Morgunblaðið - 03.03.2022, Blaðsíða 16

16 FRÉTTIR
Innlent
MORGUNBLAÐIÐ FIMMTUDAGUR 3. MARS 2022
AÐALFUNDUR
BRIMSHF.
24. mars 2022
Aðalfundur Brims hf. verður haldinn fimmtudaginn 24. mars 2022
með rafrænum hætti auk þess sem hluthöfum gefst kostur á að
mæta til fundarins en fundurinn fer fram í matsal félagsins
að Norðurgarði 1, 101 Reykjavík klukkan 17:00.
Fundurinn fer fram á íslensku.
Dagskrá
1. Venjuleg aðalfundarstörf skv. gr. 4.11 í samþykktum félagsins.
2. Tillaga um heimild stjórnar til kaupa á eigin hlutum samkvæmt 55. gr.
hlutafélagalaga.
3. Önnur mál.
Atkvæðagreiðsla á fundinummun alfarið fara fram
með rafrænum hætti í gegnum Lumi AGM
Hver hluthafi á rétt á að fá ákveðin mál tekin til
meðferðar á hluthafafundi ef hann gerir um það
skriflega eða rafræna kröfu til félagsstjórnar á
netfangið adalfundur@brim.is með það löngum
fyrirvara að unnt sé að taka málið á dagskrá
fundarins, 10 dögum fyrir fundinn. Þannig skulu
óskir hluthafa liggja fyrir eigi síðar en kl. 17:00
mánudaginn 14. mars 2022.
Hluthöfum er bent á að skv. 63. gr. hlutafélaga-
laga skal tilkynna skriflega, minnst fimm dögum
fyrir hluthafafund, um framboð til stjórnar.
Framboðum skal skila á skrifstofu félagsins,
Norðurgarði 1 eða á netfangið adalfundur@
brim.is. Tilkynnt verður um framkomin framboð
tveimur dögum fyrir aðalfundinn.
Boðið verður upp á fullgilda rafræna þátttöku
á fundinum í gegnum Lumi AGM án þess að
hluthafar séu viðstaddir á fundarstað skv.
ákvæðum í gr. 4.4 í samþykktum félagsins. Hægt
verður að fylgjast með fundinum í gegnum
vefstreymi auk þess sem hluthafar geta kosið
rafrænt og borið upp skriflegar spurningar í
gegnum Lumi snjallforritið eða á vefsíðu Lumi.
Rafræn þátttaka jafngildir mætingu á fundinn
og veitir rétt til þátttöku í honum að öðru leyti.
Atkvæðagreiðsla á fundinum mun alfarið fara
fram í gegnum Lumi AGM. Allir hluthafar, hvort
sem þeir mæta til fundarins í Norðurgarði eða
taka þátt með rafrænum hætti, eru hvattir
til að hlaða niður smáforriti Lumi AGM í eigin
snjalltæki, en jafnframt geta þeir greitt atkvæði
í gegnum vefslóð Lumi AGM.
Aðilar sem eru eignaskráðir hluthafar í hlutaskrá
skv. hluthafakerfi félagsins þegar aðalfundur fer
fram geta beitt réttindum sínum á aðalfundi.
Hluthafar geta látið umboðsmann sækja fundinn
fyrir sína hönd. Umboðsmaður skal leggja fram
skriflegt og dagsett umboð, en form að umboði
er aðgengilegt á vefsíðu félagsins. Tekið skal fram
að umboð getur aldrei gilt lengur en í eitt ár frá
dagsetningu þess.
Hluthafar eða umboðsmenn hluthafa sem
hafa hug á því að sækja fundinn, hvort sem er
rafrænt eða á staðnum, eru beðnir um að skrá
sig tímanlega á vefsíðunni www.lumiconnect.
com/meeting/brim eigi síðar en kl. 17.00 þann 23.
mars, eða degi fyrir fundardag.Með innskráningu
þarf að fylgja mynd af skilríkjum og umboð, ef við
á.
Hluthöfum stendur jafnframt til boða að kjósa
um dagskrármál með skriflegum hætti eða veita
umboð. Á vefsíðu félagsins má finna viðeigandi
eyðublöð.
Á hluthafafundum fylgir eitt atkvæði hverri einni
krónu í hlutafé. Eigin bréf félagsins njóta ekki
atkvæðisréttar.
Heildarhlutafé félagsins nemur kr. 1.955.979.606
og fylgir eitt atkvæði hverjum hlut. Eigin bréf
félagsins eru nú kr. 34.920.417 og virkt hlutafé
félagins því 1.921.059.189.
Dagskrá og öll skjöl sem lögð verða fyrir
aðalfundinn, þ.m.t. ársreikningur félagsins
og tillögur eru hluthöfum tiltæk á íslensku,
á heimasíðu félagsins og á skrifstofu þess á
venjulegum skrifstofutíma. Endanleg dagskrá og
tillögur verða birtar viku fyrir fundinn.
Allar nánari upplýsingar um aðalfundinn má
finna á vefsíðu félagsins https://www.brim.is/is/
fjarfestar/adalfundur
Reykjavík 2. mars 2022
Stjórn Brims hf.
Ragnheiður Birgisdóttir
ragnheidurb@mbl.is
Hópur listamanna hefur skipulagt
listaverkauppboð til stuðnings Úkra-
ínu og verður það haldið á sunnudag-
inn, frá 15 til 21:30, í Gallery Port.
Ágóði af sölunni mun renna óskertur
til Rauða krossins og úkraínska fjöl-
miðilsins The Kyiv Independent.
Listamennirnir Alexander Zak-
lynsky og Julia Mai Linnéa Maria
höfðu samband við Árna Má Erlings-
son, sem rekur Gallery Port ásamt
Skarphéðni Bergþórusyni, og spurðu
hvort þau gætu haldið uppboð þar.
„Við vorum meira en til í það. Einn af
bestu vinum Portsins er einmitt Ósk-
ar Hallgrímsson sem er búinn að
vera mikið í sambandi við fjölmiðla,“
segir Árni. Myndlistarmaðurinn Ósk-
ar er búsettur í Kænugarði og hefur
sagt frá ástandinu þar undanfarna
daga.
„Maður getur einhvern veginn
ekkert gert þannig að þegar þessi
hugmynd kom upp þá var það meira
en sjálfsagt. Það er svo ótrúlega lítið
hægt að gera verandi á þessari eyju
með allt sem við þurfum. Það kemur
aldrei neitt svona alvarlegt upp hjá
okkur. Það er kannski aðalástæðan
fyrir því að við Skarphéðinn vorum
meira en til í þetta,“ segir Árni.
„Við erum strax farin að fá skila-
boð frá hinum og þessum listamönn-
um sem vilja gefa verkin sín.“
Meðal þeirra listamanna sem hafa
staðfest þátttöku sína eru auk skipu-
leggjendanna Alexanders og Júlíu,
og eigenda Ports, Árna og Skarphéð-
ins: Styrmir Örn Guðmundsson, Auð-
ur Lóa Guðnadóttir, Hildur Ása Hen-
rýsdóttir, Lóa Hjálmtýsdóttir,
Alexander Zaklynsky, Áslaug Íris,
Story, Aðalheiður Þórhallsdóttir, Há-
kon Pálsson, Eva Schram og Comfor-
table Universe.
„Við verðum örugglega að taka við
verkum fram á lokadag og mér sýnist
á öllu að vegna ásóknar listamanna
verði fleiri viðburðir en þessi eini á
sunnudaginn. Við byrjum á honum og
sjáum hvað gerist.“
Taka saman
höndum og
styðja Úkraínu
- Listaverkauppboð í Gallery Port
- Hópur listamanna gefur verk sín
Vísun Verk Þorvaldar Jónssonar vísar til verks Maríu Primachenko.
Guðmundur Magnússon
gudmundur@mbl.is
Börnum flóttafólks og hælisleitenda í leik- og
grunnskólum hér á landi hefur fjölgað mjög á
undanförnum árum. Þjónustusamningur sem
stærstu sveitarfélög landsins gerðu við ríkið í
febrúar í fyrra um samræmda móttöku flótta-
fólks rennur út í apríl og vilja forystumenn
sveitarfélaganna að hann verði endurnýjaður
með talsverðum breytingum og auknu fjár-
magni. Fram kemur í gögnum sem lögð voru
fyrir stjórnarfund Sambands íslenskra sveitar-
félaga í lok síðustu viku að margt hafi farið úr-
skeiðis við framkvæmd samningsins. Hafi fjár-
mögnun þjónustu gagnvart börnum verið
ófullnægjandi bæði hvað varðar stuðning innan
skóla og barnavernd.
Börnum með stöðu flóttafólks 17 ára og
yngri í Reykjavík hefur fjölgað úr 82 árið 2019 í
276 í fyrra. Einnig hefur orðið veruleg fjölgun í
þessum aldurshópi í Hafnarfirði, Reykja-
nesbæ, Árborg og á Akureyri. Nú eru í leik- og
grunnskólum þessara sveitarfélaga 130 börn
með flóttabakgrunn, þ.e. þau koma annaðhvort
úr röðum hælisleitenda eða svonefnd kvóta-
flóttafólks. Fyrirsjáanlegt er að fjölgun barna
og ungmenna mun halda áfram og með vænt-
anlegum flóttafjölskyldum frá Úkraínu verður
fjölgunin enn meiri en gert var ráð fyrir.
Fram kemur í bréfi sem fulltrúar sveitarfé-
laganna rituðu stjórn sambandsins að rann-
sóknir og fengin reynsla sýni að flest börn með
flóttabakgrunn séu með brotna skólagöngu og
glími við ýmsa erfiðleika sem tengjast aðstæð-
um sem þau koma úr. Taka verði tillit til til-
finningalegra, félagslegra og námslegra þátta
við aðlögun, inngildingu og skipulag náms og
annars stuðnings til lengri tíma. M.a. sé þörf á
sálfræðiþjónustu vegna áfallastreituröskunar.
Sveitarfélögin vilja að í nýjum samningi
verði gert ráð fyrir sérstökum greiðslum vegna
skólaþjónustu, frístunda og félags- og tóm-
stundaþátttöku barna með flóttabakgrunn svo
að kleift sé að stuðla að farsælli aðlögun þeirra
að íslensku menntakerfi og samfélagi.
Núverandi samningur um samræmda mót-
töku flóttafólks frá 2021 hefur verið skilgreind-
ur sem reynsluverkefni. Sveitarfélögunum
sem hann gerðu stóð til boða að vera áfram að-
ilar að samningi við ríkið um kvótaflótta-
mannamóttöku og fá greiðslur, m.a. til skóla-
göngu barna, með þeim hætti. En þá fengju
þau ekki greiðslur með flóttafólki sem kemur á
eigin vegum (hælisleitendur). Fram kemur í
gögnunum sem kynnt voru á stjórnarfundinum
að í viðræðunum við ríkið í fyrra hafi verið
reynt að fá viðurkenningu á því að í reynslu-
verkefninu yrði tekið tillit til svonefndra
„þungra tilvika“ í þjónustu skóla, barnavernd-
ar og fötlunardeilda. Sú viðleitni hafi ekki borið
árangur en ákveðið hafi verið að fá yfirsýn yfir
þessi tilvik með sérstöku verkbókhaldskerfi á
samningstímanum. Að mati flestra sveitarfé-
laganna hefur það kerfi hins vegar reynst óað-
gengilegt.
Loks kemur fram í gögnunum að hlutverk
Fjölmenningarseturs hvað varðar pörun ein-
staklinga og sveitarfélaga hafi ekki gengið eft-
ir. Tryggja þurfi stjórnsýsluheimildir seturs-
ins með breytingum á lögum um málefni
innflytjenda.
Vilja semja á ný um flóttabörn
- Mikil fjölgun barna með flóttabakgrunn í leik- og grunnskólum stórra sveitarfélaga - Eru nú 130
Morgunblaðið/Árni Sæberg
Börn Íslenskir krakkar að leik. Flóttabörnum
sem koma að utan fjölgar ört hérlendis.