Morgunblaðið - 03.03.2022, Side 6

6 FRÉTTIR
Innlent
MORGUNBLAÐIÐ FIMMTUDAGUR 3. MARS 2022
Skipulagsstofnun hefur ákveðið að
gera skuli mat á umhverfisáhrifum
fyrir framkvæmdir við fiskveg í
jarðgöngum við Barnafoss í Borg-
arfirði. Markmið verkefnisins er að
gera Hvítá fiskgenga ofan við
Barnafoss og gera Norðlingafljót
sjálfbært fyrir laxfiska með því að
nýta búsvæði þess og byggja upp
sjálfbæran laxastofn.
Í úrskurði Skipulagsstofnunar er
vakin athygli á því að Hraunfossar
og Barnafoss séu ásamt nánasta
umhverfi friðlýst náttúruvætti. Þá
njóti fossar sérstakrar verndar.
Óheimilt sé að raska jarðmynd-
unum á hinu friðlýsta svæði og
þrátt fyrir að rask verði að stærst-
um hluta neðanjarðar feli fram-
kvæmdirnar engu að síður í sér
rask á jarðmyndunum.
Hraunfossar og Barnafoss eru
vinsæll viðkomustaður ferðafólks
og er ákvörðun um umhverfismat
meðal annars tekin með hliðsjón af
því.
Nefnt er í niðurstöðum Skipu-
lagsstofnunar að unnið sé að end-
urhönnun áfangastaðarins og legu
stíga. Bendir Skipulagsstofnun á að
þar af leiðandi sé ekki hægt að úti-
loka að breytingar verði á dreif-
ingu ferðamanna sem kunni að hafa
þau áhrif að fyrirhuguð fram-
kvæmd verði enn sýnilegri en
áform séu um.
Niðurstaðan er að mikil óvissa
ríki um áhrif framkvæmdarinnar,
en í ljósi stærðar, hönnunar og um-
fangs hennar og verndargildis
svæðisins séu þau líkleg til að verða
umtalsverð. helgi@mbl.is
Morgunblaðið/Helgi Bjarnason
Barnafoss Gera á göng framhjá fossinum, til að opna nýtt laxveiðisvæði.
Fiskvegur við
Barnafoss í mat
- Líkur taldar á umtalsverðum áhrifum
Helgi Bjarnason
helgi@mbl.is
Eigendur fjárfestingarfélagsins
Bjargar capital ehf., sem tengist Ís-
lenskum verðbréfum hf. nánum bönd-
um, eiga í viðræðum við Norðurþing
um yfirtöku á lóð SR-mjöls á Raufar-
höfn. Áform eru um atvinnuuppbygg-
ingu á lóðinni og mun fiskeldi vera þar
efst á blaði. Tveir íbúafundir hafa verið
haldnir um hugmyndina á Raufarhöfn
og óformleg könnun á vilja íbúa stend-
ur yfir.
„Ég er jákvæð fyrir þessu verkefni.
Það getur verið mikilvægt fyrir at-
vinnuuppbyggingu á svæðinu, ef það
verður að veruleika,“ segir Helena Ey-
dís Ingólfsdóttir, formaður byggðar-
ráðs Norðurþings. Málið var rætt í
byggðarráði á dögunum, að afloknum
íbúafundi á Raufarhöfn þar sem verk-
efnið var kynnt. Byggðarráð ákvað að
halda áfram viðræðum við Björgu
capital og vinna að málinu í samvinnu
við hverfisráð Raufarhafnar. Áformar
byggðarráð að kynna uppfærð drög að
samningi um lóðina um miðjan mánuð.
Mannvirki í niðurníðslu
Síldarverksmiðjur ríkisins voru með
starfsemi á Raufarhöfn en eftir að
verksmiðjan var lögð niður tók sveitar-
félagið við lóðunum með samningum
við SR og ríkið. Þá mun sveitarfélagið
hafa fengið ákveðna fjármuni til að rífa
ónýtar byggingar og taka til og átti
sjálft að leggja fram fé á móti. Ekki
hefur orðið af því og hefur lóðin verið
til vandræða í mörg ár. Nanna Steina
Höskuldsdóttir, verkefnastjóri at-
vinnu- og samfélagsþróunar á Rauf-
arhöfn, starfsmaður SSNE (Samtaka
sveitarfélaga og atvinnuþróunar á
Norðurlandi eystra), segir að mann-
virkin séu ryðguð og ljót og jafnvel sé
farið að fjúka úr þeim. Spurð um kaup-
verð lóðarinnar eða hugsanlega með-
gjöf segir Helena að það mál sé enn á
samningsstigi og verði ekki opinberað
að sinni.
Ekki náðist í Jóhann M. Ólafsson,
forstjóra Íslenskra verðbréfa og for-
svarsmann Bjargar capital, í gær en
hann kynnti áform um uppbyggingu
fiskeldis á lóðinni á íbúafundinum.
Nanna segir að hugmydin snúist um
blandað eldi. Alin verði stórseiði á
landi og þau alin í sjó um sumarið.
Þarf að breyta reglum
Til þess að stunda landeldi þarf mik-
ið vatn og hita. Hitaveita er ekki á
Raufarhöfn en forsvarsmenn fyrir-
tækisins ræða um að athuga gamlar
borholur á svæðinu. Sjórinn utan við
Raufarhöfn er innan svæðis þar sem
laxeldi í sjókvíum er bannað. Spurð
um þetta segir Helena að færa þyrfti
línuna innar með breytingu á reglu-
gerð til þess að þessi áform gætu
gengið eftir.
Nanna Steina segir, þegar hún er
spurð um afstöðu heimamanna, að
málið sé enn til umræðu. Það sé síðan
í höndum byggðarráðs að taka
ákvörðun. „Þetta er mjög áhugavert
verkefni. Ég tel að flestir séu hrifnir
af því að fá einhverja uppbyggingu á
SR-lóðinni. En það eru mörg ef í
þessu og málið þarf að skoða vel,“
segir hún.
Helena segist bjartsýn á framgang
málsins, eins og almennt um atvinnu-
tækifæri sem verið sé að laða að. „Það
skiptir máli hvernig samfélaginu á
Raufarhöfn líst á þetta. Mikilvægt er
að íbúar og sveitarstjórn séu sam-
stiga í því sem verður gert,“ segir
Helena.
Vilja koma upp fiskeldi á SR-lóðinni
- Félag tengt Íslenskum verðbréfum á í viðræðum við Norðurþing um að fá SR-lóðina á Raufarhöfn
Kristján Gíslason 65 ára
fyrrverandi framkvæmdastjóri
Aldrei hætta
að þora!
Það var hvatningin sem ég fékk frá frá föður
mínum áður en ég keyrði á mótorhjóli 48.000 km
í gegnum 35 lönd í fimm heimsálfum á rúmum
10 mánuðum. Ég kom heim breyttur maður.
Tilgangur Vöruhúss tækifæranna er að auðvelda fólki á þriðja æviskeiðinu að gera breytingar á lífi sínu
og láta óskir sínar rætast. Vöruhúsið er spennandi nýjung sem svarar kalli sífellt stækkandi hóps fólks sem
komið er yfir miðjan aldur og vill feta nýjar slóðir í lífinu á einn eða annan hátt.
Líttu inn á vöruhús tækifæranna.is
Það var viðburðaríkur dagur fyrir krakkana á leikskólanum
Múlaborg í gær. Ekki einasta fengu þau að klæðast grímubún-
ingum í tilefni öskudagsins heldur var þeim boðið til afmælis-
veislu. Í gær voru 70 ár liðin frá stofnfundi Styrktarfélags lam-
aðra og fatlaðra og af því tilefni var hátíðardagskrá í Æfinga-
miðstöðinni þar sem leikhópurinn Lotta og fleiri skemmtu.
Morgunblaðið/Kristinn Magnússon
Krakkarnir á Múlaborg fengu boð í afmælisveislu