Skessuhorn - 25.05.2022, Side 1

FRÉTTAVEITA VESTURLANDS – www.skessuhorn.is 21. tbl. 25. árg. 25. maí 2022 - kr. 950 í lausasölu
Ert þú í áskrift?

Sími 433 5500
www.skessuhorn.is
699 3444
molby@fastlind.is
Löggiltur fasteignasali
ÁRALÖNG ÞEKKING
OG REYNSLA AF
FASTEIGNAMARKAÐI
Á VESTURLANDI
BOGI MOLBY
Allir kaupendur og seljendur fá
Vildarkort Lindar
hjá fjölmörgum fyrirtækjum
sem veitir 30% afslátt
Betri framtíð fyrir
fermingarpeninginn
arionbanki.is/ferming Framtíðarreikningur Arion banka
Leggðu fermingarpeninginn inn hjá Arion
og fáðu allt að 12.000 kr. mótframlag
Ljómalind Sveitamarkaður,
Brúartorgi 4, Borgarnesi
Sími 437-1400,
Netfang: ljomalind@ljomalind.is
Falleg gjafavara og
matur úr héraði.
Sjón er sögu ríkari.
Sími 437-1400
Opið alla daga frá
kl. 10:00-18:00
Í síðustu viku kynntist fjölmiðlafólk og áhrifavaldar frá Bretlandi og Frakklandi íslenskri fiskmenningu á Snæfellsnesi. Viktor Örn Andrésson, landsliðskokkur, verkaði
fisk fyrir áhrifavaldana sem tóku upp myndefni í erg og gríð. Verkefnið er skipulagt af Íslandsstofu. Blaðamaður Skessuhorns fylgdi hópnum hluta úr degi og fangaði
stemninguna. Nánari umfjöllun má finna á miðopnu. Ljósm. sþ
Bjarni Jónsson alþingismaður VG í
Norðvesturkjördæmi sendi nýver­
ið fyrirspurn til heilbrigðisráðherra
vegna skorts á læknum og öðru
heilbrigðisstarfsfólki á landsbyggð­
inni. Eins og fram hefur komið í
fréttum Skessuhorns virðist sem
viðvarandi skortur sé á læknum
til starfa á nokkrum starfsstöðv­
um Heilbrigðisstofnunar Vestur­
lands, sem meðal annars sýnir sig í
að biðtími eftir læknatíma fer upp í
einn mánuð. Það segir sig sjálft að
slíkt er óviðunandi, því annað hvort
hefur fólk náð fullri heilsu á þeim
tíma eða ástandið farið á verri veg.
Spurningar þingmannsins voru;
„hvernig hyggst ráðherra bregð­
ast við bráðum skorti á læknum og
heilbrigðisstarfsfólki víða á lands­
byggðinni? Telur ráðherra koma til
álita að grípa til sértækra aðgerða
og ef svo er, hvernig og hvar tel­
ur ráðherra brýnast að ráðast í slík­
ar aðgerðir með vísan til búsetu­
öryggis?“
Í margorðu svari Willum
Þórs Þórssonar heilbrigðisráð­
herra kemur fram að heilbrigðis­
starfsmenn séu takmörkuð auð­
lind um allan heim og því alþjóð­
legt viðfangsefni að tryggja næga
mönnun innan heilbrigðiskerfis­
ins. Þótt ekki sé vikið að því bein­
um orðum má lesa milli línanna í
svari ráðherra að raunverulegt svar
við spurningum þingmannsins er
ekki til. Þó segir í svari ráðherra;
„Stefnt er að bættu aðgengi með
aukinni fjarheilbrigðis þjónustu um
allt land. Markviss skref hafa verið
stigin til að greiða fyrir þeirri þró­
un, bæði hvað varðar lagaumgjörð
og innleiðingu á nýrri tækni ásamt
viðbótarfjármagni til verkefnisins.“
Á öðrum stað í svari ráðherrans
segir að stefnt hafi verið að fjölg­
un heilsugæslulækna á landsbyggð­
inni með því að koma á tveggja ára
námi sem myndi búa heilsugæslu­
lækna undir starf í dreifbýli. Til­
laga að fjármögnun aðgerðarinn­
ar var 2,5 milljónir úr byggðaáætl­
un. „Undirbúningur verkefnisins
fór hins vegar ekki eins og að var
stefnt í upphafi svo að aðgerðin fór
aldrei af stað. Þar sem aðgerðin var
ekki virk var að lokum ákveðið að
taka hana út úr nýrri byggðaáætl­
un, a.m.k. í bili. Það má svo endur­
skoða ef og þegar ástæða er til.“
Loks segir í svari ráðherra að mik­
ill skilningur sé á mikilvægi þess að
tengja sérnám heimilislækna við
heilbrigðisþjónustu á landsbyggð­
inni. Í haust er ráðgert að 94 sér­
námslæknar verði í námi í heimilis­
lækningum. Af þeim verða 36 í sér­
námsstöðum á landsbyggðinni eða
rúmlega 38% sérnámslæknanna,
þar af tveir á Vesturlandi.
Svörin undirstrika
ráðaleysi
Bjarni Jónsson segir að svör ráð­
herrans undirstriki því miður
mikið ráðaleysi. „Hér þarf bein­
skeyttar aðgerðir og það strax til
að tryggja betur búsetuöryggi um
land allt. Það verður að tryggja
betur stöðuga viðveru lækna og
hjúkrunarfólks í þeim byggðar­
lögum sem ekki njóta þess nú og
jafnframt að tryggja aðgengi að
læknisþjónustu. Markvissar fjár­
magnaðar aðgerðir til úrbóta
ættu að vera ein af meginstoð­
um byggðaáætlunar til að vinna
að búsetujafnrétti, en svo er ekki
í fyrirliggjandi tillögum. Ég hef
kallað eftir því að þeir sem með
málaflokkinn fara, innviðaráð­
herra, ráðherra byggðamála,
heilbrigðisráðherra og stofnan­
ir sem undir þá heyra, sýni hér
frekara frumkvæði með tillögum
að aðgerðum til úrbóta. Það þol­
ir ekki lengri bið að koma læknis­
þjónustu á landsbyggðinni í betri
farveg, um það þurfum við að
sameinast,“ segir Bjarni Jónsson í
samtali við Skessuhorn.
mm
Fátt um svör þegar spurt er um læknaskort