Morgunblaðið - 03.03.2022, Page 20

Innlent
MORGUNBLAÐIÐ FIMMTUDAGUR 3. MARS 2022
Gunnlaugur Snær Ólafsson
gso@mbl.is
HPP Solutions, dótturfélag Héðins,
og finnska fyrirtækið Meitmel gengu
á mánudag frá samningi um sölu og
uppsetningu á próteinverksmiðju í
bænum Kaskinen í Finnlandi. Verð-
mæti samningsins er 700 milljónir
króna, að því er fram kemur í frétta-
tilkynningu.
Fram kemur í tilkynningunni að
próteinverksmiðjan sé „byggð á ís-
lensku verk- og hugviti og var í þró-
un hjá Héðni í um tíu ár en fyrsta
gerð hennar var gangsett árið 2017
um borð í Sólbergi ÓF-1 frá Ramma
hf“. Þá var hefur einnig verið sett
upp verksmiðja frá HPP í húsakynn-
um Síldarvinnslunnar í Neskaup-
stað.
HPP, sem varð um áramótin sjálf-
stætt félag, hefur selt próteinverk-
smiðjuna í ýmsum útfærslum til
skipaútgerða og fyrirtækja í land-
vinnslu víða utan landsteinanna. Þá
segir að útflutningsverðmætin sem
um ræðir, að samningnum við
Finnana meðtöldum, nemi samtals
um sjö milljörðum króna.
Í tilkynningunni er sagt frá því að
Kaskinen sé vestast í Finnlandi og
að bærinn hafi áður verið ein helsta
fiskihöfn Finnlands en nú sé bæjar-
félagið það minnsta. Það hafði því
mikil áhrif þegar stórri pappírsverk-
smiðju var lokað kjölfar fjármála-
hrunsins en nú sé von um að nýr kafli
hefjist. Nýja verksmiðjan mun vera í
húsnæði sem hefur staðið tómt und-
anfarin ár en verkefnið er að hluta
fjármagnað með styrk frá finnska
sjávarútvegsráðuneytinu og Evr-
ópusambandinu.
Gerðu 700 milljóna króna
samning í Finnlandi
- Fleiri milljarðar í útflutningsverðmæti úr verk- og hugviti
Ljósmynd/HPP Solutions
Kaskinen Forsvarsmenn Meitmel og HPP Solutions skoða hafnarsvæðið.
Guðni Einarsson
gudni@mbl.is
„Framtíðin í veiðarfæratækni er
björt og engin ástæða til að örvænta.
Við erum með 18 nemendur skráða
og það er mikið spurt um þetta nám.
Þegar við tókum við þessari kennslu
árið 2018, af Fjölbrautaskóla Suður-
nesja, voru nemendur tveir. Við höf-
um nú þegar útskrifað fimm veiðar-
færatækna,“ sagði Ólafur Jón
Arnbjörnsson, skólameistari Fisk-
tækniskóla Íslands í Grindavík.
Veiðarfæratækni er löggilt iðngrein
sem áður hét netagerð. Flestir nem-
endurnir eru sjómenn eða starfa á
netagerðarverkstæðum og taka
námið misjafnlega hratt meðfram
vinnu. Ólafur sagði að vaxandi fisk-
eldi í sjó hafi aukið þörfina fyrir veið-
arfæratækna því þjónusta þarf
sjókvíarnar.
„Við vinnum mjög náið með fag-
nefnd netagerðar að uppbyggingu
námsins. Í henni sitja Hörður Jóns-
son frá Veiðarfæraþjónustunni, Rut
Jónsdóttir og Hermann Her-
mannsson, bæði frá Hampiðjunni.
Þau eru netagerðarmeistarar og eru
aðal-faggreinakennarar okkar,“
sagði Ólafur. „Við í Fisktækniskól-
anum erum með fagbóklega áfanga,
eins og iðnteikningar, hönnun veið-
arfæra og efnisfræði og verklega
áfanga sem taka eina önn. Hægt er
að taka stóran hluta námsins í fjar-
námi en veiðarfæralíkönin, hönnun
veiðarfæra og handverkið vinna
nemendur hjá okkur hér í Grindavík.
Við erum með gegnumflæðistank og
þar eru veiðarfæralíkönin sem nem-
endur gera prófuð. Áfanga í almenn-
um greinum geta nemendur tekið í
hvaða framhaldsskóla sem er. Svo
taka þeir vinnustaðahlutann á sínum
vinnustað. Náminu lýkur með
sveinsprófi.“
Margir að komast á aldur
Guðni Hjörleifsson, netagerðar-
meistari (veiðarfæratæknir) í Vest-
mannaeyjum, skrifaði nýlega grein
sem birtist á netmiðlum um framtíð
netagerðar sem nú fellur undir
veiðarfæratækni. Hann fór á dögun-
um austur í Neskaupstað ásamt
þremur skipverjum af Vestmannaey
VE 54 til að vinna í loðnunót. Þegar
hann leit yfir mannskapinn sem vann
verkið sýndist honum töluvert marg-
ir vera komnir á aldur. Guðni lýsti
áhyggjum af því hvert stefndi í fag-
inu og taldi of litla endurnýjun hafa
verið í greininni.
„Eftir því sem ég kemst næst þá
eru 11 netagerðarmenn starfandi í
Vestmannaeyjum í dag. Yngsti er 51
árs, næstyngsti er 52 ára en restin er
komin yfir 60. Því miður held ég að
þetta sé langt frá því að vera eins-
dæmi hér í Eyjum,“ skrifar Guðni.
Hann telur kominn tíma til að út-
gerðir og atvinnurekendur grípi til
markvissra aðgerða til að auka nýlið-
un í stéttinni. Það þurfi að gerast
fljótlega til að þekking sem þegar er
til glatist ekki.
Það er bjart framund-
an í veiðarfæratækni
- 18 nemendur skráðir - Fiskeldi kallar á netagerðarmenn
Morgunblaðið/Eggert
Veiðarfæratækni Fagið hét áður netagerð. Lítil endurnýjun var í stéttinni en nemendum í faginu hefur nú fjölgað.