Morgunblaðið - 03.03.2022, Side 8

8 FRÉTTIR
Innlent
MORGUNBLAÐIÐ FIMMTUDAGUR 3. MARS 2022
Hraunið í Geldingadölum er ekki
kólnað en Björn Leví Gunn-
arsson pírati er búinn að bera upp
fyrirspurn við innviðaráðherra um
hvernig „undirbún-
ingi og fram-
kvæmdum við nýjan
flugvöll“ í Hvassa-
hrauni miði, og vísar
þar til samkomulags
ríkis og Reykjavík-
urborgar. Einhverjir
hafa sjálfsagt haldið
að eldgosið og jarð-
hræringarnar í ná-
grenni Hvassa-
hrauns hefðu fært
málið af dagskrá, en
Björn Leví er ekki
þeirrar skoðunar
enda telur hann að
það þoli enga bið að
koma flugvellinum
úr Vatnsmýrinni og Landspítalanum
í leiðinni frá Hringbraut.
- - -
Innviðaráðherra svaraði Bergþóri
Ólasyni skýrt þegar hann spurði
ráðherra í þessum umræðum út í
skilyrði í Vatnsmýrinni og vísaði þar
til rannsóknar Hollensku geimferða-
stofnunarinnar um skert hæfi vall-
arins vegna byggðar á Valssvæðinu
og mikinn varúðartón sem sleginn
væri vegna fyrirhugaðrar byggðar í
Skerjafirðinum.
- - -
Innviðaráðherra sagði alveg skýrt
að í samkomulagi ríkis og
Reykjavíkur skyldi Reykjavík við-
halda sama rekstraröryggi og nú
væri á flugvellinum. „Ef Skerja-
fjarðarhugmyndirnar raska því, þá
þurfa þær einfaldlega að raskast,
bíða,“ sagði innviðaráðherra.
- - -
Samkvæmt þessu er augljóst að
ekki getur orðið af fyrirhugaðri
byggð í Skerjafirði, enda er vægast
sagt erfitt að sjá að hún geti orðið án
þess að skaða flugvöllinn, fyrir utan
allan annan vanda sem henni mundi
fylgja.
Björn Leví
Gunnarsson
Skerjafjarðarhug-
myndir komnar á ís
STAKSTEINAR
Sigurður Ingi
Jóhannsson
Alþjóðlegi skákmeistarinn Vignir
Vatnar Stefánsson náði í sinn annan
áfanga að stórmeistaratitli á alþjóð-
legu skákmóti sem fór nýlega fram í
Serbíu. Vigni vantar einn áfanga til
að verða útnefndur stórmeistari.
Vignir er kominn með 2492 „lif-
andi“ skákstig svo hann þarf að
krækja sér í átta skákstig til viðbótar,
að því er fram kemur á skak.is. Ná
þarf 2.500 skákstigum til að fá nafn-
bótina. Vignir gerði örstutt jafntefli í
lokaumferðinni í Serbíu og hlaut sjö
vinninga í umferðunum níu.
Frammistaða hans samsvaraði
2617 skákstigum og hækkar hann um
15 stig fyrir hana. Mótið kemur hins
vegar ekki til útreiknings fyrr en 1.
apríl nk. Vignir er nú skráður með
2.484 skákstig.
Verkefnin hjá Vigni á næstunni eru
fyrst og fremst innanlands. Íslands-
mót skákfélaga fer fram 3.-6. mars,
Kviku Reykjavíkurskákmótið 6.-12.
apríl og landsliðsflokkur Skákþings
Íslands á Selfossi 21. apríl til 1. maí.
Væntanlega mun hann tefla á mótum
erlendis síðar á árinu.
Vignir Vatnar, sem er nýorðinn 19
ára, náði 1. áfanganum að stórmeist-
aratitli um síðustu áramót, þegar
hann vann glæsilegan sigur á skák-
móti á Írlandi. Hann varð alþjóðlegur
meistari í fyrrasumar. sisi@mbl.is
Náði öðrum stórmeistaraáfanga
- Vignir Vatnar nálgast óðfluga 2.500
skákstiga takmarkið - Átta stig vantar
Morgunblaðið/Kjartan Briem
Skákmeistari Vignir Vatnar hefur
verið sigursæll að undanförnu.
Umferðin á hringveginum dróst sam-
an um 16,4% í febrúar miðað við sama
mánuð í fyrra og hefur aldrei á þess-
um árstíma dregist jafn mikið saman.
Þetta kemur fram í tilkynningu á
heimasíðu Vegagerðarinnar.
„Hér munar mest um samdrátt í
umferð um Hellisheiði sem kemur
ekki á óvart miðað við veðurfar og
þar af leiðandi óvenjutíðar lokanir
það sem af er ári,“ segir þar.
Umferð dróst saman í öllum lands-
hlutum og mest yfir teljarasnið á Suð-
urlandi (20%) en minnst um Austur-
land (4%). Um mælisnið á Hellisheiði
mældist 35% samdráttur og hafa
aldrei fyrr sést aðrar eins samdrátt-
artölur þar.
Umferð á hringvegi hefur dregist
saman um rúm 11% frá áramótum,
miðað við sama tímabil á síðasta ári.
„Aldrei áður hefur umferð dregist
jafn mikið saman og í tveimur fyrstu
mánuðum ársins þótt covid og banka-
hrunið sé tekið með. Þetta er lang-
mesti samdráttur sem mælst hefur
miðað við árstíma, en hann er tæp-
lega tvisvar sinnum meiri en eldra
samdráttarmet,“ segir Vegagerðin.
sisi@mbl.is
Ótíðin hefur mikil
áhrif á bílaumferð
- Á Hellisheiði var 35% samdráttur
Ljósmynd/Magnús Ásmundsson
Hellisheiðin Algeng sjón í febrúarmánuði. Tugir bíla sátu fastir í sköflum.
Viltu láta sumarhúsið
vinna fyrir þig?
Við höfum yfir 20 ára reynslu í
útleigu sumarhúsa á Íslandi til
traustra erlendra ferðamanna.
Við gerum það eins einfalt og
áreynslulaust og mögulegt
er fyrir eigendur að leigja út
sumarhúsið sitt.
Við bjóðum persónulega ráðgjöf, frábært
samstarf og hnökralausa útleigu á húsinu þínu.
Kynntu þér málið nánar á viator.is/eigendur
Við sjáum um öll samskipti við gesti
Öflug markaðssetning á erlendum mörkuðum
Það kostar ekkert að vera á skrá
Grensásvegur 5, 108 Reykjavík info@viator.isViator 544 8990
Hægt er að lýsa skoðun á ritstjórnar-
greinum Morgunblaðsins á slóðinni
http://mbl.is/mogginn/leidarar/