Morgunblaðið - 03.03.2022, Blaðsíða 18

18 FRÉTTIR
Innlent
MORGUNBLAÐIÐ FIMMTUDAGUR 3. MARS 2022
Sigurður Bogi Sævarsson
sbs@mbl.is
Mikilvægt er að sem fyrst verði haf-
ist handa um endurskoðun svæðis-
skipulags höfuðborgarsvæðisins
þannig að Hafnafjarðarbær geti haf-
ið undirbúning þess að brjóta fleiri
ný svæði undir byggingarlóðir.
Þetta segir Ágúst
Bjarni Garðars-
son, formaður
bæjarráðs Hafn-
arfjarðarbæjar
og alþingismað-
ur.
Mikið er byggt
í Hafnarfirði um
þessar mundir og
nú er meðal ann-
ars verið að
steypa upp fjöl-
býlishús í hinu nýja Hamrahverfi og
sérbýlishúsin rísa í Skarðshlíðinni.
Hamranesið er svæðið sem var und-
ir háspennulínunum sem liggja að
álverinu í Straumsvík, en sem kunn-
ugt er tafðist flutningur þeirra í
talsverðan tíma vegna kærumála í
skipulagi.
Hamranes í byggingu
og Ásland tilbúið
„Skipulagsmálin eru einn af þeim
málaflokkum sem við í Framsókn og
Sjálfstæðisflokki, sem stöndum að
núverandi meirihluta í bæjarstjórn,
settum á oddinn og tekist hefur
ákaflega vel til með á kjörtíma-
bilinu,“ segir Ágúst Bjarni. „Þegar
við hófum samstarfið fyrir tæpum
fjórum árum var mörkuð sú stefna
að skipuleggja ný og stór svæði und-
ir íbúðabyggðir, eins og mikil þörf
var á. Þar var Hamranesið efst á
blaði, en þar verða alls um 1.600
íbúðir. Samkvæmt þekktri þumal-
puttareglu í rekstri sveitarfélaga
um 2,5 íbúa í hverri íbúð þýðir slíkt
að íbúar í Hamranesi verða nærri
4.000 þegar hverfið er fullbyggt eftir
þannski 3-4 ár. Þá erum við nú tilbú-
in með deiliskipulag í fjórða hluta
Áslandsins, sem er fallegt land í
suðurhlíðum Ásfjalls. Þar verða um
550 íbúðir, sérbýli í bland við lítil
fjölbýli og fjöldi íbúa um 1.400.“
Hraun og Gjótur
Annað byggingarsvæði þar sem
stefnt er að uppbyggingu í náinni
framtíð er Hraun vestur; það er
reitur sem markast af Reykjavíkur-
vegi, Flatahrauni og Fjarðarhrauni.
Þar munu m.a. hús sem fyrir eru
víkja fyrir 2.700 íbúðum og íbúarnir
verða því vel á sjöunda þúsund, að
ætla verður. Þetta er fjögurra hekt-
ara svæði sem hýsir í dag marg-
víslega atvinnustarfsemi og þjón-
ustu. „Svæðið mætti hins vegar nýta
betur þó svo mikilvægt sé að halda í
sem mest af þeirri starfsemi sem
fyrir er,“ segir á vef Hafnarfjarðar-
bæjar um þennan stað sem er vel
miðsvæðis á höfuðborgarsvæðinu
sem eitt og sér felur í sér ýmis tæki-
færi. Gert er ráð fyrir að hverfið í
heild byggist í áföngum á um 15-20
árum, en deiliskipulag fyrir fyrsta
áfanga á Hraunum vestur. Svæðið
Gjótur er tilbúið og áætla lóðarhafar
að hefja framkvæmdir nú á vormán-
uðum. Þar verða 490 íbúðir auk
verslunar og þjónustu.
Nærri höfninni í Firðinum, við
Flensborgarhöfn og Óseyrarsvæði,
er svo unnið að deiliskipulagi hverfis
með um 900 íbúðir – að viðbættu því
að í bænum eru nokkrir þéttingar-
reitir þegar í framkvæmd; það er við
Hrauntungu, Hjallabraut, Stekkjar-
berg og á svonefndum Dvergsreit
undir Hamrinum.
Nægt land til uppbyggingar
„Hafnarfjarðarbær á nægt land
til uppbyggingar á næstu áratugum.
Hins vegar setur fyrrgreint svæðis-
skipulag höfuðborgarsvæðisins okk-
ur skorður og því er eins og fyrr
segir mjög brýnt að hefjast handa
við endurskoðun þess og breytingar
svo svara megi þeirri þörf sem nú
þegar er til staðar. Þétting byggðar
er nauðsynleg en hún verður að vera
samhliða því að sveitarfélög hafi
tækifæri til að brjóta ný lönd undir
byggingar, svo byggja megi þar
hratt og hagkvæmt. Við þurfum
húsnæði fyrir alla og þetta þarf að
gerast hratt,“ segir Ágúst.
Aftur fjölgun
Íbúar í Hafnarfirði eru í dag
29.971, skv. nýjustu tölum á vef
Hagstofu Íslands, en voru 29.687
skv. árstölum fyrir 2020. Þannig
fækkaði fólki í bænum lítið eitt á
tímabili, bæði af því ekki var nægt
framboð á lóðum, m.a. vegna línu-
mála og aukinheldur sem nokkur
hópur erlends fólks hélt aftur til
heimalanda sinna, þegar sló í bak-
seglin vegna kórónuveirufaraldurs-
ins. „Núna erum við vonandi komin
út úr veirutímanum og uppbygging
gengur vel um bæ allan. Framboð
lóða verður áfram gott hér í Hafn-
arfirði inn í nána framtíð, en við
þurfum einnig að hugsa lengra fram
í tímann. Tölurnar í Hafnarfirði
núna eru aftur orðnar grænar,“ seg-
ir Ágúst Bjarni. sbs@mbl.is
Brjóta ný svæði
undir byggingar
Skissa Á þessari snotru vatnslitamynd frá Hafnarfjarðarbæ sést hver gæti
orðið svipur byggðar í Áslandi 4, þar sem er gert ráð fyrir um 550 ibúðum.
- Nægt framboð lóða - Endurskoðun
svæðisskipulags mikilvæg, segir for-
maður bæjarráðs - Byggt og þétt
Ágúst Bjarni
Garðarsson
Morgunblaðið/Sigurður Bogi
Hamranes Landnám er hafið og
verið er að steypa upp hús.
Íslenskum
áskrifendum
Disney+ fjölg-
aði úr 24% í
43% á milli ár-
anna 2021 og
2022. Flestir Ís-
lendingar eru
áskrifendur að
Netflix (77,8%),
þar á eftir
Sjónvarpi Sím-
ans Premium (43,2%), og þar á
eftir Disney+ (43,1%). Kemur
þetta fram í könnun Maskínu
sem gerð var dagana 14.-19. jan-
úar 2022 og voru svarendur 952
talsins.
Fólk búsett í Reykjavík er lík-
legast til þess að vera áskrif-
endur að Netflix (81,4%), næstlí-
kegast að Disney+ (47,3%) en
27,9% eru áskrifendur að Stöð 2
og 31,9% áskrifendur að Sjón-
varpi Símans Premium.
78% Íslendinga með
áskrift að Netflix
Netflix Vinsælasta
sjónvarpsveitan.
DAGMÁL
Andrés Magnússon
Stefán E. Stefánsson
Garðabær er í þeirri öfundsverðu
stöðu að byggingarland er talsvert
til framtíðar og líkur á að fjölgað
geti úr 18 í 25 þúsund íbúa á kom-
andi árum. Í þeirri uppbyggingu er
mikilvægt að læra af reynslunni við
uppbyggingu Urriðaholts. Um þetta
eru bæjarfulltrúarnir Áslaug Hulda
Jónsdóttir, Sigríður Hulda Jóns-
dóttir og Almar Guðmundsson sam-
mála.
Þau bjóða sig öll fram í oddvita-
sætið í bænum en prófkjör fer fram
hjá Sjálfstæðisflokknum um kom-
andi helgi. Áslaug Hulda hefur
vermt oddvitasætið, en Gunnar Ein-
arsson, sem verið hefur óskoraður
leiðtogi sjálfstæðismanna í bænum,
en hann vermdi áttunda sæti
flokksins í síðustu sveitarstjórnar-
kosningum, býður sig ekki fram. Þá
hlaut flokkurinn einmitt átta sæti í
bæjarstjórn af ellefu.
Grípa til aðgerða til umbóta
Nýverið var greint frá því á síð-
um Morgunblaðsins að 240 börn
væru á leikskólaaldri í Urriðaholti,
nýjasta hverfi Garðabæjar, en að-
eins 120 leikskólapláss. Talsverð
gremja ríkir í hverfinu vegna þessa
ástands. Allt stefnir hins vegar í
það samkvæmt áætlunum bæjarins
að börnin verði orðin 480 árið 2024.
Til þess að mæta þessu ástandi hef-
ur verið ákveðið að koma upp leik-
skólarými úr færanlegum einingum
og þá miða áætlanir bæjarins einnig
að því að nýr leikskóli verði þá ris-
inn en til stendur að bjóða upp-
byggingu hans út á næstunni.
Er samhljómur í viðbrögðum leið-
togaefnanna við gagnrýni á stöðuna
sem upp er komin og vilja þau full-
vissa bæjarbúa um að verið sé að
hraða framkvæmdum eins og mögu-
legt er til þess að greiða úr stöð-
unni.
Bendir Almar m.a. á að það sé
hægt vegna styrkrar fjárhagsstöðu
bæjarins. Væri hún með öðru móti,
líkt og mörg bæjarfélög standa
frammi fyrir, væri mun erfiðara að
greiða úr vandanum.
Öll fagna þau opnun nýs og
glæsilegs fjölnota íþróttahúss í
Vetrarmýri sem hlotið hefur heitið
Miðgarður. Undirstrika þau að með
aðstöðunni stóreflist æfingaaðstaða
fyrir ungt fólk í Garðabæ en að í
byggingunni sé einnig aðstaða fyrir
eldri borgara. Þar liggi auk þess
tækifæri í rými, sem enn hefur ekki
verið úthlutað til þess að efla enn
frekar aðstöðu til íþróttaiðkunar og
heilsueflingar.
Heilsugæslan of lítil
Í áherslum frambjóðendanna má
sjá að valfrelsi bæjarbúa er ofarlega
á blaði. Þannig hafa þau nefnt mik-
ilvægi þess að skoða möguleika
einkaframtaks þegar kemur að ým-
iss konar þjónustu. Í orðum þeirra
má finna gagnrýni á heilsugæsluna í
bænum sem þau ítreka að sé of lítil
og anni ekki almennilega þörfum
stækkandi bæjarfélags. Hafa
bæjaryfirvöld átt í viðræðum við
heilbrigðisyfirvöld um hvað gera
megi til þess að bæta úr stöðunni en
þá upplýsa þau einnig að viðræður
hafi átt sér stað við einkaaðila um
mögulega uppbyggingu einkarek-
innar þjónustu af þessu tagi í bæj-
arfélaginu.
Í því sambandi er hugsanlega
verið að líta til húsnæðis sem nú er
til reiðu í fyrrnefndri Vetrarmýri.
Þegar þáttastjórnendur gengu á
frambjóðendurna þrjá um hvort
bærinn væri til í að leggja fjármuni
eða húsnæði til ef einkaaðilar tækju
að sér að byggja upp heilsugæslu í
samkeppni við þá sem fyrir er, urðu
svörin nokkuð loðin en ljóst er að
vilji er til þess að greiða fyrir nýj-
um valkosti.
Læra þurfi af reynsl-
unni í Urriðaholti
- Sterkur fjárhagur Garðabæjar skapar mörg sóknarfæri
Barátta Sigríður Hulda Jónsdóttir, Áslaug Hulda Jónsdóttir og Almar Guðmundsson sækjast öll eftir fyrsta sætinu
hjá Sjálfstæðisflokknum í Garðabæ en prófkjör fer fram hjá flokknum um helgina. Þau eiga öll sæti í bæjarstjórn.