Morgunblaðið - 03.03.2022, Page 24

24 FRÉTTIR
Innlent
MORGUNBLAÐIÐ FIMMTUDAGUR 3. MARS 2022
Hátíðarhöld í tilefni öskudags hafa verið óhefðbundin síðustu
tvö ár vegna samkomutakmarkana en í gær var víðast hvar
haldið upp á daginn með hefðbundnum hætti. Sú gamla hefð
að sauma öskupoka til að hengja á fólk er raunar á undan-
haldi en þess í stað klæða börn sig í skrautlega búninga og
ganga á milli verslana og stofnana og syngja og fá eitthvað
gott í munninn að launum.
Öskudagur, miðvikudagurinn í 7. viku fyrir páska, markar
upphaf svonefndar lönguföstu sem er hinn kirkjulegi tími iðr-
unar. Fram kemur á vísindavef Háskóla Íslands, að dagurinn
hafi lengi verið mikilvægur í katólska kirkjuárinu og nafn
hans sé dregið af því að þá er sums staðar ösku dreift yfir höf-
uð kirkjugesta til að minna á forgengileikann.
Morgunblaðið/Hafþór Hreiðarsson
Mæra Á Húsavík var kennsla til hádegis og fóru nemendur þá saman í hópum til að syngja og þiggja mæru (sælgæti) fyrir.
Morgunblaðið/Margrét Þóra Þórsdóttir
Sungið Ungar stúlkur á Akureyri syngja.
Morgunblaðið/Margrét Þóra Þórsdóttir
Skrautlegar Margir skrautlegir búningar sáust í versl-
unarmiðstöðinni Glerártorgi á Akureyri í tilefni öskudagsins.
Morgunblaðið/Kristinn Magnússon
Veitingar Í Kringlunni í Reykjavík var tekið vel á móti krökkunum í gær.
Furðuverur á ferðinni
í tilefni öskudagsins