Skessuhorn - 25.05.2022, Qupperneq 21

MIÐVIKUDAGUR 25. MAÍ 2022 21
Nýverið var undirritað samkomu­
lag á milli Samtaka sveitarfélaga á
Vesturlandi (SSV) og Snæfellsbæjar
um Barnamenningarhátíðina 2022,
en það verkefni er eitt áhersluverk­
efna Sóknaráætlunar Vesturlands
til stuðnings blómlegri menningu í
landshlutanum.
Barnamenningarhátíðir hafa nú
verið haldnar reglubundið á ýms­
um stöðum í rúmlega tíu ár svo
sem í Reykjavík. Á Vesturlandi hef­
ur hátíðin farið á milli staða og síð­
ast stóð til að halda hana á Akranesi
árið 2020 en frestaðist um eitt ár
og var haldin árið 2021 með öllum
þeim takmörkunum sem því fylgdi.
Nú þegar hefur Snæfellsbær haf­
ið vinnu við skipulagningu hátíðar­
innar og er það Heimir Berg Vil­
hjálmsson markaðs­ og upplýsinga­
fulltrúi sveitarfélagsins sem annast
undirbúninginn.
Á meðfylgjandi mynd sem Helga
Guðjónsdóttir tók má sjá Sigur­
stein Sigurðsson menningarfulltrúa
SSV og Heimi Berg undirrita sam­
starfssamninginn. gj
Eyþór Óskarsson frá Stykk­
ishólmi var á dögunum ann­
ar Íslendingurinn til að útskrif­
ast úr US Coast Guard Academy,
háskóla og sjóliðsforingjaskóla
bandarísku strandgæslunnar. Frá
skólanum eru útskrifaðir verð­
andi stjórnendur stofnunarinn­
ar á ýmsum sviðum en skólinn er
í New London í Connecticut fylki.
Nánasta fjölskylda Eyþórs var við­
stödd útskriftina ásamt fulltrú­
um frá Landhelgisgæslu Íslands,
þeir Georg Kr. Lárusson, for­
stjóri Landhelgisgæslunnar, og
Ásgrímur L. Ásgrímsson, fram­
kvæmdastjóri aðgerðasviðs. Engin
önnur en Kamala Harris, varafor­
seti Bandaríkjanna, flutti ávarp við
athöfnina.
Eyþór hefur stundað nám við
skólann síðastliðin fjögur ár í
stjórnun og var hann einn 250
útskriftarnema en það er stærsti
hópur útskriftarnema í sögu skól­
ans. sþ
Ólafsvík og Grundarfjörður eru
síðustu áfangastaðir Háskólalestar
Háskóla Íslands þetta vorið en þar
stoppar lestin dagana 27. og 28.
maí. Í boði verða bæði fjölbreytt
námskeið fyrir nemendur í efstu
bekkjum grunnskóla á staðnum
og vísindaveisla í Fjölbrautaskóla
Snæfellinga fyrir alla áhugasama.
Megináherslan í starfi Háskóla­
lestarinnar er að kynna vísindi á
lifandi og fjölbreyttan hátt fyrir
ungu fólki, styðja við starf grunn­
skólanna og efla tengsl við lands­
menn á öllum aldri. Í áhöfn lestar­
innar eru kennarar og nemend­
ur við Háskóla Íslands sem flest­
ir hverjir eru einnig leiðbeinend­
ur í Vísindasmiðju HÍ og Háskóla
unga fólksins.
Föstudaginn 27. maí sækja nem­
endur í 5.­10. bekk í Grunnskóla
Snæfellsbæjar í Ólafsvík námskeið
um flest allt milli himins og jarð­
ar, en þar verður m.a. fjallað um
töfra ljóss og lita, efnafræði, blaða­
og fréttamennsku, forritun með
skynjurum og föndri, orkuskipti,
vindmyllur, nýsköpun, sjúkraþjálf­
un, loftslagsbreytingar, dulkóðun,
draugagang, tröll og þjóðsögur og
japanska menningarheima.
Áhöfn Háskólalestarinnar slær
svo upp veglegri vísindaveislu
fyrir Grundfirðinga og nærsveit­
unga í Fjölbrautaskóla Snæfell­
inga laugardaginn 28. maí kl.
12­16. Þar býðst fólki á öllum
aldri að kynnast undrum vísind­
anna með gagnvirkum og lifandi
hætti í gegnum fjölbreytt tæki, tól
og smiðjur. Öll eru velkomin og
enginn aðganseyrir.
mm
Föstudagskvöldið 20. maí var
haldinn skemmtilegur markað­
ur í Sögumiðstöðinni í Grundar­
firði. Þar var hægt að kaupa hinar
ýmsu vörur en svo var einnig hægt
að skipta vörum. Það voru þær
Alexandra Dögg Sigurðardóttir og
Alicja Chajewska sem stóðu fyrir
viðburðinum og var hann vel sótt­
ur. Þarna var hægt að kaupa kök­
ur og annað góðgæti, snyrtivörur,
heilsuvörur, fatnað og margt fleira.
Viðtökur voru góðar og vel var
mætt og því verður að teljast líklegt
að þessi skemmtilegi markaður eigi
eftir að skjóta upp kollinum aftur í
sumar.
tfk
Núverandi og fyrrverandi prestar
Stafholtsprestakalls í Borgarfirði
standa í sameiningu fyrir pílagríma­
göngu milli kirkna í sókninni í sum­
ar. Göngurnar mun leiða Elínborg
Sturludóttir dómkirkjuprestur, sem
gegndi embætti sóknarprests í Staf­
holti 2010­2019. Starfandi sóknar­
prestur, Anna Eiríksdóttir, leið­
ir svo einnig gönguna með Elín­
borgu.
Fyrsta gangan fer af stað föstu­
daginn 6. júní þar sem gengið verð­
ur frá Hvammskirkju í Norðurárdal
um Grjótháls og að Norðtungu­
kirkju. Fer gangan af stað klukk­
an 14 og er áætlað að hún taki um
fjórar klukkustundir en leiðin er
um 20 kílómetrar. Föstudaginn 10.
júlí verður síðan gengið frá Norð­
tungukirkju að Hjarðarholtskirkju
og síðasti angi göngunnar verður
svo frá Hjarðarholtskirkju að Staf­
holtskirkju. Samtals er gönguleiðin
um 42 kílómetrar. Hvetja þær Anna
og Elínborg fólk til að njóta sam­
vista í náttúrunni og sameinast í
skemmtilegri göngu í sumar. sþ
Alexandrea Rán Guðnýjardóttir frá
Borgarnesi varð um helgina silfur­
verðlaunahafi á heimsmeistaramóti
unglinga í bekkpressu, en mótið
fer nú fram í Kasakstan. Alexandr­
ea lyfti þar tvöfaldri líkamsþyngd
sinni en hún keppir í flokki ­63 kíló
og lyfti 125 kílóum og bætti þar
sinn persónulega árangur um tvö
og hálft kíló. Alexandrea á síðan
eftir að keppa í klassískri bekk­
pressu á laugardaginn kemur.
sþ
Silfurverðlaunahafi á HM í bekkpressu
Frá vinstri: Ásgrímur L. Ásgrímsson, Eyþór Óskarsson og Georg Lárusson.
Ljósm. Landhelgisgæslan.
Eyþór útskrifast sem sjóliðsforingi
frá US Coast Academy
Alexandra Dögg við sölubásinn sinn þar sem kenndi ýmissa grasa.
Margt í boði á skemmtilegum markaði
Háskólalestin verður á Snæfellsnesi í vikulokin
Hjarðarholtskirkja í Borgarfirði er ein af kirkjunum fjórum sem gengið verður að.
Pílagrímagöngur fyrir-
hugaðar í Borgarfirði
Barnamenningarhátíðin
2022 verður í Snæfellsbæ