Fréttabréf Siglfirðingafélagsins í Reykjavík og nágrenni - maí 2019, Blaðsíða 15

Siglfirðingablaðið 15
mars skelltum okkur vestur á
Ísafjörð í vinnu hjá Norður­
tanganum. Ég tók orgelið með
og Biggi trommusettið, nema
hvað. Við tveir spiluðum gömlu
og nýju dansana í eitt skipti
eftir spilakvöld í kaffistofunni
og eitthvað var farið að nefna
meira spilerí inni Djúpi síðar um
veturinn eftir það “gigg”. Um
vorið hætti hljómborðsleikarinn
í hljómsveitinni Náð og Örn
bassaleikari í Náðinni spurði mig
hvort ég vildi taka sæti hans. Það
vildi ég ekki þar sem heimþráin
var farin að segja til sín og við
Biggi höfðum hugsað okkur að
spila á Sigló um sumarið 75.
Náðin hætti líka um svipað leyti
og hljómsveitin Ýr var stofnuð
og einhverjir meðlimir Náðar­
innar enduðu að lokum í því
ágæta bandi. Ég mætti á fyrsta
ball Ýr í Hnífsdalnum og man að
mér þótti ekki mikið til koma.
Líklega byrjuðu þeir aðeins of
snemma í harkinu því greinilegt
var að samspilið var ekki orðið
jafn gott og síðar varð. Ég heyrði
svo aftur í þeim mánuði síðar og
þá small allt saman. Ef ég hefði
ekki fundið svona sterkt fyrir
heimþránni þarna undir vorið
væri ég kannski ennþá á Ísafirði,
hver veit? En nú vandast málið,
því þrátt fyrir að ég sé búinn að
reyna að grafa upp hvað gerðist
í næsta leik og þráspyrja þá sem
vitað er að höfðu aðkomu að
framhaldinu, virðist hreinlega
enginn muna neitt. Ekki einu
sinni hvað bandið hét! Þó liggur
það fyrir að annað hvort sumarið
74 eða 75, æfðum við upp
hressilegt ballprógram, líklega
í Æskó, og spiluðum nokkrum
sinnum og þá aðallega í Allanum
hjá Villa Friðriks. (Eða var
Brandur kannski ennþá með
húsið? Bara man það ekki frekar
en svo margt annað frá þessum
árum). Til er upptaka úr Allanum
þar sem Birgir Eðvarðsson (Biggi
Ölmu) er að syngja með mér,
Gumma Ragnars og Bigga Inga,
en þá vantar sennilega eitt nafn
í viðbót. Það gæti hafa verið
Þórhallur Ben, en þar sem heyrist
á upptökunni að ég spila fullt af
gítarlínum á orgelið, eru líkurnar
harla litlar. Þetta er sem sagt allt
saman meira og minna í einhverri
þoku og því liggur kannski
beinast við að við auglýsum
hér með eftir sjálfum okkur frá
þessum tíma.
verður haldinn sunnudaginn 26.maí nk.
Dagurinn hefst með messu í Grafarvogskirkju kl. 14.
Sr. Vigfús Þór Árnason sér um messuhald ásamt
siglfirsk ættuðum prestum.
Hátíðarræðu heldur Jóhann Heiðar Jóhannsson, læknir.
Kaffið hefst síðan að lokinni messu kl. 15.
Árgangar ´59, ´69, ´79 og ´89 sjá um veitingar og aðstoð.
KAFFIDAGUR
SIGLFIRÐINGAFÉLAGSINS