Fréttablaðið - 07.07.2022, Page 12

n Halldór
n Frá degi til dags
ÚTGÁFUFÉLAG: Torg ehf. STJÓRNARFORMAÐUR: Helgi Magnússon FORSTJÓRI OG ÚTGEFANDI: Jón Þórisson RITSTJÓRI: Sigmundur Ernir Rúnarsson ser@frettabladid.is, FRÉTTASTJÓRAR: Aðalheiður Ámundadóttir adalheidur@
frettabladid.is , Garðar Örn Úlfarsson gar@frettabladid.is . Fréttablaðið kemur út í 80.000 eintökum og er dreift ókeypis á heimili á höfuðborgarsvæðinu og Akureyri. Einnig er hægt að fá blaðið í völdum verslun um á landsbyggðinni.
Fréttablaðið áskilur sér rétt til að birta allt efni blaðsins í stafrænu formi og í gagnabönkum án endurgjalds. ISSN 1670-3871 FRÉTTABLAÐIÐ Kalkofnsvegur 2, 101 Reykjavík Sími: 550 5000, ritstjorn@frettabladid.is
VEFSTJÓRI: Einar Þór Sigurðsson einarthor@frettabladid.is, MARKAÐURINN: Guðmundur Gunnarsson ggunnars@frettabladid.is, HELGARBLAÐ: Björk Eiðsdóttir bjork@frettabladid.is MENNING: Kolbrún Bergþórsdóttir
kolbrunb@frettabladid.is ÍÞRÓTTIR: Hörður Snævar Jónsson hoddi@frettabladid.is LJÓSMYNDIR: Anton Brink anton@frettabladid.is FRAMLEIÐSLUSTJÓRI: Sæmundur Freyr Árnason sfa@frettabladid.is
Á síðustu
árum hefur
VG nefni-
lega breyst
í latan og
værukæran
innikött
sem fær
ekki lengur
að fara út
í garð til
að gera
einhvern
óskunda.
Sigmundur Ernir
Rúnarsson
ser
@frettabladid.is
Við á Íslandi höfum borið gæfu til að samþykkja mörg
framfaramál sem varða réttindi fólks á undanförnum
árum á sama tíma og sjá má bakslag víða í heiminum.
Í þessum málum er barátta hagsmunahópa mikilvæg
en að sjálfsögðu ræður vilji stjórnvalda á hverjum stað
í raun úrslitum um hver staðan verður, eins og mörg
dæmi eru um nýverið. Hér á landi verður áfram unnið í
slíkum framfaramálum.
Í stjórnarsáttmála er kveðið á um að sett verði á stofn
öflug, óháð mannréttindastofnun sem þarf að uppfylla
ákveðin almenn skilyrði sem sett eru fram í viðmið-
unarreglum Sameinuðu þjóðanna. Viðmiðin gera ráð
fyrir sjálfstæði slíkra stofnana frá stjórnvöldum. Við
myndun nýrrar ríkisstjórnar voru mannréttindamál
færð til forsætisráðuneytis frá dómsmálaráðuneyti og
hófst í kjölfarið vinna við grænbók um mannréttindi.
Við vinnu við grænbók er upplýsingum safnað um
mannréttindi, þróun, tölfræði, samanburð við önnur
lönd og teknar saman mismunandi leiðir til að mæta
þeim áskorunum sem við blasa í mannréttindamálum.
Í hvívetna verður lögð áhersla á víðtækt samráð
við vinnslu grænbókarinnar og í haust er ætlunin að
standa fyrir samráðsfundum í öllum landshlutum um
stöðu mannréttindamála. Í byrjun árs 2023 verða drög
að grænbók kynnt í samráðsgátt stjórnvalda og gera
áætlanir ráð fyrir að frumvarp um stofnunina verði lagt
fram á Alþingi haustið 2023.
Mannréttindastofnanir skipta máli til að tryggja
virka og öfluga vernd mannréttinda. Ég hef lagt á það
áherslu að Ísland sé leiðandi þegar kemur að mann-
réttindum og verður tilvist mannréttindastofnunar
veigamikið skref í þá átt. Mikilvægt er í þessu sambandi
að tilvist slíkrar stofnunar er forsenda þess að hægt
verði að lögfesta samning Sameinuðu þjóðanna um
réttindi fatlaðs fólks líkt og kveðið er á um í stjórnar-
sáttmála ríkisstjórnarinnar. Allt miðar þetta að því að
við eigum öll jafnan rétt til að njóta mannréttinda án
mismununar. n
Virk og öflug vernd
mannréttinda
Katrín
Jakobsdóttir
forsætisráðherra
Ég hef
lagt á það
áherslu að
Ísland sé
leiðandi
þegar
kemur að
mannrétt-
indum.
ser@frettabladid.is
Tenerífe frekar
Eitthvað er það svo óendanlega
íslenskt í eðli sínu og umgjörð
að ein stakasta nótt á hefð-
bundnu hóteli hér á Íslandi í
júlí kosti álíka mikið og sólar-
landaferð til eyjunnar Tenerífe
undan Afríkuströndum. Og
alveg er það í sama anda þessa
alls að nóttin á sama hóteli
hækki þeim mun meira í verði
eftir því sem minni líkur eru
á því að hún verði tekin. Það
eru sumsé engin tilboð í gangi
fyrir þá gesti sem koma inn í
móttökuna á síðustu stundu,
heldur þvert á móti, verðið fyrir
gistinguna er þá komið endan-
lega upp fyrir rjáfrið.
Átak in memoriam
Og það er vitaskuld alveg í
þessum takti – og skrifast sem
hefðbundinn kafli í Íslands-
söguna – að það mikla og vel
heppnaða átak ferðamálayfir-
valda og ráðamanna túrismans
hér á landi frá því á síðasta og
þarsíðasta sumri, sem fólst í því
að landinn ferðaðist innan-
lands, hefur nú algerlega verið
troðið ofan í ruslatunnuna.
Það hefur enginn venjulegur
Íslendingur lengur efni á að
ferðast um eigið land, nema
ef vera kynni að hann tjaldi í
óleyfi í eyðidölum og hafi smurt
og sultað og blandað drykkina
sína heima fyrir brottför úr
bænum. n
Vandi Vinstri grænna í nýafstöðnum
sveitarstjórnarkosningum og í hverri
fylgiskönnun sem fylgt hefur á eftir,
er hvað flokknum er farið að svipa
mikið til Sjálfstæðisflokksins.
Málefnalega líður honum afskaplega vel með
þessum helsta hægriflokki landsins sem lengst
af á lýðveldistímanum hefur haft tögl og hagldir
í íslenskum stjórnmálum – og verið eitur í
beinum róttækra áhugamanna um umbætur í
landinu, alþýðunni til handa.
Í stað þess að láta brjóta á málum sem sannar-
lega hafa skilið á milli vinstri manna og þeirra
sem horfa til hægri, sitja ráðamenn Vinstri
grænna sallarólegir við ríkisstjórnarborðið þar
sem gömlu baráttumálunum er beinlínis fórnað
til að halda Sjálfstæðisflokknum að völdum.
Það er svo alveg í anda þessa alls að sjálfur for-
ingi flokksins er slíkur mannasættir í eðli sínu
að ógerlegt er til þess að hugsa að hann steyti
hnefann framan í formenn samstarfsflokkanna
og aðra ráðherra þeirra sem fyrir vikið hafa það
heldur náðugt í stólunum sínum.
Í minningunni birtist myndin af fyrrverandi
formanni Vinstri grænna í ræðustól Alþingis
þar sem hann hraunaði með eftirminnilegum
tilþrifum yfir ángskotans auðhyggjuna og allt
hennar ógurlega lið. Þá var nú töluð norðlensk-
an. Og í endurlitinu bregður líka fyrir óþekk-
asta þingflokki landsins sem hvikaði aldrei frá
sannfæringu sinni – og var fyrir vikið líkt við
villiketti.
Nú er uppi annar tími. Á síðustu árum hefur
VG nefnilega breyst í latan og værukæran inni-
kött sem fær ekki lengur að fara út í garð til að
gera einhvern óskunda. Hann þarf ekki lengur
að brýna klærnar og það er löngu hætt að blika á
vígalegar tennur hans.
Og það sem er hvað undarlegast, í ljósi sögu
hans um og upp úr aldamótum, er hvað hann
er orðinn undirgefinn eiganda sínum, sjálfum
Sjálfstæðisflokknum.
Í hverju málinu af öðru leggur hann niður
skottið. Jafnvel í umhverfismálum færir hann
náttúruna úr verndarflokki í biðflokk til að
geðjast samstarfsflokkunum. Og dýraverndin
er honum ekki hugstæðari en svo að hann leyfir
miskunnarlaust blóðmerahald áfram og lætur
langreyðarkýrnar kveljast enn um sinn á hafi úti.
Jafnvel því stóra réttlætismáli að þjóðin fái
sanngjarnan skerf af ofboðslegum hagnaði
útgerðarinnar er velt fram yfir næstu þing-
kosningar með stofnun svo stórrar nefndar að
engu verður breytt. Svo er óþarfi að minnast á
stjórnarskrármálið. Eða NATÓ.
Þetta er vandi VG. Pólitík flokksins er horfin. n
Horfin pólitík
Tómatur
Í þínu besta formi.
islenskt.is
SKOÐUN FRÉTTABLAÐIÐ 7. júlí 2022 FIMMTUDAGUR