Morgunblaðið - 03.03.2022, Blaðsíða 68

68 MENNING
MORGUNBLAÐIÐ FIMMTUDAGUR 3. MARS 2022
TJARNARBÍÓ|LAUGARDAG 5. MARS|12-16
Fulltrúar frá eftirtöldum fagháskólum verða til viðtals:
ARTS UNIVERSITY BOURNEMOUTH • EU BUSINESS SCHOOL - BARCELONA & MÜNCHEN
GLASGOW SCHOOL OF ARTS • ISTITUTO EUROPEO DI DESIGN • LIVERPOOL INSTITUTE
FOR PERFORMING ARTS • LEEDS ARTS UNIVERSITY • CAMBERWELL COLLEGE OF ARTS
CENTRAL SAINT MARTINS • CHELSEA COLLEGE OF ARTS • LONDON COLLEGE OF COMM-
UNICATIONS • LONDON COLLEGE OF FASHION • WIMBLEDON COLLEGE OF ARTS.
12:00-12:45 Örnámskeið “Portfolio Preparation”.
13:00-15:00 Reynslusögur; Fyrrverandi nemar segja frá.
13:00-16:00 „Maður á mann”. Viðtöl við fulltrúa skóla.
Aðgangur
ÓKEYPIS
Námskynning
Háskólanám erlendis
Tilnefningar til Íslensku myndlistar-
verðlaunanna 2022 liggja fyrir. Til-
nefnt er í tveimur flokkum; til verð-
launanna Myndlistarmaður ársins
eru tilnefnd Bryndís Snæbjörns-
dóttir og Mark Wilson, Carl Boutard,
Steingrímur Eyfjörð, og þær Anna
Hrund Másdóttir, Ragnheiður Kára-
dóttir og Steinunn Önnudóttir. Til
Hvatningarverðlauna ársins eru til-
nefnd hópurinn Lucky 3, Klâvs Liep-
ins og Renâte Feizaka, og Guðrún
Tara Sveinsdóttir.
Myndlistarráð stendur nú í fimmta
skipti að úthlutun verðlaunanna en
markmiðið er að heiðra íslenska
myndlistarmenn, eða myndlistar-
menn sem búsettir eru á Íslandi, og
vekja athygli á því sem vel er gert
jafnframt því að hvetja til nýrrar list-
sköpunar. Verðlaunin Myndlistar-
maður ársins eru veitt myndlistar-
manni sem þykir hafa skarað fram úr
með nýlegum verkum og sýningu á
Íslandi á síðastliðnu ári. Hvatningar-
verðlaun verða veitt starfandi mynd-
listarmanni sem nýlega hefur komið
fram á sjónarsviðið og vakið athygli
með verkum sínum. Almenningur,
myndlistarmenn og fræðimenn á
sviði myndlistar tilnefna til verð-
launanna. Við val á verðlaunahöfum
hefur dómnefnd í huga að verk
myndlistarmanna skari fram úr og
að viðkomandi séu fulltrúar þess sem
best er gert á sviði íslenskrar sam-
tímamyndlistar. Verðlaunin verða af-
hent 17. mars.
Eftirfarandi eru umsagnir dóm-
nefndar:
Bryndís og Mark
Bryndís Snæbjörnsdóttir og Mark
Wilson eru tilnefnd fyrir sýninguna
Vísitasíur í Listasafninu á Akureyri.
Sýningin var afrakstur margra ára
rannsóknarverkefnis, „Ísbirnir á
villigötum“, sem þau hafa unnið í
samvinnu við sérfræðinga á sviði
þjóðfræði, náttúru- og umhverfis-
fræði. Verkefnið snýst um að auka
þekkingu á tengslum dýra, manna og
umhverfis á tímum hamfarahlýn-
unar. Til þess er sjónum beint að
hvítabjörnum á Íslandi í fortíð og nú-
tíð. Verkin á sýningunni varpa ljósi á
spurningar um náttúruvernd, skoða
frásagnir af árekstrum fólks og
hvítabjarna í gegnum tíðina og hvað
það er sem gerist þegar þessi tvö
rándýr mætast.
Carl Boutard
Carl Boutard er tilnefndur fyrir
sýninguna Gróður jarðar í Ásmund-
arsafni. Náttúran og tengsl manns-
ins við hana er megininntak listar
hans. Á sýningunni flutti listamað-
urinn náttúruna inn í sýningarrýmið
með nýjum og nýlegum verkum í
samtali við valin verk Ásmundar
Sveinssonar. Sýningin veitti nærandi
upplifun þar sem saman fór áhuga-
verð nálgun á viðfangsefnið og
spennandi efnisnotkun. Listamað-
urinn svipti hulunni af raunverulegri
birtingu fyrirbæranna með ná-
kvæmri skoðun. Maður og náttúra,
skynjun, sköpunarferli, neyslumenn-
ing og endurvinnsla, tvinnast saman
og mynda fagurfræðilega heild í fal-
legri sýningu.
Steingrímur Eyfjörð
Steingrímur Eyfjörð er tilnefndur
fyrir sýningu sína Tegundagreining í
Listasafni Reykjanesbæjar. Sýn-
ingin var ein sú stærsta sem Lista-
safn Reykjanesbæjar hefur sett upp
og á hana voru valin saman fjöl-
breytt verk frá ferli Steingríms
ásamt nýjum verkum. Sýningunni
var ætlað að skýra kveikjuna að
myndsköpun hans. Fjölbreytileiki
verkanna vakti strax eftirtekt, texta-
verk og teikningar, tréskúlptúrar,
málað postulín, vídeóverk og inn-
setningar sem allt fléttaðist
áreynslulaust saman. En Stein-
grímur á að baki langan listferil og
hefur verið afar virkur í íslensku
myndlistarlífi allt frá áttunda áratug
síðustu aldar og margoft unnið til
verðlauna fyrir list sína.
Anna, Ragnheiður og Steinunn
Anna Hrund Másdóttir, Ragn-
heiður Káradóttir og Steinunn
Önnudóttir eru tilnefndar fyrir sam-
starfsverkefnið og sýninguna Feigð-
arós í Kling og Bang. Sýningin býður
áhorfandanum að stíga inn í til-
raunakennt landslag sem kallast á
við hugmyndir um náttúru og
mennska íhlutun. Verkið er mynd-
birting dystopískrar fantasíu sem
áhorfendum er boðið inn í en einnig
minnisvarði um þá leikgleði, sam-
veru og samræður sem áttu sér stað
á milli listakvennanna þriggja við
gerð sýningarinnar.
Hvatningarverðlaun
Eftirtalin eru tilnefnd til Hvatn-
ingarverðlaunanna að þessu sinni:
Lucky 3 er hópur sem saman-
stendur af þremur listamönnum sem
rekja uppruna sinn til Filippseyja;
þeim Dýrfinnu Benitu Basalan, Dar-
ren Mark og Melanie Ubaldo. Þegar
þau vinna saman nýta þau arfleifð
sína og þann stöðuga menningarlega
árekstur sem einkennir líf þeirra.
Klâvs Liepins og Renâte Feizaka
eru tilnefnd fyrir samvinnuverk sín.
Þau koma bæði frá Lettlandi og hafa
starfað saman gegnum árin og verið
virk í íslensku myndlistar- og menn-
ingarlífi. Í sameiginlegum verkum
sínum tekst þeim að koma til skila
skýrri sýn sem ræðst á skilningar-
vitin og skilur eftir sterk hughrif.
Guðrún Tara Sveinsdóttir er að
stíga sín fyrstu skref í sýningarhaldi
hérlendis en hefur þegar skapað sér
sérstöðu í list sinni. Hún vinnur með
gjörninga og skúlptúra sem gangast
við því að rannsaka pólitíska sam-
félagsmeðvitund og afstöðu ein-
staklingsins gagnvart hlutheiminum.
Dómnefnd verðlaunanna skipa
Aðalheiður Valgeirsdóttir, frá List-
fræðafélagi Íslands, Ásgeir Skúlason
fyrir hönd SÍM, Ágústa Kristófers-
dóttir er fulltrúi safnstjóra íslenskra
myndlistarsafna, Helgi Þorgils Frið-
jónsson er formaður dómnefndar og
frá myndlistarráði, og Páll Haukur
Björnsson er fulltrúi Listaháskóla
Íslands.
Tilnefnt til Myndlistarverðlauna
- Sjö myndlistarmenn tilnefndir fyrir fjórar sýningar - Sex tilnefnd til Hvatningarverðlauna
Ljósmynd/Daníel Starrason
Vísitasíur Bryndís Snæbjörnsdóttir og Mark Wilson eru tilnefnd fyrir sýn-
ingu í Listasafninu á Akureyri, afrakstur margra ára rannsóknarverkefnis.
Ljósmynd/Vigfús Birgisson
Gróður jarðar Carl Boutard er tilnefndur fyrir sýningu sína í Ásmundar-
safni. Náttúran og tengsl mannsins við hana er megininntak listar hans.
Ljósmynd/Vigfús Birgisson
Tegundagreining Steingrímur Eyfjörð er tilnefndur fyrir sýningu sína í
Listasafni Reykjanesbæjar, með nýjum verkum og frá ferli listamannsins.
Ljósmynd/Lilja Birgisdóttir
Feigðarós Anna Hrund Másdóttir, Ragnheiður Káradóttir og Steinunn
Önnudóttir eru tilnefndar fyrir samstarfsverkefni í Kling og Bang.
Mark Wilson og
Bryndís Snæbjörnsdóttir
Carl
Boutard
Steinunn Önnudóttir, Ragnheiður
Káradóttir og Anna Hrund Másdóttir
Steingrímur
Eyfjörð
Klâvs Liepins og
Renâte Feizaa
Lucky 7 – Dýrfinna B. Basalan,
Darren Mark og Melanie Ubaldo
Guðrún Tara
Sveinsdóttir