Fréttablaðið - 31.03.2022, Síða 44

AUGLÝSINGADEILDIR – AUGLÝSINGASTJÓRI: Guðmundur Örn Jóhannsson gudmundur@torg.is, ALMENNAR AUGLÝSINGAR: SÍMI 550 5050:
Andrés Bertelsen andres@frettabladid.is, Auður Húnfjörð audur@frettabladid.is, Reynir Elís Þorvaldsson reynir@frettabladid.is, Örn Geirsson orn@frettabladid.is FÓLK/
SÉRBLÖÐ SÍMI 550 5078: Arnar Magnússon arnarm@frettabladid.is, Jóhann Waage johannwaage@frettabladid.is, Jón Ívar Vilhelmsson jonivar@frettabladid.is, Ruth Bergsdóttir
ruth@frettabladid.is FÓLK OG SÉRBLÖÐ EFNI: Elín Albertsdóttir elin@frettabladid.is RAÐAUGLÝSINGAR /FASTEIGNIR SÍMI 550 5056: Hrannar Helgason hrannar@frettabladid.is,
TÍMAMÓTA- OG ÞJÓNUSTUAUGLÝSINGAR SÍMI 550-5055: Arna Rut Kristinsdóttir arnarut@frettabladid.is
ninarichter@frettabladid.is
Air-fryer ofnar eru næstir í röðinni
á nytjamörkuðum Sorpu, að mati
sérfræðings hjá Umhverfisstofnun,
sem hvetur Íslendinga til að hugsa
sig um og fá lánað áður en keypt er
nýtt raftæki. Fjölbreyttar tegundir
neyslu-æða Íslendinga í heimsfar-
aldrinum eru sýnileg í þeirri losun
sem skilar sér til Sorpu.
„Við áttum fund með Sorpu um
daginn og erum að reyna að fá
mynd af raftækjasóun Íslendinga.
Það er brjálæðislega mikið f lutt
inn af raftækjum. Við ákváðum
að byrja á þessum öfuga enda sem
við viljum að sé sem fyrirferðar-
minnstur,“ segir Þorbjörg Sandra
Bakke, sérfræðingur á sviði hring-
rásarhagkerfis og loftslagsmála
hjá Umhverfisstofnun. „Maður sér
ótrúlega vel hvað hefur verið í tísku.
Við erum með raftækjafókus núna.
En þau [hjá Sorpu] segja að nú sé
Covid-neyslan að koma í ljós og allt
að fyllast af ketilbjöllum,“ segir hún.
Að sögn Þorbjargar Söndru er vel
sýnilegt á nytjamörkuðum hvaða
æði hefur gengið yfir árið á undan.
„Af því að það eru svo margir sem
kaupa eitthvað svona vanhugsað
og nota allt of lítið,“ segir hún. „Svo
er þetta bara komið í Góða hirðinn
fyrr en varir. Og auðvitað er alveg
rétt að fara með þetta þangað, en
þetta er bara oft svo mikið. Það er
vandinn, það er ekki þörf á þessu
dóti,“ segir Þorbjörg Sandra.
„Okkar mat er að fólk þurfi að
hugsa sig tvisvar um og fá lánað
þess í stað hjá öðrum.
Ef maður fréttir af nýjum græjum
og finnst eitthvað geggjað, þá er
kannski fyrsta skrefið, ef maður
er mjög spenntur, að prófa hjá ein-
hverjum öðrum,“ segir hún. „Og
kannski horfa til baka: Er ég búin
að taka þátt í öllum svona æðum?
Er ég að kaupa tæki á tveggja ára
fresti?“ n
Nytjamarkaðir fyllast af ketilbjöllum
Þorbjörg Sandra Bakke, sérfræð-
ingur hjá Umhverfisstofnun.
N Ó I SÍ R Í US
Hinir sívinsælu Nóa Hnappar sóma sér
einstaklega vel í páskaeggjum og það er
óhætt að segja að hnappaeggin okkar séu
sannkallaðir hnappafengir! Við bjóðum upp
á tvær ómótstæðilegar tegundir í ár, hið
klassíska perluhnappaegg og frábæra nýjung
sem svíkur engan, saltkaramelluhnappaegg!
Ekki missa af þessum
hnappdrættisvinningum!
Matreiðslumenn frá veitinga-
húsinu Les Enfants du Marché
í París taka í kvöld yfir verð-
launaða veitingastaðinn Skál!
sem staðsettur er í Mathöll-
inni á Hlemmi. Eigandi staðar-
ins heimsækir Ísland í fyrsta
sinn ásamt eiginkonu sinni og
teymi matreiðslumanna, og
lætur vel af landi og þjóð.
ninarichter@frettabladid.is
„Við þurftum að tengjast eyjunni og
byggja tengingu við hráefnið. Þetta
er svo fallegt land, sennilega það
fallegasta sem ég hef séð á ævinni,“
segir matreiðslumaðurinn Michael
Grosman, eigandi veitingastaðarins
Les Enfants du Marché í París sem
er á matarmarkaðinum Les Enfants
Rouges í Le Marais-hverfinu.
Hreifst af náttúru landsins
Michael sker brokkolíní-stöngla í
gríð og erg og dásamar eiginkonu
sína sem situr við barinn á Skál!
Hjónin ferðuðust út fyrir höfuð-
borgina í gær til að dást að nátt-
úru landsins og tengjast hráefninu
betur.
„Það er tilfinning hérna og orka
sem við erum mjög hrifin af. Þegar
þú kemur beint frá París er þetta
algjörlega dásamlegt. Við vorum svo
hissa þegar við komum til Reykja-
víkur, að vera komin í siðmenningu
og bílaumferð strax fimm mínút-
um eftir að hafa verið í algjörlega
ósnortinni náttúrunni.“
Erfitt að finna óunninn fisk
Kokkarnir vinna með íslenskt
ferskt hráefni. „Það var svolítið erf-
itt að finna það, en við vinnum með
frönsku tæknina í skapandi eldhúsi.
Þetta er rosa f lott.“ Michael segir
mikilvægt að byggja brú milli land-
anna tveggja með matargerð. „Ég
held að fólkið hér þurfi að einbeita
sér að fersku hráefni. Það var mjög
erfitt að finna heilan óunninn fisk
hérna. Ég skil að sjávarútvegurinn
sé stór. En hér erum við að vinna
með ferskan fisk. Hráefnið er mikil-
vægasti þátturinn í allri matargerð.“
Kom með fínustu frönsk vín
Michael segist eingöngu bjóða upp
á náttúruvín á veitingastaðnum
sínum í París. Hann dregur fram
þrjár flöskur sem hann segir að séu
framúrskarandi frönsk vín, þar á
meðal flösku af víngarði vinar síns
í Suður-Frakklandi. „Við ákváðum,
í ljósi þess að Skál! er með framúr-
skarandi úrval af vínum, að koma
með eitthvað virkilega dýrt og flott
og því seljum við bæði hálf og heil
glös af þessum vínum í kvöld,“ segir
hann.
Hafa hlotið fjölda verðlauna
„Veitingastaðurinn okkar er stað-
settur á elsta matarmarkaði borgar-
innar. Þarna er hægt að kaupa mat
og blóm og líka setjast niður og fá
sér góðan mat með frábæru víni.
Við bjóðum upp á matinn við bar-
borð undir skýli. Við höfum fengið
fjölda viðurkenninga en áherslan
hjá okkur liggur í því að njóta þess
að vera til og gleðja fólk með góðum
mat og víni,“ segir Michael. „Þetta er
hvatinn. Þetta er góður staður með
góðum lífrænum mat, lífrænum
vínum, góðri tónlist.“
Ekki stífur staður
Aðspurður hvernig hann hafi fundið
teymið í eldhúsið segist Michael
vera lánsamur. „Ég hef kynnst fólki í
gegnum glasið,“ segir hann. „Ég held
að ég sé heldur ekkert voðalega erf-
iður í umgengni,“ segir hann og hlær.
„Þetta er lifandi staður og við erum
ekki stíf. Fólk má segja það sem það
vill og tjá sig um matinn og vínið. Við
erum ungt teymi og við höfum tæki-
færi til að vera með pop-up viðburði
eins og hér, þannig að þetta er bara
rosa kúl,“ segir Michael. n
Ferskt íslenskt hráefni í
Parísarbúningi í kvöld 
Franski mat-
reiðslumaður-
inn Michael
Grosman mun
töfra matgæð-
inga landsins
upp úr skónum
á Skál! í kvöld.
FRÉTTABLAÐIÐ/
ERNIR
Kræklingur að vestan að hætti
Grosman. FRÉTTABLAÐIÐ/ERNIR
28 Lífið 31. mars 2022 FIMMTUDAGURFRÉTTABLAÐIÐ