Fréttablaðið - 02.04.2022, Blaðsíða 74

Sigrar mannsandans
■ Því verður ekki lýst með orðum að horfa á úkraínska flóttakonu
koma fótgangandi yfir einskismannslandið, leiðandi börnin sín
við Medyka.
■ Greina feginleika í andlitsdráttum þegar skrjáfar í pólskum jarð­
vegi undir fótum fjölskyldunnar.
■ Sjá móðurina bresta í grát þegar hún loks er örugg.
■ Sjá hana fagna von um framtíð, heyra hana svo gráta nokkrum
mínútum síðar.
■ Sjá hana lýsa því hve sakbitin hún sé af söknuði, sakbitin af því
að hafa bjargað eigin lífi og barnanna á langri eyðimerkurgöngu.
Vegna þess að hún vill ekki vera byrði á öðrum.
■ Við hittum fólk sem hafði bjargað lífinu með því að hafast við í
helli á meðan sprengjur féllu alls staðar í kring.
■ Við sáum björgunarfólk stumra yfir konu sem var nýbúin að fá
þær fréttir að maður hennar hefði fallið í stríðinu.
■ Við sáum konur sigrast á ómanneskjulegum aðstæðum með því
að ganga yfir landamæri lífs og dauða við Medyka.
■ Við sáum þær hlæja, sigra og fagna.
Sjálfboðaliðar
sjá um að hlúa
að flóttafólki
við komuna
til Póllands,
sjá þeim fyrir
brýnustu nauð­
synjum og upp­
lýsingum.
Áfangastaður ókunnur
■ Eitt andartak fannst okkur
kannski eins og upplif­
unin við landamæri lífs
og dauða sendi íslenskan
hégóma út í hafsauga.
■ Við vitum ekki hvernig
þessar sögur munu enda.
■ Við vitum það eitt líkt
og flest úkraínska flótta­
fólkið.
■ Að áfangastaður er ókunn­
ur.
Stundir sem aldrei gleymast
Eitthvað segir okkur að augnablikin í Medyka muni fylgja okkur
áfram.
Kannski þurfa augu barnanna og mæðra þeirra að fylgja okkur
áfram. Vegna þeirrar sögu sem þau hafa að geyma.
Okkur hafði verið sagt að fjöldi hjálparsamtaka og einstaklinga
yrði við landamærin til að taka á móti flóttafólkinu. En það var
enginn venjulegur svipur á þessu fólki. Ekki frekar en að svipurinn á
fólkinu sem kemur gangandi yfir landamærin var ekkert venjulegur.
Þótt Pútín sé hataður og fyrirlitinn af flestum í Póllandi (eins
og merkja má af veggspjöldum í Varsjá) verður ekki annað séð en
göfugar tilfinningar líkt og samhygð og mannúð keyri björgunar­
starfið áfram.
Við höfum kannski aldrei séð eins mild og góðleg andlit og þarna
voru samankomin.
Kannski hefur heimsbyggðin aldrei sameinast af eins miklu afli
og nú um að mæta í sameiningu því hrottalegu ofbeldi sem íbúar
Úkraínu hafa mátt þola. Kannski er það sem er að gerast við Med­
yka til marks um breytta tíma.
Mikill fjöldi flóttamanna frá Úkraínu hefur komið fótgangandi yfir landa­
mærin til Medyka.
Forsetahöllin í Varsjá. Bílalest yfirgefur höllina.
Pawel Siedecki
og Magdalena
Kulik hjá mið­
stöð félagslegs
stuðnings í
Gorskiego í
Varsjá ræða úr­
ræði fyrir flótta­
fólk frá Úkraínu í
Varsjá.
Tjaldbúðir fyrir
utan Medyka.
Á rúmum mánuði hafa
Pólverjar tekið á móti
nærri tveimur og hálfri
milljón flóttamanna
frá Úkraínu.
38 Helgin 2. apríl 2022 LAUGARDAGURFRÉTTABLAÐIÐINNRÁS Í ÚKRAÍNU FRÉTTABLAÐIÐ 2. apríl 2022 LAUGARDAGUR