Morgunblaðið - 03.03.2022, Side 48

MORGUNBLAÐIÐ FIMMTUDAGUR 3. MARS 2022
N Ý F O R M
H Ú S G A G N A V E R S L U N
Strandgötu 24 | 220 Hafnarfjörður | Sími 565 4100 | nyform.is
Mikið úrval af HVÍLDARST
með og án rafmagns lyftibú
Komið og
skoðið úrvalið
ÓLUM
naði
Laserlyftin
Náttúruleg andlitslyfting
sem byggir á nýjustu tækn
Laserlyfting er öflug anti-aging
meðferð byggð á nýjustu tækni frá
einum fremsta framleiðanda heims
sviði húðmeðferða.
• Þéttir slappa húð á andliti og hálsi
• Eykur kollagenframleiðslu
g
i
á
Ve
13
Við to réttu
Pe
21 re
Við
ta 13
Rósa Margrét Tryggvadóttir
rosa@mbl.is
Upprennandi tónlistarmaðurinn og
Sauðkrækingurinn Atli Dagur Stef-
ánsson lét neikvæðar athugasemdir
frá fólki í kringum sig svo sannarlega
ekki hafa áhrif á ákvarðanir sínar en
hann elti drauminn um tónlistarferil
alla leið til London þar sem hann,
ásamt Hauki Karlssyni, sem er með
honum í hljómsveitinni Azpect,
stundar nú tónlistarnám. Azpect hef-
ur nú gefið út glænýtt lag, ásamt
hljómsveitinni Aquariion, með mjög
ákveðnum boðskap. Lagið heitir
Spotlights og er svar til fólks sem
trúði ekki á ungu mennina í hljóm-
sveitunum tveimur og drauma þeirra
um að verða tónlistarmenn. Sjálfur
setur Atli markið hátt og stefnir á að
vinna Grammy-verðlaunin innan
nokkurra ára og lætur sig dreyma
um að vinna með tónlistarmönnum
eins og Ed Sheeran og Dua Lipa.
Tvíeykið Azpect samanstendur,
eins og áður kom fram, af þeim Atla
og Hauki en Haukur er einnig liðs-
maður í Aquariion ásamt Kristjáni
Karli – en allir eru vinirnir þrír rúm-
lega tvítugir, fæddir árið 1999.
Kynnti lagið á K100
Atli sendi lagið og hljóðkynningu á
því inn á K100.is en Heiðar Aust-
mann gerir íslenskri tónlist nú enn
hærra undir höfði í þætti sínum á
K100 á virkum kvöldum á milli 18 og
22. Geta íslenskir tónlistarmenn nú
sent lögin sín inn í þáttinn
(k100.mbl.is/islensk-tonlist). Atli
vakti þar strax athygli í kynningu
sinni á Spotlights með Azpect og
Aquariion en þar skein þrautseigjan
og ástríðan svo sannarlega í gegn.
Þar lýsti Atli mótlætinu sem upp-
rennandi tónlistarmennirnir hafa
þurft að mæta til að elta drauminn
sinn.
Vildu að þeir færu öruggari leið
„Við höfum fengið alls konar at-
hugasemdir frá alls konar fólki sem
vill frekar að við förum öruggari leið-
ir í lífinu, fáum okkur öruggari vinnu
og förum í skynsamlegt nám,“ lýsti
Atli í hljóðkynningu fyrir lagið.
„Við sögðum þessu fólki að þegja
og erum núna í tónlistarnámi úti í
London þar sem við erum að starfa
við alls konar tónlistarverkefni,“
sagði hann.
Atli stundar nú nám í breska tón-
listarskólanum The Institute of Con-
temporary Music Performance í
London á meðan Haukur er í Royal
College of Music sem einnig er í
London. Kristinn stundar svo nám á
Íslandi við Háskólann í Reykjavík.
„Við vildum koma því til skila til
fólksins sem trúði ekki á okkur í
byrjun að það hafði rangt fyrir sér og
þar af leiðandi sömdum við þetta
lag,“ sagði Atli.
Morgunblaðið og K100.is náðu tali
af Atla sem sagði, spurður út í mót-
lætið sem þeir hafa mætt og áhrif
þess á þá, að þeir hafi einfaldlega
notað það til að ýta sér áfram.
„Ég hugsa að þegar markið er sett
svona hátt og ákvarðanir eru teknar
jafn „drastískt“ og við tókum þær þá
sé eðlilegt fyrir fólk í kringum mann
að hafa áhyggjur. En við vorum mjög
meðvitaðir um það hvað við höfðum í
höndunum og þurftum bara að hafa
trú á okkur sjálfum og vera duglegir
að peppa hvor annan upp.
Auðvitað er alltaf gott að fá stuðn-
ing en við notuðum þetta mótlæti
bara sem eldsneyti til að ýta okkur
lengra,“ segir Atli.
Hann segir að það hafi verið árið
2020 sem hann ákvað að taka af skar-
ið og gera allt sem hann mögulega
gæti gert til þess að verða tónlist-
armaður. Hann flutti til Danmerkur
til Hauks, sem þá bjó þar, og saman
fóru þeir svo til Bretlands í tónlist-
arnám.
Atli hefur lært ýmislegt í námi
sínu þar sem hann sérhæfir sig í
lagasmíðum. Segir hann London
vera sannkallaða tónlistarhöfuðborg
Evrópu og trúir að hvergi sé betra
fyrir „litla artista“ að koma sér á
framfæri en þar.
Azpect stefnir á að gefa út sína
aðra plötu í ár og segir Atli að þeir
séu spenntir að færa sig nær þeim
stíl sem þeir eru nú heillaðir af sem
er samblanda af trappi, rokki og
„synthpoppi“. Þá stefna þeir Haukur
á að halda tónleika hér á landi á
Sauðárkróki en þeir héldu eina slíka
þar í fyrra þökk sé styrk frá Sveitar-
félaginu Skagafirði.
Atli er þó einnig að gefa út tónlist
sjálfur undir nafninu Atli en tónlist-
ina hans má finna á Spotify.
„Í kringum það [sólóverkefnið]
hefur myndast mikil stemning hérna
úti í London og ég hlakka mikið til að
gefa út alla þá tónlist sem ég sit á,“
segir Atli spurður út í það hvernig
hann sjái fyrir sér framtíðina.
Stefnir á Grammy-verðlaunin
„Ég hef alltaf sett markið frekar
hátt í lífinu og er mikill keppn-
ismaður og því stefni ég á að vinna
Grammy-verðlaunin innan nokkurra
ára. Bæði fyrir Azpect og mitt eigið
verkefni,“ segir Atli og bætir við að
hann langi einnig að vinna með
stærstu tónlistarmönnum heims sem
lagahöfundur og þá helst þeim Ed
Sheeran og Dua Lipa.
Þeir Atli, Haukur og Kristján, liðs-
menn í Azpect og Aquariion, hlakka
mikið til komandi mánaða og eru
virkilega spenntir yfir því að öllu sé
nú aflétt hvað varðar kórónuveiruna
á Íslandi.
Djammið mikilvægt
„Við erum náttúrulega miklir
stemningsmenn og gefum mest-
megnis út stemningstónlist og því er
íslenskt djamm mjög mikilvægt fyrir
okkur þegar kemur að hlustunum,“
útskýrir Atli en hann stefnir á að
koma til Íslands ásamt Hauki í sum-
ar.
Öðru upprennandi tónlistarfólki
gefur hann þetta ráð að lokum:
„Leyfið ykkur að vera léleg til að
byrja með og ekki gefast upp þótt á
móti blási. Verið dugleg að semja lög
og prufið ykkur áfram í alls konar
vitleysu.“
Hægt er að hlusta á Spotlights
með Azpect og Aquariion á Spotify.
Sögðu gagnrýnendum að
þegja og eltu drauminn
Keppnismaður Atli lætur ekkert stoppa sig og stefnir á glæstan tónlistar-
feril. Hann er keppnismaður mikill og ætlar að vinna Grammy-verðlaun.
Azpect Hljómsveitin Azpect er skipuð þeim Hauki (t.v.) og Atla.
Aquariion Kristján er í hljómsveit-
inni Aquariion ásamt Hauki.
Atli Dagur í hljómsveitinni Azpect stefnir hátt í
tónlistinni og vonast til að vinna Grammy-verðlaun
innan fárra ára en hann stundar nú nám í London
ásamt Azpect-liðanum Hauki. Azpect og Kristján í
Aquariion gáfu á dögunum út nýtt lag sem er svar
til allra þeirra sem ekki trúðu á tónlistardraum
ungu mannanna.