuneytið
tók þær tillögur til sín til frekari
úrvinnslu og til að gera langa sögu
stutta þá skiluðu þau auðu. Það var
mjög slæmt fyrir málaflokkinn.“
Katrín bætir við að íbúðum hafi
fjölgað mikið á undanförnum miss-
erum. „Við höfum verið að skoða
þetta og á síðustu þremur árum
hefur íbúðum fjölgað um 10.000
þó það sé að hægja á því núna. Þó
er þörfin mikil og þetta er eitthvað
sem við erum stöðugt að skoða.“
Sigurður segir að ekki megi
gleyma þætti sveitarfélaganna.
„Sveitarfélögin hafa mikið um það
að segja hvar er byggt og hversu
mikið. Þau samþykkja skipulag á
sínu svæði og þó að mikil uppbygg-
ing hafi átt sér stað þá er það stað-
reynd að íbúðum í byggingu hefur
fækkað samfellt frá árinu 2019. Við
teljum íbúðir í byggingu tvisvar á
ári og fjöldi þeirra náði hámarkið
haustið 2019 en síðan þá hefur þeim
fækkað talningu frá talningu. Þó
einhver umsvif hafi verið hjá sveit-
arfélögum þá er það bara ekki nóg.“
Katrín bendir einnig á að hátt í
þriðjungur af þessum nýju íbúð-
um sé tilkominn vegna aðgerða
stjórnvalda. „Við höfum stuðlað
að aukinni uppbyggingu annars
vegar í gegnum aukin framlög í
almenna íbúðakerfið og hins vegar
með nýjum hlutdeildarlánum sem
fæðast eftir þessa stefnumótun. Við
höfum markvisst verið að vinna í
því að bæta íbúðamarkaðinn. Lang-
tímamarkmiðið hlýtur að vera að
stuðla að stöðugleika. Þannig að
við séum ekki að sjá miklar sveiflur
í framboði og verði.“
Katrín segir jafnframt að aðgerð-
um sem snúa að skipulagsmálum
sé ekki lokið. „Með nýju ráðuneyti
færðust málefni sveitarfélaga,
skipulagsmál og samgöngumál
undir sama hatt og við náum að
samþætta betur. Það þarf ýmislegt
til þess að við getum uppfyllt þessa
framboðsþörf og skipulagsmálin
eru hluti af því.“
Sigurður segir einnig að margt
gott hafi áunnist í málaflokki hús-
næðismála. „Það er til dæmis búið
að einfalda regluverk að sumu leyti.
Áður fyrr var það þannig að í eftir-
liti var ekki gerður greinarmunur á
því hvort verið væri að byggja ein-
býlishús eða hátæknisjúkrahús. Nú
er búið að breyta því. Einnig hefur
byggingarreglugerðin verið endur-
skoðuð og stafræn stjórnsýsla hefur
verið bætt. Þó svo að við eigum
langt í land þá er yfirsýnin engu að
síður orðin meiri.“
Hann segir líka að þó svo að
stigin hafi verið skref í rétta átt þá
sé boltinn hjá sveitarfélögunum.
„Við vorum í svipaðri umræðu fyrir
fjórum árum síðan í kringum sveit-
arstjórnarkosningarnar. Síðan 2018
hefur dregið úr fjölda íbúða í bygg-
ingu. Virðist vera sem íbúðamálin
séu aðeins áherslumál í kringum
kosningar en ekki í millitíðinni.“ ■
10 Fréttir 9. febrúar 2022 MIÐVIKUDAGURFRÉTTABLAÐIÐMARKAÐURINN 9. febrúar 2022 MIÐVIKUDAGUR