Fréttablaðið - 07.07.2022, Síða 20

Það eru ekki allir hrifnir af
rifnu gallabuxunum sem
verið hafa í tísku undan-
farin ár. Samkvæmt Dolce &
Gabbana verða þær þó enn
heitar vor og sumar 2023.
Svo virðist sem D&C gangi
enn lengra í þessari tísku því
það eru ekki bara gallabux-
urnar sem eru rifnar heldur
buxur úr öðrum efnum líka.
elin@frettabladid.is
Hollywoodstjarnan Sharon Stone
sem er 64 ára er andlit tískurisans
Dolce & Gabbana. Hún geislaði
þegar herratíska fyrirtækisins var
kynnt í Mílanó á dögunum. Þar var
hún með ofurfyrirsætunum Adam
Senn og Sam Webb. Þeir Adam og
Sam hafa einmitt setið fyrir á mörg-
um myndum með Sharon Stone
fyrir Dolce & Gabbana undanfarnar
vikur. Þar á meðal í Feneyjum.
Sharon þykir aldrei hafa litið
betur út en nú og var mikið um
það skrifað í tískutímaritum þegar
hún mætti á kvikmyndahátíðina
í Cannes í maí klædd glæsikjólum
frá D&G.
Horft til fortíðar
Dolce & Gabbana sýndu fyrst
herralínu árið 1990 en á þeim tíma
var merkið í mikilli uppsveiflu
þótt það væri aðeins fimm ára. Það
var knúið áfram af skapandi frelsi
og nýjungum.
Sannarlega er fatalína þeirra
fyrir sumarið 2023 fjölbreytt
enda höfða þeir félagar mjög til
yngra fólks þótt þeir velji konu á
sjötugsaldri sem andlit D&G fyrir
kvenfatnað sinn og töskur.
Þegar Kourtney Kardashian gifti
sig í Portofino á Ítalíu í vor bar ein-
mitt mikið á lúxusfatnaði frá Dolce
& Gabbana. Þeir klæddu ekki bara
brúðhjónin, heldur líka alla Kar-
dashian-Jenner fjölskylduna, jafn-
vel brúðarmeyna og hringaberann.
Þá fékk fjölskyldan einkasnekkju
D&G til afnota.
Vilja endurvinnslu
Eins og aðrir tískurisar horfa þeir
félagar til loftslagsbreytinga og
leggja áherslu á endurvinnan-
legan fatnað. Sérstaklega líta þeir
til tíunda áratugarins í hönnun
sinni og vilja endurvekja tísku þess
tíma með nýjum tillögum sem eru
hannaðar í anda sumarsins 2023.
Rifnar gallabuxur voru áberandi
og halda því velli samkvæmt Dolce
& Gabbana, skreyttir tvíhnepptir
jakkar með herðapúðum, blúndu-
skyrtur og stuttermabolir, allt í
anda þess horfna tíma.
Beckham ryður brautina
Dolce & Gabbana segjast sömu-
leiðis hafa horft til klæðaburðar
David Bekcham sem er þekktur
fyrir glæsilegan fatastíl og að fara
óhefðbundnar leiðir. Því miður
var Beckham ekki á sýningunni.
Beckham hefur verið óhræddur
við glamúr í herrafatnaði og var
brautryðjandi í því að skapa nýjan
heim í herratísku, er haft eftir
Stefano Gabbana.
Á fremstu bekkjum sýningar-
innar sátu nýjar ungar stjörnur
íþróttaheimsins og fylgdust með
þegar fyrirsæturnar sýndu það
sem koma skal næsta sumar.
Á sýningunni voru nokkrar
flíkur sem merktar voru „Re-
Edition“ sem annað hvort voru
endurgerðar frá fatahönnun D&G
á tíunda áratugnum eða raunveru-
legur klæðnaður frá þeim tíma.
Það má því segja að fortíðin hafi
verið grafin upp hjá þessu ítalska
lúxusmerki. n
Rifnu gallabuxurnar halda velli
Þótt Dolce & Gabbana segist horfa til
tíunda áratugarins í hönnun verður
ekki séð að rifnar gallabuxur fylgi
þeirri stefnu. Þær hafa verið vinsælar
á allra síðustu árum og verða enn
næsta sumar samkvæmt D&G.
Herðapúðarnir voru ýktari í kven-
fatnaði fyrir veturinn 2023 frá Dolce
& Gabbana. Þótt herðapúðar hafi
verið vinsælir á tíunda áratugnum
voru þeir sjaldnast svona miklir en
jakkinn er fallegur.
Sharon Stone og ofurfyrirsæturnar Adam Senn og Sam Webb mættu á herratískusýningu í Mílanó auk þess að heim-
sækja verslun Dolce & Gabbana í Mílanó í síðustu viku. FRÉTTABLAÐIÐ/GETTY
Fallegur tvíhnepptur jakki við rifnar
buxur. Það heitasta sumarið 2023.
Rifnar og bættar gallabuxur verða
enn við lýði sumarið 2023.
Á fremstu bekkjum
sýningarinnar sátu
nýjar ungar stjörnur
íþróttaheimsins og
fylgdust með þegar
fyrirsæturnar sýndu það
sem koma skal næsta
sumar.
4 kynningarblað A L LT 7. júlí 2022 FIMMTUDAGUR