Skessuhorn - 25.05.2022, Page 4

MIÐVIKUDAGUR 25. MAÍ 20224
Garðabraut 2a - Akranesi - Sími: 433 5500 - www.skessuhorn.is
Skessuhorn kemur út alla miðvikudaga. Skilafrestur auglýsinga er kl. 14.00 á þriðjudögum.
Auglýsendum er bent á að panta auglýsingapláss tímanlega. Skráningarfrestur smá-
auglýsinga er til kl. 12.00 á þriðjudögum.
Blaðið er gefið út í 3.700 eintökum og selt til áskrifenda og í lausasölu.
Áskriftarverð er 4.110 krónur með vsk. á mánuði. Elli- og örorkulífeyrisþegar greiða
kr. 3.550. Rafræn áskrift kostar 3.220 kr. Rafræn áskrift til elli- og örorkulífeyrisþega er 2.968 kr.
Áskrifendur blaðs fá 50% afslátt af verði rafrænnar áskriftar. Verð í lausasölu er 950 kr.
SKRIFSTOFA BLAÐSINS ER OPIN KL. 9-16 VIRKA DAGA
Útgefandi: Skessuhorn ehf. skessuhorn@skessuhorn.is
Ritstjórn:
Magnús Magnússon, ritstjóri s. 894 8998 magnus@skessuhorn.is
Gunnhildur Lind Hansdóttir glh@skessuhorn.is
Valdimar K. Sigurðsson vaks@skessuhorn.is
Guðrún Jónsdóttir gj@skessuhorn.is
Steinunn Þorvaldsdóttir sth@skessuhorn.is
Auglýsingar og dreifing:
Díana Ósk Heiðarsdóttir auglysingar@skessuhorn.is
Umbrot og hönnun:
Ómar Örn Sigurðsson umbrot@skessuhorn.is
Bókhald og innheimta:
Guðbjörg Ólafsdóttir bokhald@skessuhorn.is
Prentun: Landsprent ehf.
Leiðari
Húsnæðiskrísan
Ekki er ofsögum sagt að slæm staða er komin upp í húsnæðismálum á öllu
suðvesturhorni landsins, staða sem einkennist af skorti. Á undanförnum árum
er ljóst að alltof lítið hefur verið byggt og nú erum við að fá það í fangið. Verð
hefur vægast sagt rokið upp. Svo mikill er skorturinn að nánast er slegist um
þær eignir sem boðnar eru til sölu, hversu góðar þær annars eru. Við slíkar
aðstæður skapast sú hætta að fólk láti freistast til að kaupa eignir sem reyn­
ast svo alltof dýrar þegar upp er staðið. Vextir og lánakjör eru svo ekki til að
bæta ástandið. Mesta hættan er fólgin í að þrálát verðbólga éti upp þann litla
höfuð stól sem nýir kaupendur eiga í húsum sínum og innan tíðar blasir við
blákaldur raunveruleikinn. Jafnvel þó að fólk standi undir greiðslubyrðinni
um tíma, er eignamyndun lítil sem engin jafnvel svo árum skiptir.
Nýverið var fimmtíu ára einbýlishús boðið til sölu á Akranesi. Ég fór ásamt
fólki sem ég þekki á opið hús þegar væntanlegum bjóðendum var boðið að
skoða. Á húsið voru settar rúmar 80 milljónir króna. Fjölmörg tilboð bárust
og líklega hefur eignin verið seld á að minnsta kosti tíu til fimmtán prósenta
yfirverði. Í það minnsta dugði hvergi nærri tilboð sem hljóðaði upp á fimm
prósenta yfirverð. Væntanlegir kaupendur þurfa svo að líkindum að leggja um
tuttugu milljónir króna til viðbótar í eignina til að lagfæra og endurnýja það
sem flokkast gæti sem eðlilegt viðhald. Eignin er þar með komin í 110 millj­
ónir króna það minnsta og fermetraverðið í um 600 þúsund krónur.
Á þessu opna húsi sá ég nokkra af þeim sem sýndu eigninni áhuga. Fæst­
ir voru úr röðum heimafólks. Þarna var meðal annars fólk af höfuðborgar­
svæðinu sem hugðist selja þriggja eða fjögurra herbergja íbúð þar til að fjár­
magna kaup á einbýlishúsi á Akranesi. Munurinn á fermetraverði á höfuð­
borgarsvæðinu og á Akranesi er einfaldlega svo mikill að sala á þriggja her­
bergja íbúð í Reykjavík dugði fyrir einbýlishúsi á Akranesi. Staða yngra fólks
sem þráði að eignast hús í heimabyggð á eðlilegu verði var því nánast vonlaus.
Við svona aðstæður er talað um seljendamarkað sem í þessu tilfelli er til
kominn vegna máttleysis stjórnvalda. Þeir sem nýta sér stöðuna og selja eign
sína geta greitt upp sín fasteignalán og átt dágóðan mismun. Þeirra er svo val­
ið að kaupa eða leigja, flytja á landssvæði þar sem fasteignaverð er skaplegra
og enn aðrir velja að flytja af landi brott. Taka ekki áfram þátt í því gönuhlaupi
sem sprunginn fasteignamarkaður felur í sér.
Af þessum ástæðum er ég spenntur að vita hvaða flokkar koma til með að
mynda meirihluta í borgarstjórn Reykjavíkur. Engum blöðum er um það að
fletta að þar liggur rót þess vanda sem hér um ræðir. Alltof lítið byggt, lóða­
framboð takmarkað og land á uppsprengdu verði. Nú blasir það því við að
aukið framboð er lykilinn að því að ná jafnvægi á húsnæðismarkaði. Runninn
er upp sá tími að sveitarfélög á skortsvæði suðvesturhornsins þurfa að koma
sér saman um áætlun um framtíðar uppbyggingu; hversu margar íbúðir þurfi
að byggja á ári til að jafnvægi náist á markaðinum. Í stað þess að byggja þrjú
þúsund íbúðir þyrfti byggingarmagnið að líkindum að vera helmingi meira til
að ná í skottið á ástandinu.
Almennt er það unga fólkið með litlu börnin og unglingana sem þarf að
stækka við sig húsnæði. Ef stjórnvöld koma ekki til móts við þennan mikil­
vægasta hóp landsmanna er illa komið fyrir okkur. Persónulega vildi ég alla­
vega ekki vera í þeim sporum að vera við þessar aðstæður að fjárfesta í íbúðar­
húsi fyrir á annað hundrað milljónir króna. Á sama tíma og stýrivextir eru að
nálgast fjögur prósentustig og lágmarksvaxtabyrði því um eða yfir 8% á ári.
Af hundrað milljóna króna fasteignaláni er átta prósenta hækkun einfaldlega
átta milljónir króna og hækka því öll lán sem tekin eru til að lágmarki 25 ára.
Til að bregðast við þessu þarf því að auka framboð lóða og húsnæðis með öll­
um þeim ráðum sem tiltæk eru. Þá þarf sömuleiðis að koma til móts við unga
fólkið með aðgangi að lánsfé á betri kjörum en nú bjóðast. Þetta snýst nefni­
lega líka um manneskjulegri efnahagsstjórn og hóflegri gjaldtöku fjármála­
stofnana. Gjaldmiðil einnig, en það hentar jú ekki þeim sem eiga peninga að
ræða það!
Magnús Magnússon
Míla er nú að fara af stað með
framkvæmdir við lagningu ljós­
leiðara í stærstu þéttbýliskjörn­
unum í Snæfellsbæ. Á heimasíðu
Snæfellsbæjar er greint frá því að
á þessu ári sé ætlunin að tengja 52
heimili í Ólafsvík og 15 heimili á
Hellissandi við ljósleiðara Mílu,
auk hafnarsvæðisins á Rifi. Nú
þegar eru 113 heimili í þéttbýli í
Snæfellsbæ með tengingu við ljós­
leiðara Mílu, 64 í Ólafsvík og 49 á
Hellissandi og Rifi.
„Í Ólafsvík verða heimili við
Miðbrekku og Fossabrekku 21
tengd ljósleiðara Mílu. Þá er ætl­
unin að tengja fimm heimili við
Skálholt, heimili við Brautarholt
1 – 16 og Grundarbraut 42 – 50
á þessu ári. Á Hellissandi verða
heimili við Snæfellsás og Hellis­
braut 10, 19 og 21 tengd ljós­
leiðara á árinu, auk hafnarsvæðis­
ins á Rifi,“ segir í frétt Snæfells­
bæjar.
Með tengingu við ljósleiðara
Mílu fá heimilin möguleika á að
nýta sér allt að 1 Gb/s háhraða­
tengingu sem ljósleiðarinn veitir og
er það öflugasta heimilistengingin
sem er í boði hjá Mílu.
mm
Fimmtudaginn 12. maí var síðasti
reglulegi fundur fráfarandi sveitar­
stjórnar í Reykhólahreppi. Við það
tækifæri var meðfylgjandi mynd
tekin og er hún dæmigerð fyr­
ir fundahöld síðari helming kjör­
tímabilsins en þá urðu fjarfundir
algengt fundarform. Í fundargerð
má sjá að nokkur stór mál voru
afgreidd, til dæmis verksamning­
ur um endurbætur á Reykhólahöfn,
yfirtaka Bríetar leigufélags á íbúð­
um við Hólatröð, samráðsáætl­
un um frágang vegna Vestfjarða­
vegar, brunavarnaráætlun og fleira
má telja.
„Að sitja í sveitarstjórn í litlu
samfélagi eins og Reykhólahreppi
er oft og tíðum ekki auðvelt, því
ákvarðanir sem þarf að taka snerta
stundum vini og fjölskyldu sveitar­
stjórnarfólks. Fráfarandi sveitar­
stjórn hefur staðið sig með sóma
og unnið að krefjandi verkefnum
af heilindum.“ segir í fréttinni á
heimasíðu Reykhólahrepps.
vaks
Nýr meirihluti Framsóknarflokks­
ins í Borgarbyggð hefur tekið þá
ákvörðun að Þórdís Sif Sigurðar­
dóttir núverandi sveitarstjóri verði
ekki endurráðin og hefur henni
verið tilkynnt um það. Þetta kom
fram í færslu sem Þórdís Sif ritaði
á Facebook síðu sína síðastliðinn
föstudag. Þar sagði hún meðal
annars: „Það að fá tækifæri til að
starfa sem sveitarstjóri í mínum
heimabæ í tvö ár, nýta mína þekk­
ingu og ást á samfélaginu hefur
verið virkilega gefandi. Þetta hef­
ur verið mikið lærdómsferli og hef
ég öðlast gríðarlega reynslu á stutt­
um tíma. Krísustjórnun, breytinga­
stjórnun, samningatækni og hvað
þetta mannlega skiptir miklu máli
hefur komið skýrt fram á tímabil­
inu. Ég hefði að sjálfsögðu kosið
að halda áfram með þá vegferð sem
við erum á og halda áfram þeim
umbótum sem hafnar eru og þeirri
uppbyggingu sem við höfum hafið
vinnu við. Endurskipulagning og
umbætur í stjórnsýslu taka tíma og
tvö ár eru ekki nógu langur tími til
að innleiða slíkar breytingar. Róm
var ekki byggð á einum degi.“
Þórdís Sif sagði einnig í fær­
slu sinni að hjá Borgarbyggð starfi
einstaklega hæft starfsfólk. „Þau
eru með metnað fyrir sínum störf­
um, þau eru með metnað til að gera
enn betur í dag en í gær og metnað
til að vinna sameiginlega að þeim
markmiðum að gera Borgarbyggð
að betra samfélagi fyrir íbúa. Sam­
heldnin hefur aukist meðal starfs­
fólk, starfsfólk allra stofnana er
starfsfólk Borgarbyggðar og við
viljum öll gera okkar til að sveitar­
félagið vaxi og dafni.“
Þórdís Sif sagði að lokum að
hún muni starfa út þessa viku
sem sveitar stjóri Borgarbyggð­
ar en hyggst leggjast undir feld að
því loknu til að finna sér nýtt og
spennandi verkefni.
vaks
Þórdís Sif Sigurðardóttir.
Þórdís Sif ekki
endurráðin sem sveitarstjóri
Á myndinni eru frá vinstri: Ingibjörg Birna Erlingsdóttir sveitarstjóri, Jóhanna Ösp
Einarsdóttir, Ingimar Ingimarsson, Karl Kristjánsson á Teams, Árný Huld Haralds-
dóttir oddviti og Embla Dögg B. Jóhannsdóttir. Ljósm. af reykholar.is
Síðasti sveitarstjórnarfundurinn
í Reykhólahreppi
Rif og Hellissandur. Ljósm. af.
Ljósleiðaravæðing heldur
áfram í Snæfellsbæ