Skessuhorn - 25.05.2022, Page 6

MIÐVIKUDAGUR 25. MAÍ 20226
Rostungurinn
HVAMMST: Selasetur
Íslands og Náttúruminjasafn
Íslands opnuðu síðastliðinn
föstudag sýninguna „Rost­
ungurinn – The Walrus,“ á
Selasetrinu á Hvammstanga.
Sýningin fjallar um íslenska
rostungsstofninn sem nýlega
var uppgötvaður og lifði hér
við land í nokkur þúsund ár, en
dó út við landnámið. Einnig
er fjallað um nytjar af rostung­
um og þátt þeirra í menningu
Íslendinga og annarra þjóða.
Selasetrið er opið allt árið.
Nýja sýningin mun standa yfir
fram á vor 2024. -fréttatilk.
Hátt álverð stór-
bætir afkomu
OR
SV-HORN: Tekjur sam­
stæðu Orkuveitu Reykjavík­
ur á fyrstu þremur mánuðum
þessa árs jukust um 14% frá
fyrra ári og er helsta skýringin
auknar tekjur Orku náttúr­
unnar af raforkusölu til stór­
iðju. Hagnaður tímabilsins
nam 6,8 milljörðum króna en
einskiptiskostnaður og tjón
í óveðrum febrúarmánað­
ar hækkuðu rekstrarkostnað
tímabilsins miðað við fyrsta
ársfjórðung á síðasta ári. Árs­
hlutareikningur samstæðu
Orkuveitu Reykjavíkur fyr­
ir fyrsta ársfjórðung 2022 var
samþykktur á fundi stjórnar
OR á mánudag. Innan sam­
stæðunnar eru, auk móðurfé­
lagsins, Veitur, Orka náttúr­
unnar, Ljósleiðarinn og Car­
bfix. -mm
Undir áhrifum í
umferðinni
VESTURLAND: Það var
frekar rólegt hjá lögreglunni
á Vesturlandi í vikunni sem
leið. Helst bar þó til tíðinda
nokkrir ökumenn sem betur
hefðu setið heima. Um miðj­
an dag síðasta þriðjudag ók
ökumaður út af veginum á
Bröttubrekku í Dölum eftir að
hafa mætt bíl. Lögreglan kom
á staðinn og kom þá í ljós að
ökumaður var sýnilega ölvað­
ur og átti í erfiðleikum með
að blása í mæli. Hann slapp
ómeiddur og bíllinn skemmd­
ist lítið en svo kom í ljós að
ökumaður hafði verið sviptur
ökuréttindum og því á akstri
próflaus. Í vikunni var ann­
ar ökumaður tekinn á 102
km hraða á Vesturlandsvegi
við Bifröst þar sem hámarks­
hraði er 70 km. Ökumaður
reyndist undir áhrifum kanna­
bisefna og þá fannst smáræði
af efnum í bílnum. Um miðj­
an dag á laugardaginn var
ökumaður tekinn undir áhrif­
um áfengis og örvandi efna á
Akrafjallsvegi og loks á sunnu­
daginn var annar tekinn á
Vesturlandsvegi undir áhrif­
um kannabisefna.
-vaks
Opið hús á
Hnoðrabóli
BORGARBYGGÐ: Skólahús­
næði Hnoðrabóls að Klepp­
járnsreykjum var tekið í notk­
un um áramótin 2020 ­ 2021
en vegna heimsfaraldurs var
formlegri opnun frestað. Föstu­
daginn 27. maí næstkomandi
stendur til að halda opnunarhá­
tíð og í tilefni þess verður opið
hús fyrir gesti og gangandi.
Húsið verður opið frá klukk­
an 10:30 til 12. Formleg dag­
skrá hefst kl. 11 með hátíðar­
ræðu og kaffiveitingum. Starfs­
fólk Hnoðrabóls hlakkar til að
sjá sem flesta með sól í hjarta.
-vaks
Sumaropnun í
Guðlaugu
AKRANES: Í byrjun mánað­
arins hófst sumaropnun í Guð­
laugu við Langasand á Akra­
nesi. Nú er opið alla daga vik­
unnar frá klukkan 12 til 20 og
frá klukkan 10 til 18 um helgar.
Stakur miði í Guðlaugina fyrir
18 ára og eldri kostar 500 krón­
ur, stakur miði fyrir 15 til 17 ára
er 200 krónur og sama verð er
fyrir öryrkja og eldri borgara.
Frítt er fyrir 14 ára og yngri og
einnig frítt fyrir þá sem keypt
hafa árskort í Jaðarsbakkalaug.
-vaks
Hluti af starfsemi Fjöliðjunnar á
Smiðjuvöllum 9 á Akranesi var flutt
um miðjan apríl yfir götuna í nýtt
húsnæði á neðstu hæð á Smiðjuvöll­
um 28. Að sögn Ástu Pálu Harðar­
dóttur yfirþroskaþjálfa hjá Fjöliðj­
unni vinna allir starfsmenn á báð­
um stöðum en á nýja staðnum er
meira unnið við pökkun og hrein­
legri vinnu og það henti mörg­
um betur. „Það er rólegri stemn­
ing hérna en grófari vinna hinum
megin eins og flöskumóttakan. Það
er róterað á milli staða og hver og
einn er með sitt dagsskipulag eins
og hentar þeim.“
Ásta Pála segir að nýja húsnæð­
ið sé bjart, það sé gott loft í húsinu.
Starfsemin þyrfti þó meira pláss
ef hún mætti einhverju ráða. Þau
séu með alls kyns verkefni í opnu
rými og það henti ekki öllum að
vera þar. Stundum gleymist einnig
að Fjöliðjan er vinnustaður en ekki
afþreyingarstaður. Fram undan hjá
þeim er að vinna með bænum að
því að á milli vinnustaðanna geti
þau verið örugg með samgöngur,
að þau geti gengið á milli því það
vanti göngustíg og gangbraut og
það sé næsta skrefið. vaks
Á næsta tímabili gildandi sam­
gönguáætlunar, eða árin 2025 til
2029, er áformað að hefjast handa
við gerð 2+1 vegar milli Hval­
fjarðarganga og Borgarness. Nokk­
ur undirbúningur er þegar hafinn
og beinist hann einkum að þeirri
leið sem Hringvegurinn liggur
um nú þ.e. frá Hvalfjarðargöng­
um, austur fyrir Akrafjall framhjá
Grundartanga og þaðan norður
að Borgarfjarðarbrú. Svo áfram sé
haldið eru margir á því að núver­
andi akleið milli Borgarfjarðarbrú­
ar gegnum þéttbýlið í Borgarnesi
og norður fyrir gatnamót Hring­
vegar og Snæfellsnesvegar sé ekki
heppileg leið til framtíðar fyrir
gegnumakstursumferð sem þar fer,
heldur sé farsælla að leggja sérstaka
hjáleið utan byggðarinnar.
Nú hefur Samgöngufélagið sett
í gang tvær skoðanakannanir þar
sem mæla á vilja íbúa til þessara
tveggja tillagna í samgöngumálum
á Vestur landi, þ.e. annars vegar fær­
slu hringvegarins þannig að hann
verði lagður fyrir mynni Grunna­
fjarðar og þannig stytt leiðina milli
Borgarness og Akraness um sjö kíló­
metra. Hins vegar er kannað með
skoðun fólks á að færa hringveg­
inn út fyrir byggðina í Borgarnesi.
Þessar kannanir verða í gangi til og
með 10. júní næstkomandi.
Nálgast má kannanirnar á vef­
slóðinni https://www.envalys.is/
surveys en einnig á auglýsinga­
borðum á vef Skessuhorns til 10.
júní nk. Loks má benda á aðsenda
grein Jónasar B Guðmundssonar
hjá Samgöngufélaginu sem birtist
hér í blaðinu í dag.
mm
Skjáskot úr kynningarmyndbandi Samgöngufélagsins sem birt er í könnuninni.
Þarna er horft til suðurs að Akrafjalli og yfir brú sem lögð yrði yfir mynni Grunna-
fjarðar.
Nýjar kannanir um legu Hringvegar
yfir Grunnafjörð og við Borgarnes
Starfsmenn eru hæstánægðir með nýju aðstöðuna. Ljósm. vaks
Fjöliðjan komin á nýjan stað