Fréttablaðið - 06.08.2022, Side 16

Eldgos hófst í Meradölum á
miðvikudaginn. Fjölmargir
hafa lagt leið sína að gosinu
þrátt fyrir tilmæli lögreglu,
sem segir mikil vægt að hafa í
huga að gossvæðið sé hættu­
legt. Þar geti að stæður breyst
skyndi lega. Búast má við að
fjöldi fólks gangi að gos­
stöðvunum um helgina, enda
um fyrstu helgina frá upp hafi
eld gossins að ræða.
Stefna á að skoða eldgosið
með skynsemina að vopni
Björn Leó
Brynjarsson
handritshöfundur
og leikskáld:
Ætlar þú að
skoða eldgosið í
Meradölum?
Já, ég ætla tví-
mælalaust að kíkja. En ekki gera
neitt heimskulegt af því að það
er mjög hallærislegt að deyja á
Reykjanesinu.
Skoðaðir þú síðasta gos?
Ég fór þrisvar sinnum að síðasta
gosi og sá það í öllum fösum. Það
var eiginlega trúarleg upplifun
fyrir mig. Mér fannst það smá eins
og að horfa á dauðann koma upp
úr jörðinni, svona ótrúlega fjand-
samlegt en fallegt á sama tíma.
Ægifagurt. Sýndi manni skýrt hvað
lífið á jörðinni er þrautseigt að
hafa náð að þróast hér en einnig
viðkvæmt fyrir eyðileggingu.
Davíð Berndsen
tónlistarmaður:
Ætlar þú að skoða eldgosið í Mera-
dölum?
Eftir að fór að gjósa brunaði ég út
í hljóðfærabúð og keypti mér kassa-
gítar svo ég geti spilað vel valin lög
fyrir gesti og gangandi í Meradölum!
Ég mun líklegast tjalda þar og spila og syngja mjög
hátt þar næstu vikurnar!
Skoðaðir þú síðasta gos?
Ég missti af síðasta gosi því ég var búsettur er-
lendis þannig nú er ég mjög peppaður fyrir þessu öllu
saman!
Fannar Arnarsson
leikari:
Ætlar þú að skoða eldgosið í Mera-
dölum?
Já, ég stefni klárlega á það að
skoða eldgosið í Meradölum.
Skoðaðir þú síðasta gos?
Ég sá ekki gosið síðast, sem var
algjört klúður af minni hálfu, en ég
einfaldlega frestaði því þangað til það var of seint.
Kannski var það einhver efi í undirmeðvitundinni af
því ég gerði tvær heiðarlegar tilraunir til að skoða
gosið í Fimmvörðuhálsi á sínum tíma sem fóru hvor-
ugar vel!
Steinunn Gyðu- og Guðjónsdóttir
talskona Stígamóta:
Ætlar þú að skoða eldgosið í Mera-
dölum?
Já, ég geri ráð fyrir að kíkja á gosið.
Er reyndar á leið út á flugvöll núna
en ef það gýs enn þegar ég kem
heim frá útlöndum þá skelli ég mér
ef allar aðstæður eru öruggar.
Skoðaðir þú síðasta gos?
Já, ég fór í kvöldgöngu þegar gaus síðast og það var
mjög tilkomumikið að sjá eldgosið í myrkrinu.
Tótla I. Sæmundsdóttir
fræðslustýra Samtakanna ‘78:
Ætlar þú að skoða eldgosið í Mera-
dölum?
Já, ég ætla að fara að skoða nýja
gosið um leið og færi gefst.
Skoðaðir þú síðasta gos?
Já, ég fór þrisvar og skoðaði gosið. Skemmtilegast
fannst mér að sjá þróunina á gosinu. Ég fór tveimur
dögum eftir að það byrjaði fyrst og næst þegar
ég kom var dalurinn sem ég stóð í horfinn. Það er
einstakt að fá tækifæri til að sjá landið mótast fyrir
augunum á manni.
n Í vikulokin
Ólafur
Arnarson
Eldgos hófst á Reykjanesi, í Meradölum, á svipuðum slóðum og gosið í Geld-
ingadölum við Fagradalsfjall.
Ríkisstjórnin er fallin. Þetta sýnir
ný skoðanakönnun Gallup, sem birt
var í gær.
Allir stjórnarflokkarnir tapa fylgi
og myndu, ef kosið væri til þings nú,
fá 31 þingmann kjörinn en eru með
38 þingmenn í dag.
Minnihluti kjósenda styður ríkis­
stjórn Katrínar Jakobsdóttur.
Þetta þarf ekki að koma á óvart.
Ríkisstjórnin hefur misst öll tök
á stjórn efnahagsmála og ekkert
bendir til þess að hún búi yfir raun­
hæfri áætlun í þeim efnum. Ekkert
bendir raunar til að hún búi yfirleitt
yfir neinni áætlun um annað en að
sitja sem fastast.
R ík ist jór na r f lok k a r nir er u
ósammála um flest mál. Stjórnar­
sáttmálinn gengur út á innihalds­
lausan fagurgala. Staðreyndin er sú
að hver ríkisstjórnarflokkur hefur í
raun neitunarvald í ríkisstjórninni
og vegna þess hve stefna flokkanna
er ólík eru engar ákvarðanir teknar.
Ísland er ekki í hlutlausum gír.
Ísland er í handbremsu og slökkt á
vélinni.
Enginn efast um að umhverfis­
ráðherra hefur vilja og kjark til að
hrinda af stað framkvæmdaáætlun
til að raungera orkuskiptin, sem rík­
isstjórnin hefur lofað að klára fyrir
2040. Hann kemst hins vegar hvorki
lönd né strönd vegna þess að Vinstri
græn hafa neitunarvald.
Vinstri græn standa í vegi fyrir
orkuskiptum og nota meinta ást
sína á umhverfinu og íslenskri nátt­
úru sem tylliástæðu til að hindra
þær virkjanaframkvæmdir sem
nauðsynlegar eru til að orkuskiptin
hér á landi verði að veruleika.
Heimilin í landinu og fyrirtækin
standa frammi fyrir gríðarlegum
Ríkisstjórnin hefur fyrirgert rétti sínum til trausts kjósenda
búsifjum vegna efnahagsóstjórnar
ríkisstjórnarinnar og galinnar
vaxtastefnu Seðlabankans sem
virðist telja réttu leiðina til að berj­
ast gegn verðbólgu að f lytja millj­
arðatugi og ­hundruð frá skuld­
settum heimilum og atvinnulífi
til fjármálafyrirtækja og fjárfesta.
Hygla auðmönnum á kostnað
atvinnulífs og heimila. Hjarðhegð­
un hagfræðinga gegn almenningi.
Ekki er að furða þótt ríkisstjórnin
hafi glatað trausti kjósenda. Hún
hefur ekki aðeins glatað því. Hún
hefur fyrirgert rétti sínum til þess. n
Ríkis-
stjórnin
hefur misst
öll tök
á stjórn
efnahags-
mála.
Botnlausum Bröns
Á Kopar við höfnina er í boði botn­
laus bröns alla laugardaga á milli
klukkan 12 og 15. Gestir velja sér tvo
rétti í senn og geta pantað eins og
þá lystir í tvær klukkustundir. Við
mælum sérstaklega með graskers­
súpunni og djúpsteiktum camem­
bert. Fyrir þau sem vilja er einnig
í boði að njóta botnlausra drykkja
með matnum fyrir 1.500 krónur
aukalega.
Við mælum með
Andrá Reykjavík
Verslunin Andrá Reykjavík selur
fatnað, lífsstílsvörur og aukahluti
fyrir konur frá alþjóðlegum hönn­
uðum. Verslunin er staðsett á Lauga­
vegi 16 og er húsnæðið einstak­
lega fallegt, stílhreint og rúmgott.
Í Andrá fást ilmkertin frá Maison
Louis Marie og eru þau sérstaklega
skemmtileg sem gjafir við hin ýmsu
tilefni. n
Nú er tími
til að efla
baráttuna
og halda
henni
áfram.
BIRNADROFN@FRETTABLADID.IS
Hinsegin dagar hafa staðið yfir síðan 2.
ágúst og ná hámarki í dag þegar Gleði­
gangan verður gengin frá Hallgríms­
kirkju. Að göngunni lokinni verður
útihátíð í Hljómskálagarðinum og búast
má við miklum mannfjölda þrátt fyrir að spáin sé
ekkert sérlega góð.
Rætt hefur verið um bakslag í réttindabaráttu hin­
segin fólks undanfarið, fregnir af ungmennum sem
hafa orðið fyrir aðkasti hafa verið áberandi, skotárás
var gerð á hinsegin bar í Osló og skemmdarverk
voru unnin á baráttumerkjum hinseginleikans hér á
Íslandi.
Raddir hafa verið uppi um að hluti ástæðu bakslags­
ins gæti verið minni sýnileiki hinseginleikans vegna
Covid. Síðustu tvö ár voru engar Gleðigöngur gengnar
bæði hér og víðar vegna samkomutakmarkana og
því er enn mikilvægara en áður að við sameinumst í
göngunni í ár og sýnum stuðning.
Strákarnir í Æði eru í forsíðuviðtali þessa blaðs, þeir
segjast meðvitaðir um að án baráttu síðustu áratuga
og fólksins sem barðist fyrir réttindum hinsegin fólks
hefðu þeir ekki frelsi til að vera þeir sjálfir. Þeir eru
þakklátir frelsinu.
Nú er tími til að efla baráttuna og halda henni
áfram. Sameinumst í Gleðigönguna og greiðum leið
hinsegin fólks framtíðarinnar. n
Gleðigangan
16 Helgin 6. ágúst 2022 LAUGARDAGURFRÉTTABLAÐIÐ