Skessuhorn - 30.03.2022, Page 31

MIÐVIKUDAGUR 30. MARS 2022 31
Íþróttamaður vikunnar
Íþróttamaður vikunnar er nýlegur liður hjá Skessu­
horni. Þar leggjum við fyrir tíu spurningar til íþrótta­
manna úr alls konar íþróttum á öllum aldri á Vestur­
landi. Íþróttamaður vikunnar að þessu sinni er körfu­
bolta­ og hestakonan Signý Ósk frá Stykkishólmi.
Nafn: Signý Ósk Sævarsdóttir Walter
Fjölskylduhagir? Ég bý hjá mömmu minni og
stjúppabba ásamt bróður mínum. Auk þess bý ég líka
hjá pabba mínum og stjúpmömmu minni.
Hver eru þín helstu áhugamál? Mér finnst skemmti­
legast að ferðast, spila körfubolta, vera í kringum hesta
og hef líka mjög gaman að því að baka.
Hvernig er venjulegur dagur hjá þér? Ég mæti í
skólann, fer svo heim og reyni að læra eða bara slaka á.
Síðan fer ég á 9. flokks æfingu í körfubolta, þar á eft­
ir á meistaraflokks æfingu og svo upp í hesthús ef ég
hef tíma og orku.
Hversu oft æfir þú í viku? Ég æfi fjórum til fimm
sinnum í viku.
Hver er þín fyrirmynd í íþróttum? Ég er ekki viss
um að ég gæti valið aðeins eina fyrirmynd en ég myndi
klárlega segja Anna Soffía Lárusdóttir og Gunnhild­
ur Gunnars.
Af hverju valdir þú hestamennsku og körfubolta?
Ég valdi hestamennsku vegna þess að ég ólst upp í
kringum hesta og mamma mín hefur alltaf verið dug­
leg að taka mig með á hestbak alveg síðan ég man eft­
ir mér og mér hefur alltaf fundist það skemmtilegt.
Ég byrjaði í körfu aðallega út af því að það var lítið
af íþróttum í boði og körfubolti var skemmtilegasta
íþróttin af því sem var í boði.
Hver er fyndnastur af þeim sem þú þekkir? Alfa
Magðalena liðsfélaginn minn.
Hvað er það skemmtilegasta og leiðinlegasta við
þínar íþróttir? Ég myndi segja að félagsskapurinn
væri hátt á mínum lista í báðum íþróttunum. Leiðin­
legast finnst mér þegar illa gengur.
Hverjir eru þínir helstu kostir og gallar? Mín­
ir kostir eru ég er mjög skipulögð, samviskusöm og
dugleg en gallarnir mínir eru að ég get verið rosalega
þrjósk og viðkvæm.
Hefur gaman af því að baka
Víkingur Ólafsvík tók á móti ÍR á
laugardaginn í riðli 1 í B deild karla
í Lengjubikarnum í knattspyrnu og
fór leikurinn fram á Ólafsvíkurvelli.
Arnór Siggeirsson kom heima­
mönnum yfir á 22. mínútu og mín­
útu fyrir hálfleik bætti Kristófer
Daði Kristjánsson við öðru marki
fyrir Víking. Pétur Hrafn Friðriks­
son minnkaði muninn fyrir ÍR tíu
mínútum fyrir leikslok en lengra
komust þeir ekki og urðu síð­
an að sjá á eftir Jóni Gísla Ström
sem fékk rautt spjald á 90. mínútu,
lokatölur 2­1 fyrir Víking.
Á sunnudaginn léku KFS og Kári
í sama riðli á Domusnova vellinum
í Breiðholti og endaði leikurinn
með jafntefli, 3­3. Frans Sigurðs­
son kom KFS á bragðið á 19. mín­
útu en fimm mínútum síðar misstu
þeir Aron Smára Magnússon út af
með rautt spjald. Það virtist þó ekki
koma að sök því eftir hálftíma leik
kom Daníel Már Sigmarsson KFS
í tveggja marka forystu en Kára­
menn voru snöggir til því Fylk­
ir Jóhannsson minnkaði muninn
mínútu síðar. Fimm mínútum fyr­
ir hálfleik fékk Haukur Helgason,
leikmaður KFS, sitt annað gula
spjald og leikmenn KFS tveim­
ur færri fyrir hálfleik. Kári jafnaði
þó ekki metin fyrr en á 82. mínútu
með marki frá fyrirliðanum Andra
Júlíussyni og fimm mínútum síð­
ar kom hann þeim yfir með öðru
marki sínu í leiknum. Það dugði
þó ekki til sigurs því mínútu fyrir
leikslok jafnaði Leó Viðarsson fyr­
ir KFS og jafntefli því niðurstaðan.
Víkingur Ó og Kári enduðu jöfn í
öðru og þriðja sæti riðilsins með
sjö stig en ÍR í því efsta með tólf
stig og fer í úrslitakeppni sex liða.
Á sunnudaginn mættust einnig
lið GG og Reynis Hellissandi í
riðli 3 í C deild karla og fór leik­
urinn fram á Domusnova vellin­
um í Breiðholti. GG komst yfir í
leiknum með marki Ivan Jugovic
á 31. mínútu og á 79. mínútu var
Reynismaðurinn Kristján Freyr
Tómasson rekinn af velli. Mín­
útu síðar skoraði Birkir Snær Sig­
urðsson annað mark GG en einum
færri náðu Reynismenn að minnka
muninn í uppbótartíma með marki
frá Birni Óla Snorrasyni, lokatöl­
ur 2­1 fyrir GG. Reynir er enn án
sigurs í riðlinum en á einn leik eft­
ir gegn Hvíta riddaranum og verð­
ur hann á Ólafsvíkurvelli laugar­
daginn 2. apríl og hefst klukkan
14.
Skallagrímur lék síðasta leik
sinn í riðli 5 í C deild karla síðasta
miðvikudag gegn KÁ og var leik­
urinn á Ásvöllum í Hafnarfirði.
Skallagrímur var þremur mörk­
um undir eftir fyrri hálfleikinn
og heimamenn komust í 7­0 áður
en Hlöðver Már Pétursson skor­
aði sárabótarmark fyrir Skallagrím
mínútu fyrir leikslok. Skallagrímur
lauk leik í Lengjubikarnum þetta
árið í þriðja sæti riðilsins með þrjú
stig.
vaks
Um helgina fór fram Íslands­
mót unglinga í badminton í hús­
um Tennis­ og Badmintonfélags
Reykjavíkur. Badmintonfélag Akra­
ness sendi alls tólf keppendur á
mótið og vann ÍA sjö Íslandsmeist­
aratitla og einn sigurvegara í U11
B.
Máni Berg Ellertsson varð þre­
faldur Íslandsmeistari U15. Í U11
A varð Guðrún Margrét Halldórs­
dóttir tvöfaldur Íslandsmeistari í
tvíliða­ og tvenndarleik og í öðru
sæti í einliðaleik. Davíð Logi Atla­
son varð Íslandsmeistari í tvíliðaleik
U11 og í öðru sæti í einliða­ og
tvenndarleik. Arnar Freyr Fannars­
son varð Íslandsmeistari í tvíliðaleik
U15. Andri Viðar Arnarsson sigraði
í einliðaleik U11 B og Tinna María
Sindradóttir varð í öðru sæti í ein­
liðaleik U11 B.
vaks
Tveir úr Keilufélagi Akraness
voru valdir til að spila fyrir Íslands
hönd á Heimsmeistaramóti U21
í keilu sem haldið verður í Sví­
þjóð dagana 19.­30. júní í sumar.
Það eru þeir Ísak Birkir Sævarsson
og Jóhann Ársæll Atlason en auk
þeirra er lið drengja skipað Hinriki
Óla Gunnarssyni úr Keiludeild ÍR
og Mikael Aroni Vilhelmssyni frá
Keilufélagi Reykjavíkur. Stúlkna­
liðið skipa þær Alexandra Krist­
jánsdóttir, Elva Rós Hannesdóttir,
Hafdís Eva Laufdal Pétursdóttir og
Málfríður Jóna Freysdóttir.
arg
Signý Ósk. Ljósm. Kristín Vald.
Sjö Íslandsmeistaratitlar í hús
hjá Badmintonfélagi Akraness
Guðrún Margrét, Máni Berg og Davíð
Logi. Ljósm. af facebook síðu BA.
Tveir Skagamenn á leið
á HM U21 í keilu
Svipmynd úr leik GG og Reynis Hellissandi sem fór 2-1 fyrir GG.
Lengjubikarnum að ljúka hjá liðunum af Vesturlandi
Úr leik Víkings Ólafsvík og ÍR á laugardaginn. Ljósm. af