Skessuhorn - 25.05.2022, Qupperneq 13

MIÐVIKUDAGUR 25. MAÍ 2022 13
Við höfum aðstoðað tugi fyrirtækja og sótt styrki yfir 100 milljónir
Umsóknartímabil: Ágúst 2021 – Mars 2022
Umsóknarfrestur: Júní 2022
Hafðu samband og
við könnum rétt þinn
Umsóknarfrestur hefur verið
framlengdur
S: 554 5414 | upplysingar@ferdavefir.is | ferdavefir.is
C
M
Y
CM
MY
CY
CMY
K
vidspyrnustyrkir_loka copy.pdf 1 22.4.2022 16:49
Í dag, miðvikudaginn 25. maí, hefst
þriggja daga ráðstefna um ameríska
rithöfundinn Henry David Thor­
eau í Snorrastofu í Reykholti. Berg­
ur Þorgeirsson, forstöðumaður
Snorrastofu, og Henrik Otterberg,
doktor í Thoreau­fræðum, litu við
á skrifstofu Skessuhorns fyrr í vik­
unni til að segja blaðamanni frekari
deili af Thoreau en saman standa
þeir að því að skipuleggja við­
burðinn.
,,Henry Thoreau var fædd­
ur 1817 í smábæ nálægt Boston.
Hann var ekki hátt metinn þegar
hann lifði en í dag er hann þekktur
sem rithöfundur á sviði stjórnmála,
heimspeki, sögu, trúarmála og fleiri
sviða, einnig má segja að hann hafi
verið aðgerðasinni. Hann velti fyr­
ir sér málum sem koma okkur mik­
ið við í dag t.d. vistspor, núvitund,
flokkun og neysluhyggja. Frægasta
bókin eftir hann heitir „Walden:
Lífið í skóginum,“ en árið 2017
kom hún út á íslensku í fyrsta skipti
en þá voru 200 ár liðin frá fæðingu
rithöfundarins. Bókin hlaut svo
verðlaun fyrir best þýddu bókina
það árið. Íslendingar þekkja Thor­
eau ekki vel en margir segja hann
þekktasta rithöfund Bandaríkj­
anna og langar okkur þess vegna að
kynna þennan merka mann betur
fyrir Íslendingum,“ segja þeir Berg­
ur og Henrik en margir bandarísk­
ir rithöfundar og fræðimenn draga
innblástur sinn frá Thoreau.
Mikill áhugamaður um
Snorra Sturluson
Hugmyndin að ráðstefnunni kom
þegar Bergur var staddur í Gauta­
borg þar sem hann sótti um að kom­
ast í stjórn Thoreau félagsins. ,,Ég
kom þá með hugmyndina að ráð­
stefnunni og Henrik kom með
þá tillögu að halda ráðstefnuna í
Snorrastofu,“ segir Bergur en þeir
félagar hafa þekkst í 26 ár. Blaða­
maður spurði af hverju málstofa
um þennan rithöfund væri haldin í
Snorrastofu. Þeir Bergur og Hen­
rik segja að Thoreau hafi verið mik­
ill áhugamaður um Snorra Sturlu­
son. Hann hafi lesið Snorra­Eddu
og Heimskringlu ítarlega og dregið
innblástur frá skrifum Snorra, en á
tímum Thoreau höfðu sögur Snorra
Sturlusonar nýlega verið þýddar yfir
á ensku. ,,Í Snorrastofu einblínum
við á það hvernig verk Snorra hafa
verið nýtt í gegnum aldirnar. Snorri
lifir til dæmis í gegnum rithöfunda,
bíómyndir og óperur en núna er
kominn tími til að kynna þennan til­
tekna rithöfund og sjá meðal annars
hvernig Snorri lifir í gegnum hann,“
segir Bergur.
37 fyrirlestrar frá
tíu löndum
Málstofan er öllum opin án aðgangs­
eyris en stendur hún yfir frá 25. til 27.
maí. Fyrirlestrarnir verða 37 talsins
en fyrirlesarar koma frá tíu löndum,
þó mestmegnis frá Bandaríkjunum.
,,Heiti ráðstefnunnar er ,,Thoreau
á síðustu stundu“ svo fyrirlestrarn­
ir verða fjölbreyttir og eru um mál­
efni sem eiga vel við í dag eins og
hlýnun jarðar. Við vildum þema sem
gæti boðið upp á fjölbreytileika. Þrír
eða fjórir fyrirlestrar og viðburð­
ir verða í gangi í einu svo fólk þarf
að velja og hafna hvað það vill kynna
sér hverju sinni, svolítið eins og stór
tónlistarhátíð, en við erum einnig
búin að skapa rými á dagskránni fyr­
ir spjall svo hægt sé að ræða saman
um efnið. Svo ætlum við að bjóða
fólki með okkur í skoðunarferð um
nærumhverfið þegar ráðstefnunni
verður lokið,“ segir Henrik. Bergur
bætir svo við að lokum: „Það er líka
mjög mikilvægt fyrir okkur að vera
að fá þetta flotta fræðifólk alls staðar
að úr heiminum en allir eru að koma
til Íslands á sinn kostnað svo þetta er
bara mikill áhugi sem liggur að baki
komu fólksins hingað til okkar.“
sþ
Henrik Otterberg, doktor í Thoreau-fræðum, og Bergur Þorgeirsson, forstöðumaður Snorrastofu. Ljósm. vaks.
Ráðstefna um rithöfundinn Thoreau
haldin í Snorrastofu