Fréttablaðið - 09.02.2022, Blaðsíða 21

Taktikal sérhæfir sig í traust-
þjónustum fyrir netvið-
skipti með rafrænum undir-
skriftum, auðkenningum,
innsiglunum og sjálfvirkri
skjalagerð. Hugbúnaðarfyr-
irtækið kynnir nú nýja lausn
í alþjóðlegum rafrænum
undirritunum.
„Þetta er í fyrsta skipti sem íslenskt
fyrirtæki býður upp á rafrænar
undirskriftir fyrir erlenda aðila.
Með þessu erum við að svara sárri
þörf íslenskra fyrirtækja sem eru
í viðskiptum við erlenda aðila eða
starfa á alþjóðavettvangi,“ segir
Björt Baldvinsdóttir sem er fram-
kvæmdastjóri árangursdrifinna
viðskiptatengsla hjá Taktikal.
„Vinnuumhverfið hefur breyst
ört á síðustu árum og mörg fyrir-
tæki eru að vinna með samninga
víða um heim. Einnig kemur
starfsfólk tímabundið frá öðrum
löndum til að vinna hér. Þá er
nauðsynlegt að bjóða upp á lausn
þar sem rafræn skilríki eru ekki
eini kosturinn. Í staðinn byggir
standard undirritun á tveggja þátta
auðkenningu með notkun bæði
símanúmers og netfangs. Þessi
leið tryggir að einungis sá sem fær
beiðnina senda í tölvupósti getur
undirritað, vegna þess að hann fær
einnig öryggisnúmer sent í SMS.
Það hefur líka komið á daginn
að þessi lausn sem við erum nú að
setja fram hefur þjónað óvæntum
hópi. Þetta leysir vandamál fyrir-
tækja sem ráða til sín ungt starfs-
fólk í verslunar- og þjónustustörf
af ýmsu tagi. En ungt fólk undir og
um tvítugsaldurinn er ekkert endi-
lega komið með rafræn skilríki.“
Örugg lausn fyrir allar
undirritanir
Hingað til hafa fyrirtæki þurft
að nýta sér erlendar lausnir til að
bjóða erlendum aðilum að skrifa
undir rafrænt og innlendar lausnir
þegar kemur að innlendum við-
skiptum. „Nú er ekki lengur þörf
fyrir að fyrirtæki noti tvær mis-
munandi lausnir fyrir undirskriftir
innlendra og erlendra aðila, heldur
býður Taktikal upp á heildarlausn.
Erlendir aðilar og innlendir geta
enn fremur skrifað undir sama
skjalið án vandkvæða. Þessi lausn
er nú orðin aðgengileg fyrir alla
viðskiptavini okkar án aukagjalds
og fyrirhafnarlaust. Þó nokkrir af
okkar viðskiptavinum hafa verið í
lokaprófanahóp og notað lausnina
síðan í haust. Það hefur gengið
ótrúlega vel og við hlökkum til
þess að kynna þessa nýjung fyrir
núverandi viðskiptavinum okkar
og nýjum.
Okkar lausn tryggir enn fremur
meira öryggi en margar sambæri-
legar erlendar lausnir sem reiða sig
eingöngu á netfang. Hverju skjali
fylgir vottaður tímastimpill sem
er staðfestur af þriðja aðila. Með
því tryggjum við einnig langtíma-
varðveislu skjalsins. Að auki er
skjalið innsiglað sem þýðir að við
tryggjum að ekki sé hægt að eiga
við skjalið eða breyta því eftir á, án
þess að það sjáist. Þessi atriði, auk
tveggja þátta auðkenningarinnar,
eru í raun næsta fullvissustig á eftir
því að vera með rafræn skilríki.“
Pláss á markaðnum
Margir eru enn fastir í þeim hugs-
unarhætti að skrifa undir pappíra
með penna og að það sé eina leiðin
til að tryggja að undirskrift sé
ekta. „Það hefur sýnt sig og sannað
að rafrænar undirskriftir geta
leyst prentaða pappíra af hólmi á
einfaldan og öruggan hátt. Hverju
skjali fylgja nauðsynleg lýsigögn,
til dæmis um hver undirritaði
hvað og hvenær, hvenær skjalið
var búið til, hvenær það var inn-
siglað og f leira. Í raun fylgja mun
meiri upplýsingar rafrænu skjali
heldur en prentuðu skjali. Í þessu
tilfelli er rafræna eintakið frum-
ritið.
Á meðan skjal er í undir-
ritunarferli er það hýst í ISO
27001-vottuðu umhverfi. Taktikal
er þjónustuaðili og vinnsluaðili
og við vinnum með mikið af mjög
viðkvæmum gögnum. Við pössum
því upp á persónuvernd og varð-
veitum engin skjöl hjá okkur til
lengri tíma, heldur eru þau alfarið
hjá viðskiptavinum. Við hvetjum
fólk alltaf til þess að vera með sín
skjalavistunarmál í skýinu þar
sem þau tapast ekki og eru ávallt
aðgengileg.“
Markhópur Taktikal eru fyrir-
tæki, stofnanir og sveitarfélög af
öllum stærðargráðum. „Við byrj-
uðum fyrst að þróa lausnir fyrir
rafrænar undirskriftir innlendra
aðila fyrir skjöl af ýmsum gerðum.
Þetta eru ráðningarsamningar,
almennir viðskiptasamningar,
trúnaðarlýsingar, tryggingaskjöl
og f leira. Í kjölfarið fundum við að
það er sannarlega pláss fyrir þessa
lausn á íslenskum markaði, og enn
fremur vöntun á lausnum er varða
innlendar og erlendar undir-
skriftir. Stjórnendur fyrirtækja og
f leiri aðilar í viðskiptalífinu hafa
bókstaflega verið að bíða eftir
þessari lausn.“
Viðskiptavinir Taktikal velja
sér áskriftarleið sem hentar
þeirra þörfum. „Hver áskriftar-
leið er svo mjög sveigjanleg. Allar
okkar undirritunarlausnir eru
einnig hannaðar þannig að þær
má tengja við kerfi hvers við-
skiptavinar þannig að skjölin
vistist sjálfkrafa á réttum stað. Við
höfum tekið þetta skrefinu lengra
með mörgum stærri viðskipta-
vinum og sjálfvirknivætt alla ferla
og skjalagerð.“
Covid var skellurinn sem setti
stafræna vegferð í fimmta gír
Fyrsta lausn Taktikal fór í loftið
fyrir rúmum tveimur árum eftir
strangt vöruþróunarferli. „Það
má segja að við höfum komið á
markaðinn á réttum tímapunkti.
Fyrir faraldurinn var markaður-
inn aðeins byrjaður að spyrja eftir
rafrænum lausnum, meðal annars
í formi rafrænna undirritana, en
eftir Covid-19 eru fyrirtæki og
viðskiptavinir bókstaflega byrjuð
að kalla eftir rafrænum lausnum
af öllu tagi. Það er þessi starf-
ræna vegferð sem fólki verður
svo tíðrætt um og faraldurinn
var skellurinn sem ýtti við fyrir-
tækjum að setja allt í rafræna ferla.
Þróunin hefur því verið ákaflega
hröð á þessu sviði allar götur
síðan. Fyrirtæki eru að átta sig á
þörfinni og við höfum vart undan
við að taka við nýjum viðskipta-
vinum. Rafrænar undirskriftir eru
ekki það sem koma skal, heldur
eru þær orðnar að veruleika og
verða það í framhaldinu. Almenn-
ingur gerir nú þá kröfu að geta
gengið frá sínum málum rafrænt
hjá ýmsum þjónustuaðilum og
hinu opinbera.“ n
Þessi lausn er nú
orðin aðgengileg
fyrir alla viðskiptavini
okkar án aukagjalds og
fyrirhafnarlaust.
Björt Baldvinsdóttir
Björt er framkvæmdastjóri árangursdrifinna viðskiptatengsla hjá Taktikal. Taktikal er fyrst á Íslandi til að bjóða upp á rafrænar undirskriftir fyrir alla erlenda aðila. FRÉTTABLAÐIÐ/ERNIR
Alþjóðlegar rafrænar undirskriftir í fyrsta sinn á Íslandi
Fjórum sinnum til tunglsins og til baka
„Okkar markmið er að veita bestu þjónustu sem völ er á, á þessu
sviði, sem hefur skilað sér í ánægðum viðskiptavinum. Frá því
við hófum störf höfum við áætlað og reiknað út fjölda bílferða,
kílómetra og kolefnisútblástur sem hafa sparast með notkun
lausna Taktikal hjá viðskiptavinum okkar og birtum þessa jákvæðu
umhverfistölfræði sem borða neðst á síðunni okkar. Samkvæmt
þessum tölum höfum við sparað kílómetrafjölda sem nemur
fjórum ferðum til tunglsins og til baka. Viðskiptavinum okkar
stendur til boða að nýta sér þetta og birta rauntímaupplýsingar á
eigin heimasíðum um sína eigin jákvæðu umhverfistölfræði.“
Umsögn viðskiptavinar
„Festi og rekstrarfélög tóku
nýverið upp rafrænar undir-
skriftir fyrir ráðningarsamn-
inga hjá Taktikal og hefur
ferlið haft í för með sér mikla
hagræðingu. Þegar farið var af
stað við að finna samstarfs-
aðila þá skipti það miklu máli
að hægt væri að skrifa undir
án rafrænna skilríkja. Auk
þess að forráðamenn gætu
skrifað undir þar sem fjöldi
starfsmanna, þá aðallega
hjá Krónunni, er undir 18 ára.
Þar sem kerfið býður bæði
upp á rafræn skilríki, tveggja
þátta auðkenningu og hefur
þann möguleika að forráða-
menn geti skrifað undir, þá
var valið frekar einfalt fyrir
okkur. Þjónustan hjá Taktikal
hefur verið til fyrirmyndar en
kerfið er mjög notendavænt
og þægilegt í notkun.“
Valgerður María Friðriksdóttir,
mannauðsstjóri Festar
kynningarblað 5MIÐVIKUDAGUR 9. febrúar 2022 UPPLÝSINGATÆKNI