Morgunblaðið - 03.03.2022, Síða 39

39
MORGUNBLAÐIÐ FIMMTUDAGUR 3. MARS 2022
Það er ekki spurning að
sveitarfélagið okkar, Garða-
bær, á að vera í fararbroddi
hvað varðar búsetuskilyrði,
lífsgæði og líðan eldri íbúa.
Það er því eitt af markmiðum
mínum með framboði í 1. sæti í
prófkjöri Sjálfstæðisflokksins
að fá tækifæri til að vinna
markvisst að öruggri og vand-
aðri þjónustu fyrir þann fjöl-
breytta hóp bæjarbúa sem
kominn er á efri ár.
Tilgangur og þakklæti
Við eldumst öll og hljótum því að vilja að
sveitarfélagið okkar sé spennandi bú-
setukostur fyrir þá sem lokið hafa störfum.
Eldra fólkið sem hefur lagt sitt af mörkum
og verðskuldar þakklæti, virðingu, aðbúnað
og þjónustu við hæfi. Rannsóknir sýna líka
að það er mikilvægt á öllum æviskeiðum að
hafa tilgang í lífinu, félagsskap og tækifæri
til heilsueflingar.
Eldri borgarar er hugtak sem þyrfti að
endurskilgreina enda er nú víða talað um
þriðja æviskeiðið, þegar fólk færir sig yfir á
eftirlaun og fjórða æviskeiðið sem nær yfir
þá sem elstir eru. Það er spennandi verk-
efni að bæta þjónustu sveitarfélagsins við
fólk á báðum þessum æviskeiðum í sam-
vinnu við þá sem í hlut eiga. Ég hlakka til
þess verkefnis fái ég tækifæri til að sinna
því. Í mínum huga er samtal við fólkið sem í
hlut á grundvöllur góðra verka og mun ég
því leggja áherslu á þétt tengsl og virkt
samráð í þessu sambandi sem öðrum.
Verum öll með
Aðskilnaður kynslóða og jafnvel rof á
milli þeirra er einkenni margra vestrænna
samfélaga en þar sem hamingja mælist
mest er samkennd kynslóða til staðar og
allir hjálpast að. Það er spennandi að leita
leiða til að auka þátttöku eldra fólks í sam-
félaginu enda sannarlega einstaklingar sem
hafa mikið fram að færa. Við getum aukið
tengslin milli allra kynslóða í Garðabæ til
dæmis í gegnum tómstundir og skólastarf
og stuðlað þannig að aukinni velsæld og
hamingju í samfélaginu.
Aldraðir eru breiður hópur fólks með
ólíkar þarfir, bæði einstaklingar með fulla
færni og aðrir sem þurfa aðstoð, mismikla
vegna sjúkdóma eða fötlunar.
Markmiðið er að allir sem það
kjósa geti búið sem lengst
heima, verið sjálfstæðir í lífi og
starfi með þá aðstoð sem þeir
þurfa, hvort sem búið er í eigin
húsnæði eða í einhvers konar
þjónustuúrræði. Með mannvirð-
ingu og mannréttindi að leið-
arljósi er mikilvægt að mæta
fólki þar sem það er statt
hverju sinni á lífsleiðinni og að
allir finni að þeir skipta máli.
Einmanaleiki er heilsufarsvá
sem bregðast þarf við. Ég vil
leiða Garðabæ í forystu sveitar-
félaga þar sem unnið er að því bæta lífs-
gæði og beita forvörnum gegn einmana-
leika. Vönduð heimaþjónusta er grundvöllur
þess að fólk geti búið lengur heima, en
einnig þarf að sinna heilsueflingu og fé-
lagslegri næringu. Þeir sem eru frískari og
þurfa litla sem enga þjónustu geta einnig
verið einangraðir. Hér er hægt að bæta lífs-
gæði og beita forvörnum með ódýrum og
einföldum hætti og horfa til nýsköpunar og
tækni við veitingu þjónustunnar.
Heilsuþjónusta og -efling
Bæjarfélagið ætti að stuðla að fjöl-
breyttum rekstrarformum í heilbrigðisþjón-
ustu og víkka hugtakið heilsugæsla út í takt
við nútímaáherslur. Þar skiptir m.a. máli
skjótur aðgangur íbúa að þjónustu, samfella
í þjónustunni og að hugað sé í senn að lík-
amlegri, andlegri og félagslegri heilsu.
Styðja þarf við lífsgæði eldri borgara með
aðgengi að fjölbreyttri heilsueflingu, fé-
lagslífi og hreyfingu. Þar þarf að horfa til
enn frekari nýtingar á Jónshúsi og skapa
betri aðstöðu á Breiðumýri á Álftanesi.
Við getum sannarlega nýtt bæði nútíma-
lega tækni og spjall yfir kaffibolla til að
skapa saman fleiri leiðir til að það verði
öruggt, farsælt og eftirsóknarvert að eldast
í Garðabæ.
Eftir Sigríði Huldu
Jónsdóttur
Sigríður Hulda
Jónsdóttir
Öruggt og eftirsóknar-
vert að eldast í Garðabæ
»Eldri borgarar er
hugtak sem þarf
að endurskilgreina.
Höfundur gefur kost á sér í 1. sæti í prófkjöri
Sjálfstæðisflokksins í Garðabæ 5. mars.
Hún er bæjarfulltrúi, varaformaður bæjarráðs
og formaður skólanefndar. Facebook: Sigríður
Hulda 1. sæti. www.sigridurhuldajons.is
Hafnarfjörður hefur eftirsókn-
arverða stöðu á höfuðborgarsvæð-
inu, þar sem við fjörðinn okkar fer
saman blómlegt mannlíf, öflug at-
vinnustarfsemi, menning og ein-
stakur bæjarbragur. Þessum gæð-
um er mikilvægt að hlúa að áfram
og efla.
Undanfarin ár hefur Sjálfstæð-
isflokkurinn farið með forystu í
bæjarstjórn. Sem forseti bæjar-
stjórnar og varaformaður bæjar-
ráðs hef ég fylgt eftir stefnumálum
okkar og greitt götu þeirra fjölmörgu framfara-
mála sem ég tel mikilvægt að beita mér áfram
fyrir á komandi kjörtímabili.
Sterkur fjárhagur
Gríðarleg umskipti hafa orðið til hins betra í
fjárhagsstöðu Hafnarfjarðar undanfarin ár.
Skuldir bæjarins, sem hlutfall af tekjum, hafa
farið jafnt og þétt lækkandi og nú stefnir í að
skuldaviðmið Hafnarfjarðar verði það lægsta
sem verið hefur um áratuga skeið.
Með markvissri hagræðingu í rekstri bæj-
arins hefur tekist að halda niðri álögum á íbúa
og fyrirtæki. Við höfum lækkað álagning-
arprósentu fasteignaskatta og unnið þannig
gegn hækkandi fasteignamati. Þrátt fyrir vax-
andi verðlag hefur náðst að halda gjaldskrám
Hafnarfjarðar með lágmarkshækkunum og í
sumum tilvikum óbreyttum milli ára. Þá höfum
við lagt áherslu á að halda útsvarsálagningu á
íbúa bæjarins undir lögbundnu hámarki.
Í Hafnarfirði stendur atvinnulíf styrkum fót-
um og löng hefð er fyrir öflugri
iðn- og tæknistarfsemi. Það er því
ánægjulegt að Háskóli Íslands
hefur fundið tæknifræðikennslu
sinni stað í Hafnarfirði og jafn-
framt stendur nú fyrir dyrum að
Tækniskóli Íslands flytji starfsemi
sína í Hafnarfjörð. Tengsl mennt-
unar og atvinnulífs eru mikilvæg
og með þeim aukast tækifæri fyrir
ungt fólk og samstarf við atvinnu-
lífið.
Í Hafnarfirði er gott að búa.
Mikilvægt er að bæjaryfirvöld
stuðli áfram að farsæld íbúa og at-
vinnustarfsemi í bænum, með markvissri upp-
byggingu innviða og þjónustu sem skari fram úr
og styrkum fjárhag til að fjármagna hana.
Trausta forystu áfram
Sem forseti bæjarstjórnar hef ég beitt mér
fyrir að stefnumál okkar ásamt öðrum fram-
faramálum á vettvangi bæjarstjórnar hafi náð
fram að ganga. Í komandi prófkjöri verður val
kjósenda að tryggja áfram öfluga forystu okkar
í bæjarstjórn til næstu fjögurra ára og þar býð
ég áfram fram krafta mína.
Eftir Kristin Andersen
Kristinn Andersen
Trausta forystu
í Hafnarfirði
»Kjósum trausta forystu
áfram í bæjarstjórn
Hafnarfjarðar.
Höfundur er forseti bæjarstjórnar í
Hafnarfirði og gefur áfram kost á sér í
2. sæti í prófkjöri Sjálfstæðisflokksins.
kristinnandersen@gmail.com
Prófkjör Sjálfstæðisflokksins í
Hafnarfirði fer fram nú 3.-5. mars.
Ég hvet alla sjálfstæðismenn til að
taka þátt í prófkjörinu og stilla
þannig upp sigurstranglegum lista.
Ánægjulegt er að sjá hve hæfi-
leikaríkur og fjölbreyttur hópur
fólks býður sig fram og er tilbúinn
til að virkja krafta sína í þágu bæj-
arins.
Ég býð mig fram í fyrsta sæti
listans og vil áfram leggja mitt af
mörkum til að efla og styrkja bæj-
arfélagið. Mitt markmið er að gera Hafn-
arfjörð að best rekna sveitarfélaginu á höf-
uðborgarsvæðinu. Við höfum undanfarin átta
ár lyft grettistaki í fjármálum bæjarins og ætl-
um okkur að halda áfram á þeirri braut. Þótt
bæjarfélagið sé enn mjög skuldsett er ánægju-
legt að sjá hve skuldaviðmið og skuldahlutfall
bæjarins hefur farið lækkandi með hverju
árinu þannig að nú stenst Hafnarfjörður sam-
anburð við flest sveitarfélög. Þessi staða er þó
viðkvæm því lítið má út af bregða til að fjár-
málin og skuldastaðan snúist í aðra átt og eru
kosningarnar í vor því sérstaklega mikilvægar
fyrir Hafnfirðinga.
Mikil gróska er nú í sveitarfélaginu hvert
sem litið er. Miðað við þá íbúðauppbyggingu
sem nú er í fullum gangi og fram undan er,
bæði í nýjum hverfum og á þéttingarreitum, er
gert ráð fyrir að Hafnfirðingum fjölgi um 7.500
manns næstu fjögur árin. Þá flykkjast fyrir-
tæki til Hafnarfjarðar og hefur lóðasala til
þeirra margfaldast undanfarin ár. Ætla má að
uppbygging á atvinnusvæðunum geti skapað á
annað þúsund störf í bænum á næstu miss-
erum og munar um minna. Allt er þetta af-
rakstur stefnu núverandi meirihluta í bæj-
arstjórn og vil ég halda áfram á þessari braut.
Með því að reka bæjarfélagið af ábyrgð, hef-
ur verið hægt að lækka álögur og gjöld á sama
tíma. Jafnframt hefur bæjarfélagið stutt
myndarlega við heilsueflingu og íþróttastarf,
byggt upp og eflt þjónustu við
eldri borgara og þá sem þurfa á
félagslegri aðstoð að halda, eflt
menningu og mannlíf bæjarins
svo eftir er tekið. Er þá fátt eitt
talið.
Blómstrandi mannlíf
og skýr framtíðarsýn
Bærinn hefur haft einstakt
aðdráttarafl undanfarin ár;
miðbærinn blómstrað sem
aldrei fyrr og spennandi upp-
bygging sem hefst þar í vor
mun efla miðbæjar- og mann-
lífið enn frekar. Undirbúningur fyrir komu
Tækniskólans og að nýju skipulagi og upp-
byggingu á höfninni stendur sem hæst og mun
styrkja samfélagið okkar gríðarlega.
Á þessari braut viljum við sjálfstæðismenn
halda áfram en fyrst og fremst gengur okkar
framtíðarsýn út á að reka bæinn á skyn-
samlegan hátt og með virðingu fyrir fjár-
munum skattgreiðenda. Til þess þurfum við
öflugan stuðning til að verða í forystu við
myndun næsta meirihluta í bæjarstjórn Hafn-
arfjarðar.
Mér hefur verið falið að leiða lista okkar
sjálfstæðismanna undanfarin tvö kjörtímabil.
Innan flokksins hefur samstarfið gengið afar
vel og það hefur skilað sér í góðum árangri fyr-
ir Hafnarfjörð og Hafnfirðinga. Ég óska eftir
góðu umboði til að halda áfram því forystu-
hlutverki sem ég hef gegnt undanfarin ár. Ég
óska því eftir stuðningi þínum í fyrsta sæti
listans.
Eftir Rósu Guðbjartsdóttur
Rósa Guðbjartsdóttir
Hafnarfjörður
tækifæranna
»Mitt markmið er að
gera Hafnarfjörð að
best rekna sveitarfélaginu
á höfuðborgarsvæðinu.
Höfundur er bæjarstjóri Hafnarfjarðar og
frambjóðandi í prófkjöri Sjálfstæðisflokksins.
Reykjavíkurborg er í mjög
slæmri stöðu vegna lélegs reksturs
og viðvarandi skuldasöfnunar í nær
aldarfjórðung. Heildarskuldir
borgarinnar eru komnar yfir 400
milljarða króna og hafa aldrei verið
hærri. Það þýðir að borgin hefur
skuldsett hvern íbúa um 3 milljónir
króna og hverja fjögurra manna
fjölskyldu um 12 milljónir. Þrátt
fyrir grafalvarlega stöðu hyggst
núverandi borgarstjóri halda
áfram að safna skuldum eins og
enginn sé morgundagurinn.
Áfram er haldið að eyða og spenna. Nýlega
samþykkti vinstri meirihlutinn að eyða 460
milljónum króna til kaupa á skemmu til niður-
rifs til að rýma fyrir svokallaðri borgarlínu.
Kaupverðið var meira en 100 milljónum yfir
verðmati.
Borgarlína er það mál sem Dagur B. Egg-
ertsson borgarstjóri leggur ofuráherslu á þótt
kostnaðurinn sé óþekktur. Kynntar hafa verið
undarlegar forsendur, sem einkennast af mik-
illi óskhyggju varðandi fjárfestingarkostnað
og notkun kerfisins. Enginn veit hver
rekstrarkostnaðurinn verður eða á hverjum
hann lendir. Allt bendir til að borgarlínan
verði óarðbær með öllu og muni í raun hafa
verulega neikvætt núvirði eins og dr. Ragnar
Árnason prófessor hefur sýnt fram á.
Veikar forsendur
Ótækt er að skattgreiðendur séu látnir fjár-
magna slíkt verkefni upp á a.m.k. 100 milljarða
króna þegar allar forsendur varðandi ávinn-
ing, fjárfestingu og rekstur eru svo veikar.
Nær væri að styðja betur við núverandi stræt-
isvagnakerfi, sem er stórlega vannýtt en má
svo sannarlega bæta.
Svokölluð „létt lausn borgarlínu“ gæti verið
hugsanleg málamiðlun en færustu sérfræð-
ingar hafa reiknað út að með henni væri unnt
að ná flestum markmiðum „þungrar borg-
arlínu“ fyrir aðeins hluta kostnaðarins.
Hugmyndir eru uppi um að fjármagna fram-
kvæmdir við borgarlínu með
sérstökum veggjöldum á Reyk-
víkinga, sem nú þegar greiða
einhverja hæstu bensínskatta
og bifreiðagjöld í heimi. Ætl-
unin er að rafskynjarar, sem
settir verða upp á ákveðnum
stöðum í borginni, skrái alla
bílaumferð og síðan verði við-
komandi bíleigandi skattlagður
út frá þeim upplýsingum.
Býst ég við að mörgum finn-
ist ógeðfelld sú hugmynd að
slíkar upplýsingar um ferðir
okkar séu færðar jafnóðum í
miðlægan gagnagrunn. Vel er hægt að finna
aðrar leiðir til að skattleggja akstur bifreiða en
að skrá allar ferðir þeirra sjálfkrafa með slík-
um hætti.
Efrihverfaskattur?
Miðað við fyrirliggjandi hugmyndir virðist
auk þess sem skatturinn muni leggjast þyngst
á þá Reykvíkinga, sem búa austan Elliðaáa.
Ef nýr skattur verður lagður á Reykvíkinga,
hvort sem hann heitir veggjald, tafagjald eða
flýtigjald, er grundvallarkrafa að önnur skatt-
heimta, t.d. bensínskattar, verði minnkuð jafn-
mikið á móti. Fáir trúa því að það verði gert.
Við þekkjum að nær ómögulegt virðist vera að
lækka eða afnema skatta eftir að þeir hafa ver-
ið lagðir á.
Íslendingar axla nú næstmestu skattbyrðina
innan OECD. Verði borgarlínuskattur að
veruleika, án þess að aðrir skattar lækki á
móti, gætu Íslendingar orðið skattpíndasta
þjóðin innan OECD.
Eftir Kjartan Magnússon
Kjartan Magnússon
Borgarlínuskatt?
– Nei takk
» Verði borgarlínuskattur að
veruleika, án þess að aðrir
skattar lækki á móti, gætu
Íslendingar orðið skatt-
píndasta þjóðin innan OECD.
Höfundur óskar eftir 2. sæti í prófkjöri
Sjálfstæðisflokksins 18.-19. marz.