Morgunblaðið - 10.02.2022, Blaðsíða 10

10 FRÉTTIR
Innlent
MORGUNBLAÐIÐ FIMMTUDAGUR 10. FEBRÚAR 2022
Ingibjörg Rannveig Guðlaugsdóttir 82 ára
í stjórn Vöruhúss tækifæranna
Draumar mínir
rættust!
Ég menntaði mig, tók meistaragráðu 48 ára og aðra
70 ára. Byrjaði í karate 60 ára. Var 72 ára frumkvöðull að
stofnun U3A Reykjavík og fyrsti formaður samtakanna.
Hef tekið þátt í þremur alþjóðlegum verkefnum síðan
og stýrði þar m.a. þróun Vöruhúss tækifæranna.
Tilgangur Vöruhúss tækifæranna er að auðvelda fólki á þriðja æviskeiðinu að gera breytingar á lífi sínu
og láta óskir sínar rætast. Vöruhúsið er spennandi nýjung sem svarar kalli sífellt stækkandi hóps fólks sem
komið er yfir miðjan aldur og vill feta nýjar slóðir í lífinu á einn eða annan hátt.
Líttu inn í vöruhús tækifæranna.is
Sigtryggur Sigtryggsson
sisi@mbl.is
Það stefnir í að í sumar sigli fleiri
skemmtiferðaskip hringinn í kring-
um Ísland en nokkru sinni fyrr. En
eitt hefur ekki breyst síðan þessar
siglingar hófust sumarið 2015. Vegna
gildandi tollalaga geta Íslendingar
ekki tekið sér far með þessum skip-
um.
Þegar farþegaskið Ocean Dia-
mond hóf hringferðir um Ísland fyrir
sjö árum lýstu ráðamenn því yfir að
vert væri að endurskoða reglurnar
enda hafa margir Íslendingar lýst
áhuga á því að taka sér far með þess-
um skipum, sem í dag eru jafnan
kölluð leiðangursskip.
Morgunblaðið sendi í fyrrasumar
fyrirspurn til fjármálaráðuneytisins
um stöðu málsins. Fengust þau svör
þar að málið væri til skoðunar í ráðu-
neytinu.
Ekki afgreitt fyrir sumarið
Í síðasta mánuði sendi Morgun-
blaðið nýja fyrirspurn og fékk eftir-
farandi svar: „Málið er enn til skoð-
unar í ráðuneytinu og liggur ekki
fyrir hvenær henni lýkur. Það hefur
snertiflöt við ýmis atriði sem varða
m.a. tollfrelsi erlendra farþegaskipa,
samkeppnisstöðu innlendra gisti-
húsa og veitingastaða gagnvart sölu
á tollfrjálsum veitingum um borð í
erlendum farþegaskipum í innan-
landssiglingum og hugsanlegri mis-
notkun að öðru leytinu til.“ Telur
ráðuneytið ekki líkur á því að af-
geiðsla málsins klárist fyrir komandi
sumar.
Íslendingum býðst að taka sér far
með skipunum í erlendri höfn, þegar
þau leggja af stað til Íslands en ís-
lensk tollalög koma í veg fyrir að
hægt sé að fara um borð hér á landi
og sigla hringinn í kringum landið.
Íslendingar þyrftu að fara um borð í
skipin utan 12 mílna lögsögu til að
geta keypt þar tollfrjálsan varning.
Guðmundur Kjartansson, sem
gerir út Ocean Diamond, sagði í við-
tali við Morgunblaðið sumarið 2017
að áherslur fyrirtækisins til þessa
hafi verið á markaðssetningu erlend-
is en vonast þó til að stjórnvöld muni
breyta þessu með tíð og tíma. Allra
vilji í stjórnkerfinu virðist standa til
þess.
„Það er í raun fáránlegt að Íslend-
ingar geti ekki siglt héðan með
skemmtiferðaskipum, það er hægt í
öllum öðrum löndum. Ég bind vonir
við að í síðasta lagi árið 2017 verði
búið að breyta þessu.“ Guðmundi
varð ekki að ósk sinni.
Ocean Diamond siglir nokkrar
ferðir hringinn í kringum landið á
hverju sumri. Skipið tekur um 200
farþega og Guðmundur segir það
henta mjög vel til að sigla inn á
smærri firði og hafnir, sem stór
skemmtiferðaskip ná ekki. Í áhöfn
eru um 100 manns. Bæði íslenskir og
erlendir leiðsögumenn eru um borð
og stoppað er á stöðum eins og
Seyðisfirði, Húsavík, Akureyri,
Siglufirði og Ísafirði. Þaðan eru farn-
ar ferðir í land og einnig siglt á Zodi-
ac-gúmbátum sem gefa möguleika á
að skoða landið betur af sjó. Um borð
í skipinu eru 20 bátar sem notaðir
eru í hvala- og fuglaskoðun. Siglt er á
bátunum inn Héðinsfjörð, á Breiða-
firði, til Grímseyjar og við Vest-
mannaeyjar, svo dæmi séu tekin.
Einu Íslendingarnir um borð eru
starfsmenn, leiðsögumenn og
skemmtikraftar. Íslenskir farþegar
eru hvergi sjáanlegir.
Fá ekki að sigla með
skemmtiferðaskipum
- Tollalög koma í veg fyrir að Íslendingar geti farið í
hringsiglingar hér við land - Ráðuneytið skoðar málið
Morgunblaðið/Styrmir Kári
Ocean Diamond Skipið er gert út frá Reykjavík á sumrin og fer í nokkrar
hringferðir árlega. Um borð starfa Íslendingar en farþegar eru erlendir.
Sigtryggur Sigtryggsson
sisi@mbl.is
Áform um að setja upp hraðbanka
við hinn heimsfræga pylsuvagn
Bæjarins bestu í miðbænum ná ekki
fram að ganga. Skipulagsfulltrúi
Reykjavíkur hefur tekið neikvætt í
fyrirspurn þess efnis.
Á embættisafgreiðslufundi skipu-
lagsfulltrúa 28. janúar sl. var lögð
fram fyrirspurn um að koma fyrir
hraðbanka á baklóð veitingastað-
arins Hornsins að Hafnarstræti 15,
samkvæmt tillögu Arkþing – Nordic
ehf. Fyrirspurninni var vísað til um-
sagnar verkefnisstjóra.
Umræddur hraðbanki er á vegum
Euronet. Fram kemur í fyrirspurn-
inni að baklóð Hornsins sé hluti af
iðandi torgi (Bæjartorgi) sem hafi
nýlega verið endurnýjað og pylsu-
vagninn á torginu drægi að fjölda
fólks. Það færi því vel á því að koma
fyrir hraðbanka á torginu.
Fyrirhugað var að staðsetja hrað-
bankann meðfram kjallaratröppum
veitingastaðarins Hornsins þar sem
nú er einfalt viðarhandrið. Lagt var
upp með að gera hraðbankann að
eins konar borgarhúsgagni með
áföstum bekk/gróðurkari.
Í umsögn verkefnisstjóra skipu-
lagsfulltrúa kemur fram húsið á lóð
nr. 15 við Hafnarstræti sé versl-
unar-og skrifstofuhúsnæði, byggt
árið 1917 og njóti verndar ásamt
Hafnarstræti 17.
Í gildandi deiliskipulagi sé ekki
minnst sérstaklega á hraðbanka og
því þurfi að meta erindið úr frá öðr-
um forsendum. Í gildandi deili-
skipulagi sé lögð áhersla á að
vernda og viðhalda upprunalegum
byggingum og götumynd eldri
Kvosbyggðar.
„Við hönnun torgsins var ekki
gert ráð fyrir hraðbanka/borgar-
húsgagni á þessum stað. Betur færi
á að staðsetja hraðbanka inni í
byggingum eða á stöðum þar sem
ásýnd þeirra hefur ekki neikvæð
áhrif á umhverfið,“ segir meðal ann-
ars í umsögninni.
Staðsetning hraðbanka á mið-
borgartorgi aftan við Hafnarstræti
15 samræmist ekki deiliskipulaginu
og myndi hafa neikvæð áhrif á útlit
torgsins og því sé ekki hægt að fall-
ast á erindið.
Tölvumynd/Arkþing
Hraðbanki Átti að vera tengdur veitingastaðnum Horninu við Hafnarstræti.
Rautt ljós á ósk
um hraðbanka
- Átti að vera við hlið Bæjarins bestu
Forsætisnefnd Alþingis mun eigi
síðar en í maí næstkomandi gera
tillögu til Alþingis um einstakling
til að gegna embætti ríkisendur-
skoðanda og verður hann kjörinn
á þingfundi. Alþingi kýs ríkisend-
urskoðanda til sex ára í senn, en
heimilt er að endurkjósa sama ein-
stakling einu sinni.
Hafin er leit að einstaklingi til
að skipa embættið. Í tilkynningu á
heimasíðu Alþingis eru þeir sem
áhuga kunna að hafa á að gegna
embættinu, og uppfylla sett skil-
yrði, beðnir að senda forsæt-
isnefnd Alþingis erindi þar um
ásamt ítarlegum upplýsingum um
menntun og fyrri störf.
Einnig geta þeir sem vilja koma
með ábendingar um einstaklinga í
embættið komið slíku á framfæri
við forsætisnefnd.
Guðmundur settur tímabundið
Erindi skulu berast forsætis-
nefnd bréflega eða með rafrænum
hætti. Skúli Eggert Þórðarson,
sem gegnt hefur embættinu, var
skipaður ráðuneytisstjóri nýs
menningar- og viðskiptaráðuneytis
og hóf störf hinn 1. febrúar. For-
seti Alþingis fól Guðmundi Björg-
vini Helgasyni stjórnmálafræðingi
að gegna embættinu þar til kosn-
ing nýs ríkisendurskoðanda hefur
farið fram. Fram kemur í tilkynn-
ingunni að ríkisendurskoðandi
starfi á vegum Alþingis. Hann er
trúnaðarmaður þess og ábyrgur
gagnvart því við endurskoðun og
eftirlit með rekstri og fjármálum
ríkisins.
Ríkisendurskoðandi skal hafa
þekkingu á reikningsskilum og
ríkisrekstri auk stjórnunar-
reynslu. Hann fer með stjórn Rík-
isendurskoðunar.
Ríkisendurskoðandi er sjálf-
stæður og engum háður í störfum
sínum og ákveður sjálfur hvernig
hann sinnir hlutverki sínu sam-
kvæmt lögum um embættið.
sisi@mbl.is
Leit hafin að ríkis-
endurskoðanda
- Alþingi óskar eftir umsóknum og
ábendingum - Kjörinn á þingfundi
Skúli Eggert
Þórðarson
Guðmundur B.
Helgason