Fréttablaðið - 12.03.2022, Page 4

Ofan á Covid-áhrifin bætast
olíuverðshækkanir sem
þyngja rekstur Strætó um
hundruð milljóna. Mikill halli
á síðasta ári. Framkvæmda-
stjóri vonast til að ekki komi
til uppsagna nema stórfelldur
niðurskurður yrði á leiða-
kerfinu.
bth@frettabladid.is
SAMGÖNGUR „Við vorum að ljúka
við ársreikning, það varð 440
milljóna króna tap á síðasta ári hjá
Strætó, það er erfitt að koma út úr
þessu Covid-ástandi,“ segir Jóhann-
es Svavar Rúnarsson, framkvæmda-
stjóri Strætó.
454 milljóna króna halli varð á
rekstri Strætó árið 2020 þannig að
samanlagður halli tveggja síðustu
ára er tæplega 900 milljónir króna.
Árið 2019 var hallinn 34 milljónir
króna.
Sjaldan er ein báran stök, að
sögn Jóhannesar, því ofan á Covid
kemur innrás Pútíns og stórfelldar
olíuverðshækkanir sem munu
að óbreyttu hafa mikil neikvæð
rekstraráhrif. Jóhannes segir að
olíuhækkunin breyti heilmiklu,
kostnaðaraukinn hafi verið ófyrir-
séður, Strætó hafi minnkað f lota
þeirra bíla sem gangi fyrir jarðefna-
eldsneyti og noti í auknum mæli
bíla með umhverfisvænu eldsneyti.
Eigi að síður sé um verulegt högg að
ræða.
„Þetta hefur allt veruleg áhrif á
rekstrarhliðina.“
Önnu r áskor u n sem f ylg ir
ástandinu er að innrásin í Úkra-
ínu og áhrif hennar auk Covid-
áhrifanna hafa líka áhrif á kaup á
rafmagnsvögnum fyrir Strætó. Til
stóð að fara í útboð á rafmagns-
vögnum en tafir verða á því að
líkindum fram á næsta ár, að sögn
Jóhannesar.
Kostnaðarauki vegna eldsneytis-
hækkunar einn og sér gæti orðið
100-200 milljónir á þessu ári, að
sögn framkvæmdastjóra Strætó.
Hann segir erfitt að gera áætlanir
þar sem vandi sé að spá fyrir um
þróun olíuverðs.
„Við fylgjumst vandlega með
stöðunni og vonumst til að fólkið
sem hefur verið heima vegna Covid
fari nú að koma í auknum mæli í
vagnana og veltan verði meiri,“ segir
Jóhannes.
„Maður var að vonast til að hægt
yrði að byggja upp eftir Covid en
stríðið hefur mikil áhrif og það eru
krefjandi tímar fram undan,“ bætir
hann við.
Spurður hvort Strætó bs. þurfi
mögulega að segja upp fólki til að
mæta viðvarandi rekstrarhalla
segir Jóhannes að ekki muni koma
til þess nema ef verulegur niður-
skurður yrði á leiðakerfinu.
„Það er ekki í pípunum.“
Jóhannes telur einnig mögulegt
að hægt sé að horfa á olíuverðs-
hækkanirnar sem tækifæri. Kannski
hvíli einhverjir einkabílinn og nýti
almenningssamgöngur þess í stað.
„Mér finnst ekki ólíklegt að nýt-
ingin muni aukast hjá okkur, það
er töluverður peningalegur munur
á að reka bíl eða taka strætó. Kerfið
okkar er alveg þokkalegt á mörgum
leiðum á höfuðborgarsvæðinu og
það þolir fleiri farþega.“
Ýmis f y rirtæk i sem byg gja
afkomu sína að nokkru á verði elds-
neytis hafa fallið á hlutabréfamörk-
uðum síðustu vikur. n
Maður var að vonast til
að hægt yrði að byggja
upp eftir Covid.
Jóhannes
Rúnarsson,
framkvæmda-
stjóri Strætó
Þórdís Kolbrún Reykfjörð
Gylfadóttir
utanríkisráðherra
Þórdís flutti
munnlega
skýrslu um inn-
rás Rússa í Úkra-
ínu á Alþingi á
mánudag. Þar
kom fram að
Ísland væri á
lista Rússlands
yfir óvinveitt
ríki. Þórdís Kolbrún sagði veru
Íslands á listanum ekki óvænta og
benti á að áhrif hans væru óljós,
félagsskapur Íslands á listanum
væri „ekki slæmur“.
Ragnar Kjartansson
myndlistarmaður
Ragnar vakti
mikla athygli
þegar hann
ákvað að loka
sýningunni
Santa Barbara í
Moskvu í kjölfar
innrásar Rússa í
Úkraínu. Hann
segir listaverkin
í öruggum höndum, en vill ekki
gefa mikið upp, enda sé staðan
viðkvæm.
Michael Jón Clarke
tónskáld
Tónskáldið bauð
fram kjallara-
íbúð sína fyrir
flóttamenn frá
Úkraínu. Hann
hefur einnig
samið ljóð um
stríðið og biðlar
til stjórnvalda
um að skipu-
leggja strax leiðir til að hýsa flótta-
fólk frá Úkraínu. n
n Þrjú í fréttum Strætó tapaði nærri hálfum milljarði
Mikið tap hefur orðið á rekstri Strætó bs. undangengin tvö ár og nemur tap tveggja ára um 900 milljónum króna.
Eldsneytishækkun kemur illa við reksturinn og innrásin í Úkraínu tefur komu fleiri rafvagna. FRÉTTABLAÐIÐ/STEFÁN
100% RAFMÖGNUÐ
ÍTÖLSK HÖNNUN
FIAT 500e ER FYRSTI FALLEGI
RAFMAGNSSMÁBÍLLINN.

SJÓN ER SÖGU RÍKARI
UMBOÐSAÐILI FIAT Á ÍSLANDI • ÍSLENSK-BANDARÍSKA • ÞVERHOLT 6 • 270 MOSFELLSBÆR
S. 590 2300 • FIAT.IS • ISBAND.IS • ISBAND@ISBAND.IS • OPIÐ VIRKA DAGA 10-17 • LAUGARDAGA 12-16
TÍMALAUS ÍTÖLSK HÖNNUN
MEÐ ALLT AÐ 433 KM DRÆGNI.
kristinnhaukur@frettabladid.is
TRÚMÁL Kaþólsku biskuparnir á
Norðurlöndum, þar á meðal David
Tencer biskup Reykjavíkur og Peter
Bürcher fyrrverandi biskup Reykja-
víkur, hafa lýst áhyggjum af hvaða
leið kaþólska kirkjan í Þýskalandi sé
að fara. Taka þeir sér því stöðu með
íhaldsöflum innan kirkjunnar.
Mikið samtal á sér nú stað innan
þýsku kirkjunnar um hvort fara eigi
í róttækar breytingar og nútíma-
væðingu. Meðal þeirra breytinga
sem ræddar eru af mikilli alvöru er
að leyfa giftingar samkynhneigðra
og að samkynhneigð verði ekki
fordæmd, að leyfa konum að verða
prestar, að afnema skírlífiskröfu
presta og að auka lýðræði innan
kirkjuskipulagsins.
Þessi sjálfsskoðun hófst með
kirkjuþingi í desember árið 2019
og stefnt er að því að ljúka henni á
næsta ári. Ástæðan fyrir því að farið
var í þessa sjálfsskoðun er ótalmörg
kynferðisbrotamál sem komið hafa
upp innan kaþólsku kirkjunnar,
bæði í Þýskalandi og annars staðar.
Margir, bæði innan og utan
Þýskalands, hafa gagnrýnt þetta og
óttast klofning þótt þeir sem standi
fyrir vegferðinni hafni því. Frans
páfi hefur farið varlega í gagnrýni.
Stanisław Gądecki, erkibiskup í
Póllandi, gagnrýndi Þjóðverjana í
opnu bréfi fyrir skemmstu og sagð-
ist efast um að aðgerðir þeirra ættu
stuðning í ritningunni.
Norrænu biskuparnir fylgdu í
kjölfarið með yfirlýsingu á mið-
vikudag á fundi í Tromsö í Noregi.
Í bréfinu segir að sú stefna og sú
aðferð sem þýska kirkjan beiti fylli
biskupana áhyggjum.
„Í leit að svörum við spurningum
samtímans verðum við að virða
mörk sem finnast í óbreytanlegum
þætti kristinnar kenningar,“ segir
í yfirlýsingu norrænu biskupanna
um kynhneigð, hlutverk kvenna í
kirkjunni og fleira. n
Norðurlandabiskupar hafa áhyggjur af frjálslyndi Þjóðverja
David Tencer biskup Reykjavíkur.
MYND/AÐSEND
4 Fréttir 12. mars 2022 LAUGARDAGURFRÉTTABLAÐIÐ