Fréttabréf Siglfirðingafélagsins í Reykjavík og nágrenni - maí 2019, Blaðsíða 24

Siglfirðingablaðið24
Nýr siglfirskur diskur!
Leó Ólason gefur út disk með eigin efni
Fregnir hafa flogið að í sumar­
byrjun sé væntanlegur diskur
með lögum eftir Leó Reyni
Ólason. Leó er Siglfirðingum og
nærsveitamönnum kunnur að
starfi í hljómsveitunum, Frum,
Hendrix og hinum geysivinsælu
Miðaldamönnum.
Hvað kom til?
Það var fyrir u.þ.b. aldarfjórðungi
að eftir svolitlar pælingar tók ég
þá ákvörðun svona með sjálfum
mér og nánast upp úr þurru, að
einhvern tíma í náinni framtíð
skyldi ég gera disk með eigin
efni, þ.e. lögum og að einhverju
leyti líka textum. En fyrst ætlaði
ég þó að gera disk eða diska með
siglfirsku eða siglfirsk tengdu
efni sem sumt hafði ekki verið
hljóðritað áður og því ekki nægi­
lega aðgengilegt að mínu mati.
Þegar ég fór að skoða þá hug­
mynd betur, sá ég að diskarnir
þyrftu sennilega að vera tveir því
ég var fljótlega kominn með 20
lög. Ég stóð því fyrir gerð tveggja
diska sem nefndust “Svona var á
Sigló”, þeir komu út á árunum
1999 og 2004 og ég fékk til
liðs við mig fjölda góðra manna
og kvenna. Nú eru þeir löngu
uppseldir og kannski fer að líða
að því að tími sé kominn á að
endurútgefa þá. En diskurinn
sem nú er á leiðinni er búinn að
vera lengi í smíðum og vona ég
að gamla máltækið að góðir hlutir
gerist hægt, gangi þar eftir. Elstu
upptökurnar eru frá miðjum
tíunda áratugnum og þær nýjustu
voru gerðar á síðustu dögum og
er þegar þetta er skrifað, jafnvel
ekki alveg lokið. Elsta lagið gerði
ég 14 ára gamall undir hand­
leiðslu Gerhard’ s Schmidt, en
þau nýjustu snemma á þessu ári.
Er allt efnið á disknum
eftir þig?
Já, ég á öll lögin og flesta
textana. Þó koma þar einnig
við sögu mætir menn svo
sem Steinn Steinarr, Hafliði
Guðmundsson kennarinn minn
úr Gaggó, Akureyringurinn
Sigurður Ingólfsson og svo á
Siglfirðingurinn Snorri Jónsson
eina þrjá texta.
Ertu einn á ferð eða nýturðu
aðstoðar annarra?
Nei, ég er svo heppinn að fjöldi
manna og kvenna hafa verið til­
búin að ljá mér krafta sína. Má
þar nefna Siglfirsku söngvarana
Evu Karlottu, Róbert Óttarsson,
Rafn Erlendsson og Hlöðver
Sigurðsson. Svo eru þarna líka
nöfn eins og Jóhann Helgason,
Herbert Guðmundsson, Guð­
rún Gunnars, Arnar Freyr
Gunnarsson sem hlaut látúns­
barkatitilinn árið á eftir Bjarna
Ara sem fór allt of lítið fyrir.
Rakel María Axelsdóttur og faðir
hennar gamli poppgúrúinn Axel
Einarsson, Þuríður Sigurðar dóttir,
Ari Jónsson úr Roof Tops,
Sig urður Pálsson, Íris Hólm,
Haukur Hauksson (sem er reynd­
ar bróðir Eiríks Haukssonar),
Mummi Hermanns (sem er faðir
básúnuleikarans og söngvarans
Valdimars og bróðir Karls Her­
mannssonar sem var fyrsti söng­
vari Hljóma), Sigurður Ingimars­
son (oft nefndur Kapteinn til að­
greiningar frá öðrum Sigurðum
vegna starfa sinna innan Hjálp­
ræðishersins) og ekki má gleyma
trúbadúrnum góðkunna Sigga
Björns frá Flateyri sem nú
starfar í Berlín, auk þess sem ég
kem þarna sjálfur nokkuð við
sögu. Gítarleikarar eru Eyþór